Ijeremaya 5:1 - IWE ỌNỊNỊ

¹ Ẹnẹyịmavara kà, ẹwụ nịnị Anijerusarẹmị, ọ̀ ngụ avaba ẹkụra awụ nịnị dị we re. Ngụ avaba orere awụ nịnị zị dị we re, àa nyị ọza anaa mẹ̀ ịsa ana vọrọ dị aa mẹ ịzẹyịza hi Ohomorihi. Àa nyị, ọnị Ẹnẹyịmavara vaa vagu wụ nịnị.

Ijeremaya 5:1 Referans Kwoze

Ezikẹẹrị 22:30

Ẹnẹyịmavara kà, ọnị ô si ọza-ịnya ịnị ẹngụ Anisirẹrị nịnị anaa kà a ka, à kụ́ ebira odivi ẹnẹnị kwooze, ama ọnị é yị re. Ọnị é yị re ọza ana hyakụ nyẹngụ hụvị ẹtẹ Isirẹrị va da ịpẹ ka asị ọnị vu ọ ẹtẹ.

2 Ịtọpa 16:9

Ẹnẹyịmavara vị ana nyayịnẹ si eyi pe ẹhẹ agụvị dị ọ sị ụkata yị aza ana sị avaba ayị ẹnịnị yọ. Ama ẹwa sị ụra ọdẹngụ mẹ. Hụrẹ ụmẹ ọnọnị na, u vaa kụ́ ịrẹkụ pooro nị.

Ayịsaya 59:4

Ẹ yị nyị ọza ana sị ịzẹyịza nọ ikootu, ọza ẹ yị ka ịzẹyịza, ireche kẹnẹ e che ayị ka ọ dọ ẹnị ha agụvị ẹnị e re oze mẹ̀ ịsa ọhịmị ene ro ka ọza na.

Ahẹ Ụgama 14:3

Ama ô re ka avaba aza vi ene nyee eyi Avaba ẹnịnị vị ana aa mẹ̀ ebira odivi, nyị ọza ịnya ana aa mẹ̀ ebira ana vọrọ hyakụ maanị nyị ikonya.

Ụhịrẹyị 20:6

Ọzọza vị anaa kà a ka ọnị ọ wụra chị ayị za, ama ene kụkụ zụ re ọza ana wụra chi ayị tụra kẹ?

Ahẹ Ụgama 12:1

Ẹnẹyịmavara, navọ kwogwo wa gụ yị ụvọ kụkụ nyị ọza ana aa mẹ ịzẹyịza ọ! Ọnịzẹyịza ệ ta hụụ nị ẹhẹ.

2 Anịtẹsaronika 2:10

Ịnị ịsa odivi anị, ọ vaa sị irechee vene aza ene vee vụ ẹtẹ. E vee vu ẹtẹ kẹnẹ, agụvị ka ẹnịnị e yi sì ịrẹyị ịzẹyịza, ana zụ mẹ ka à yaanị dọ wa há.

Iruuku 14:21

Di ozi ahụ ọnọọ na, dị ọ maanị na kà ịrẹyị ẹnẹnị yị ọga anị nị. Ayị ọ sị kụ́ adarehi ọnọọ, dị ọ kà a yị ozi ahụ anị ka ọ̀ wụsẹ nọ ini ubooro ọnịrị ịnị ịkọrọ ẹkụra, dị ọ̀ na hị́ onosiye nịnị vẹ beri oswẹngụ ọnịrị ogweyi nịnị beri oswahụ nịnị nị.

Ịzakaraya 2:4

Dị ọ ka oni o zwe na ka yị ozwọọmụha ọnọọ, ka Ijerusarẹmị aa vaa vara ẹkụra ẹnẹ ẹ yị nyị ọvọ. Ọnị ọ vavọọ na kà a agụvị aza ọrụrụ ọnịrị ịsụpa ọdẹngụ ene hi ịzọọ.

Emọsị 8:12

Dị aza ee zwe woowo vaa chi, vaa hịrẹ, dị e yee si ịzị ẹ vaa wú ịrẹyị anị. Ama ẹnịnị e yị vee re e.

Ijowẹrị 2:9

Dị e zwe duu na ngụ ẹkụra dị ẹ yaa zị ụsẹ ịrẹsụ ọvọ; dị ẹ yaa hịrẹ ịrẹsụ irehi, dị ẹ yaa ngụ ozokete anka oyi avọọ nị.

Ịdanịyẹrị 12:4

Ịdanịyẹrị ka anggẹẹrị ọnọọ ộ kà a yị ọnị ka ọnị ò ku iwe ọnọọ oku dị ọnị ọ̀ sị ịsa va a ne tù ụmẹ ọnị ẹhẹ vaa sịị za ẹtẹ. Dị ò ve tù, aza ọrụrụ-ọrụrụ vaa vàa chi vàa hịrẹ dị ọzọza aa kọsẹ ka ẹnị ẹ̀ yẹ ịsa huni avọọ.

Ahẹ Isoromọnị 3:2

Maa kwẹẹtẹ ọgọnị di ma naa ngụ ịnị ẹkụraa zị. Mị vaa vàa tụra oze ene hi ịnị ẹkụra, dị maa ngụ ohuu zịịzị nee si ọza ọnị mị maanị sì ịrẹyị anị. Mê ve sì ọ, ama mé yi re e.

Ụhịrẹyị 23:23

Asị ụ zẹ ka ịzẹyịza ọnịrị ịrẹyọyẹ ọ jị ụ ha, sị ụvọ za ịrẹyị ana a sị zụ wụ, dị eyi awụ o hweyi.

Ụhịrẹyị 8:3

Ọ jẹẹ oze anaā zị ngụ ịnị ẹkụra, e na owu boro-boro.

1 Ohinọyị 19:10

Di Erija ka, “ụhị vị ọnị mị nyayịnẹ aa kụ̀ agụvị Ẹnẹyịmavara ana vị Ohomorihi anaā kụ̀ ịrẹkụ. Ịrẹyị ẹnị ẹmịrị Anisirẹrị kà tịtẹ, ẹ sị và hụụnị anị, atakuji ịzị a yàa mẹ̀ ịsọvọ wụ, e si o wú và ha, dị ẹ rẹ za ọnịsẹ awụ dị ẹ sị ụ̀hwọ̀ wụ̀ wa va ha nị. Ẹmị ịnyara kẹnẹ ọ kụkụ vọ nị, di e re yèe si ka ẹnị ẹ̀ hyakụ dọ mị ụhwẹ bẹẹ nị.”

Ijeremaya 2:29

Ẹnẹyịmavara kà, sị ẹ vẹ dị wa a rị uhuhu hi mi nịnị? Avaba awụ ọ ra a kụ hịrẹ mị nịnị.

Ijeremaya 44:15

Ijeremaya ka, dị avaba aza ana yẹ́ ka ose ẹnịnị ệ mẹ̀ ịsọvọ hi ori, avaba anyẹnẹẹ ana jẹẹ ịzọọ beri Anisirẹrị nịnị ana ra hi eyi ụvẹtẹ Ijipiti, ẹnịnị aa gigirigi aanị, dị ẹ tu ọnị ohi ka:

Ahẹ Ụgama 14:2

Ẹnẹyịmavara ộ yà ẹbẹẹba dị ọ kana eyi chi vẹ ve re aza nị Ộ kana eyi ka ọnị ò re, àa daba nyị ọza ana yẹ ịrẹyị ene ee ro ịrẹyị Ohomorihi.

Ahẹ Ụgama 94:16

Ẹ̀nị ẹ vaa jẹẹ mị ịrẹma dị ya kà a yị aza edivi ana aā mẹ̀ ebira odivi ka sị aa hị́ avọọ?

Ijeremaya 8:6

Ẹnẹyịmavara kà ọnị ộ si ụtọ pe ẹtẹ ẹtẹẹtẹrẹ, ama wẹ yị kà ịzẹyịza nịnị. Ẹ yị nyị ọza ịnị ẹngụ awụ nịnị ene ro ịnẹ varẹma hụụnị ebira odivi anị. Ẹ yị nyị ọza ana kà a ka sị ọnị vana mẹ aanị da. Ọzọza vanaa zị oze anị anka umaata anaa nọ ịrẹkụ avọọ.

Ijeremaya 9:2

Ọ kà aayẹ ọnị ọ̀ nyị aha tụ ịnị ụnọmị ịzị anusoze nịnịị chí. Ọnị sị para aza anị hu dị ọnị ọọ nọ ịzọọ. Avaba ẹnịnị vị ọsẹrẹka. Ọkọnị anarịmamẹ ịzẹyịza ẹ vị nị.

Ijeremaya 9:7

Avọọ, Ẹnẹyịmavara Ochẹtẹẹngụ ka, re, ọnị vee tenyi aza anị ka ẹ zoza hu avọọ anka a mẹẹ tenyi enyusẹ avọọ, dị ọnị ọ̀ zama wa re. Ọ kà, aza anị ẹ sị odivi mẹ, ọnị mẹ vaa mẹ wa.

Ezikẹẹrị 9:9

Dị Ohomorihi tụ́ ohi ka, Anisirẹrị ọnịrị Anijuda nịnị ẹ́ ra rị ịvị ebira odivi-odivi ọ̀ yị mẹ baaba nị. Ẹnịnị ẹ́ kụ aza wụ̀ avaba aha, dị ẹ gara ebira odivi hi ẹtẹ Ijerusarẹmị nị. Ẹnịnị ka, ọnị Ẹnẹyịmavara ọ sị ẹkụra ẹnịnị hụrị ụvọ; ọnị é yi kuku re ẹnị.