Ijeremaya 49:39 - IWE ỌNỊNỊ

³⁹ Ọ kà, ama ụmẹ aa vẹ, ọnị ọnị rẹ vana mẹ ka oo zee yị Erami.

Ijeremaya 49:39 Referans Kwoze

Ijeremaya 48:47

Ama, Ẹnẹyịmavara kà, ụmẹ rẹ vanaa vẹ, dị ọnị mẹ ka bo zee yị Imowabi, dị ọọ yara. Avaba ịsa ọnị Ẹnẹyịmavara kà ọnị vaa mẹ Imowabi yi o.

Imika 4:1

Ụmẹ aa vẹ dị ataba ịzị dà irehi Ẹnẹyịmavara tụ́ aanị kuku vaa vị ataba ana nẹba hu ataba ana vọ, dị ọ da jịnẹ wa. Anẹkụra ọrụrụ-ọrụrụ vee tụraa hi ịzọọ.

Emọsị 9:14

Ẹnẹyịmavara kà ọnị vaa kụ aza anị anaa za ọrịhị hi ikinamị vaa vẹ eehi. Ẹnịnị vee tenyi eburu ẹkụra ẹnịnị da, dị ẹ̀ ra hi ịnị anị. Ẹ vaa kụ ụbazị ịvayịnị, dị e yee hu eche anị, ẹ vaa da ụbazị, dị ẹ yaa rị ịsa anị.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ịdanịyẹrị 10:14

Ộ ka, ọnị ọ zị vẹ ọ yị va ka ẹ yị ọnị ịsị e ve tu aza anị ụhwọ, agụvị ka ẹtẹ ọnị re aanị ẹ yị vị ịrẹyị ọ yaanị ọ vị.

Ịdanịyẹrị 2:28

Ọ kà, ama â nyị Ohomorihi ana ya ẹbẹẹba anaā sịị ịsa ana tẹẹ zụ aza. Ọ raà sị zụ ohinọyị Inebukadineza ịsa ana vaa mẹ ụhwọọ. Ọ kà, ẹtẹ ọnị ohinọyị ré ịnị ụra ọnị ọ raà yị.

Ezikẹẹrị 39:25

Ama booro aanị, Ẹnẹyịmavara Ananyị yị ka, ọnị vaa vayị evere Ijekọvụ; ẹnị ẹ vị Anisirẹrị nịnị nị, dị ọnị mẹ ka ọ̀ varẹma zee yị wa. Ọnị vaa hụ̀ agụvị ịrẹha ọnịnị anịị kụ ụhị.

Ezikẹẹrị 38:16

Ụ vaa kwẹẹtẹ tụ aza anị Anisirẹrị nịnị anka opomi mẹẹ tụ naa ngụ ẹkụra avọọ. Ịjị ụmẹ òo si tu, ọnị vaa mẹ ka wa kụ́ ịrẹkụ na ngụ ịnị ẹtẹ anị, agụvị ọnị ọ̀ sị zụ anẹkụra nịnị ọza ọnị ọnị vị; dị ọnị ọ̀ sị ịsị ọnị ọnị aa mẹ zị oze ịnị ụvọ awụ zụ ka ọza ọnịnị ọnị vị nị.

Ezikẹẹrị 29:14

Ọnị vaa navọ wa ka ẹ̀ ra hi eyi-ụvẹtẹ Ijipiti, ana vị eehi ẹnịnị obooro. Ọkụmị ẹnịnị kụkụ vaa vị̀ị hi ịzọọ nị.

Ijeremaya 49:6

Ama Ẹnẹyịmavara kà, ọ̀ vavẹ ịrẹma anị, ọnị vanaa mẹ ka ò zee yị Anaamọnị nịnị.

Ayịsaya 2:2

Ụmẹ aa vẹ, ịrẹsụ ataba ọnị irehi Ẹnẹyịmavara ya vaa vị Ataba ana nẹba hu kerekere, dị ọ va avaba ataba ana vọ chire. Anẹkụra ọrụrụ-ọrụrụ vee turaa hi ịzọọ,

Ijoovu 42:10

Ịjị Ijoovu raa mè aduwa yị wa, dị Ẹnẹyịmavara va ogu anị ịrẹma yọ oze ẹvẹẹva nị.

Ijeremaya 12:15

Ama, ọnị ọọ raa kụ wa kwooze, ọnị varẹma vaa vayị ẹnịnị. Ọnị varẹma vaa kụ anẹkụra ọzọzaa vaa vẹ eehi ẹnịnị, ịnị ẹkụra ẹnịnị.

Ijeremaya 49:38

Ẹnẹyịmavara kà, ọnị vaa sị aga ohinọyị anịị yaatụ ẹtẹ Erami, dị ọnị vú ohinọyị ẹnịnị ọnịrị ẹnị ọdọvịdị ẹnịnị ẹtẹ.