Ijeremaya 49:37 - IWE ỌNỊNỊ

³⁷ Ọ kà, ọnị vaa mẹ ka Anerami ee hí angwa ọnịvị ẹnịnị enee sì wa isu. Ayị anaa kụ ọnị, ọnị vaa kụ ẹngụkata tu Anerami, dị ọnị tụ isoja ịrẹyị tu wa nee tu ọnị ọ sị wa vú ẹtẹ kwooze.

Ijeremaya 49:37 Referans Kwoze

Ijeremaya 9:16

Ọ kà ọnị vaa gara wa hi ịnị akakana aza ọnị ẹnịrị ohiku ẹnịnị ẹ yị vịdị yẹ. Ọnị vaa kụ ịrẹkụ tu wa, dị ọnị dụ wa nee tu ịjị ọnị ọọ sị wa vú ẹtẹ saka-saka.

Ijeremaya 48:2

Avaba ụbanyị ọnị Imowabi vịdị nyị vaa ta. Ọnịvị ọza ọ sị ẹtẹ Ịhẹsịbọnị za. Ẹyaa gẹ eyi ẹ́ mẹmẹ vee vú ẹtẹ Imowabi ẹtẹ. Ọkụrẹkụ nịnị vaa kwẹẹtẹ tu ẹkụra Ịmadịmẹnị, dị ẹ mẹ̀ ẹ sisisi.

Ezikẹẹrị 32:23

Ikuta ẹnịnị vị ene hi aha ana nyịnẹ hu ịdị aneku. Avaba isoja anị vị ana a wụ a maa kụ̀ ịrẹkụ, dị e ne wa kara a nị. Ama, avaba aza ẹnẹnị vị enee vịdị chire anẹhẹ nịnị angwa.

Ezikẹẹrị 12:14

Ọ kà avaba aza ọnị ọ́ kụ kara ẹngụ ịnị ikootu anị, aza anaā gụ ọ ụvọ ẹnịrị isoja enee sere e, vị ọnị vaa garaa hi ozi, ọnị vaa mẹ ka aza ẹ̀ tụ̀ ụhwọ dị ẹẹ dụ wa.

Ezikẹẹrị 5:12

Ọ kà, achẹta awụ nịnị vị ọnị ụkụ ọnịrị ụngwẹ vaa wụ̀ wụ ha. Dị aa kụ́ ịrẹkụ va wụ achẹta awụ nịnị ọsa. Achẹta awụ nịnị ana vọ vị ọnị, ọnị Ẹnẹyịmavara vaa tụ̀ ụhwọ, dị ọnị dụ wa ne hi avaba aha.

Ezikẹẹrị 5:2

Ẹnẹyịmavara kà ịjị ọpa ẹkụhị ọnị ọnị aa yà ịnị ẹngụkataa vị̀ ọọ sị gụ, ọnị ọ̀ sị oze ọnyara ịnị ẹyị anị ọnọọ, dị ọnị ọ̀ rị ọ ịra Ijerusarẹmị. Ọ kà ọnị ọ̀ rẹ sị oze ọnyara ọsa, dị ọnị ọ̀ sị ụhwọ yẹrẹ ẹ và hí ẹtẹ kara Ijerusarẹmị. Ọnị ọ̀ sị oze ọnyara ana vọ dị ọnị ò hira a và hí ịnị ahị, agụvị ka ọnị Ẹnẹyịmavara vaa tụ ụhwọọ dụ Anijerusarẹmị nịnị.

Ijeremaya 50:36

Ọnịsẹ nịnị enee che irechee yị wa vị ene vee súu ha. Ẹnịnị ẹẹ da vị ọnụra kẹnẹ. Isoja ẹnịnị vị ene vee súu ha. Ẹnịnị ee divi baaba chẹngụ.

Ijeremaya 49:29

Ọ kà, à dọ wa ajẹngụ ẹnịnị ọnịrị ịsụpa ẹnịnị. À dọ wa avaba ịta ẹnẹ ẹ sị jị ajẹngụ ẹnịnị ọnịrị avaba ịsị ẹ nyị hi ịnị ajẹngụ ẹnịnị. Ọ kà, à dọ wa ịnyaakụmị ẹnịnị, dị à kà a yị wa ayịhụrịnẹ oo tu wa zị ụvọnị-ụvọnị.

Ijeremaya 49:24

Anịdamasịkọsị nịnị ẹ raa tụ ọkụmị, ẹnịnị ẹ sị zwe ayị maa hụrẹ wa ịnẹ. Ẹngụkata ô tù wa, ẹ sị mẹ suku-suku anka ọnyẹnẹẹ anaa barẹẹ avọọ.

Ijeremaya 49:22

Ọnịvị Anibozira vaa kwẹẹtẹ tu ọ anka ukokoro mẹẹ gana avaka chii vẹ vee che ịsa obonobono avọọ. Ịhị ọnọọ angwa vee hí isoja Anedomi nịnị anka ọnyẹnẹẹ anaa barẹẹ avọọ.

Ijeremaya 49:5

Ẹnẹyịmavara kà, re, ọnị vaa kụ ayịhụrịnẹ tu wu nịnị hụrị eyi ẹnyị eyi ọsa. Avaba awụ nịnị vee zwè, ọzọza vee zwè agụvị ẹhẹ anị. Ẹ́ yị vaa nyị ọza ana vaa kụ aza awụ nịnị ene zwè na tẹ̀ẹ gụ.

Ijeremaya 48:39

Ọ kà, asị Imowabi gara ha o! Waa jị òrèrè boro-boro nịnị ka, asị ụhị mẹ nyị Imowabi nịnị o!

Ijeremaya 30:24

Ẹnẹyịmavara ẹ́ yị vaa vàa hụụnị ọyịkụ anị ẹ̀ yị vị ọ́ raa mẹ avaba ịsị o rò ka ọnị aa mẹẹ ta. Ịhị ẹkụhị oo tu, ịrẹyị ọnọnị vee ye aza anị gedebee.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.

Ijeremaya 6:19

Ẹwụ nịnị anẹhẹ ọ wụ o; re, ọnị aa kụ ẹngụkata vee tu aza ẹnẹnị dị ẹ̀ rị ọgụ ụkọrọ ụvọ ẹnịnị ka, ẹnịnị ê yi ka ẹnị ẹ yị wụ́ ịrẹyị anị. Ẹnịnị ka ẹnị ẹ yị saasa ọda nị.

Ijeremaya 49:38

Ẹnẹyịmavara kà, ọnị vaa sị aga ohinọyị anịị yaatụ ẹtẹ Erami, dị ọnị vú ohinọyị ẹnịnị ọnịrị ẹnị ọdọvịdị ẹnịnị ẹtẹ.

Ijeremaya 9:15

Avọọ, sị ụtọ pe ẹtẹ dị wa wụ ịsị ọnị, Ẹnẹyịmavara Ochẹtẹẹngụ, Ohomorihi Anisirẹrị nịnị vaa mẹ; ọnị vaa sị ịsa ọnyịrẹyị yị aza anịị rị, dị ọnị sị enyi ana nyị ẹchịpa yị wa ka è hú ọ.