Ijeremaya 49:30 - IWE ỌNỊNỊ

³⁰ Ẹnẹyịmavara kà, ẹwụ nịnị Anịhazọ, ọnị aa kà wụ nịnị ọ̀nọ̀ ka we zwe dị wa na tẹ̀ nịnị. Inebukadineza, ohinọyị Ịbabịrọnị o sị eyi awụ nịnị gẹ.

Ijeremaya 49:30 Referans Kwoze

Ijeremaya 27:6

Ọnị ọ sị avaba anẹkụra chire ozi ahụ anị, Inebukadineza ohinọyị Ibabironii ụvọ nị. Uye ịnị avị nịnị vị ọnị ọnị sị vakaa yọ bẹẹ ka, ẹnịnị ẹẹ kụụ hẹkẹ ẹ.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ayịsaya 10:7

Ama ịsị ẹ nyị tụ́ ịnị ayị vị irenyi. Ịsị ẹ yà ịnị ayị ẹnịnị ọ vị ka ẹ̀ na wụ̀ wa va ha, di è vú anẹkụra ọrụrụ-ọrụrụ ẹtẹ nị.