Ijeremaya 49:28 - IWE ỌNỊNỊ

²⁸ Â rẹ nyị ẹkụra ana aā hị́ Ịkẹda ọnịrị Ịhazọ ọnị Inebukadineza, ohinọyị Ịbabịrọnị kwẹẹtẹ tu. Ịrẹyị ẹnịnị ọnị Ẹnẹyịmavara kà yị: Ọ kà, kwẹẹtẹ tu Anikeda nịnị, dị we vu avaba anẹkụra ene hi eyi ọnị ọyịị̄ hụrẹẹ vẹ ẹtẹ.

Ijeremaya 49:28 Referans Kwoze

Ayịsaya 11:14

Ẹnịnị kụkụ vaa vaa bẹ dị ẹ baku Anihwirisiti. Di e nyima hụrẹ eyi ọnị ọyịị̄ zị naa ngụ ẹtẹ, dị ẹ vavọọ chaka wa na ngụ eyi ọnị ọyịị̄ zịị hụrẹ. Ẹ rẹ vaa kụ́ ịrẹkụ naa rị Anedomi ọnịrị Animowabi. Dị Anamọnị kụkụ vị ọrịhị ẹnịnị.

Ọdọvịdị 6:3

Ụmẹ ọnị Anisirẹrị nịnị ẹ̀ẹ sị chire ịsa tụ ịnị aarẹ, dị Animidiya beri Anamarẹkị ẹnịrị anẹkụra nịnị ene hi eyi ịzị ọyịị̄ vẹ rẹ kụ ịrẹkụ tu wa.

Oyinyima 25:13

Ịrẹha ezi Isimẹrị ọnọọ yị. Ẹ mẹmẹ vị̀ yị ẹngụ a sị hị́ wa aanị nị. Inebayoti, Isimẹrị vịdị ma nị. Ana vọ ẹ rị: Ikeda, Adibeeri, Imibisami,

Ezikẹẹrị 27:21

Anarebiya nịnị ẹnịrị ẹnị ohinọyị ẹtẹ Ikeda nịnị vị anaā kụ ezi atẹmẹ, atẹmẹ, ẹnịrị ẹvụ vee pe wu nịnịị hị́ ịsa.

Ijeremaya 49:14

Ijeremaya ka, ẹwụ nịnị Anedomi, ọnị ộ dọ ụtụ ọnị Ẹnẹyịmavara tụ́. Ọ raa tu ọza ka ọ̀ na kà a yị anẹkụra ẹ̀ kụ ọkụrẹkụ (isoja) ẹnịnị gụ, dị è tenyi ẹngụ di e vee pe wu nịnị kụ̀ ịrẹkụ.

Ijeremaya 2:10

Ọ kà ẹnịnị ẹ nọ ẹtẹ Ịsayịpụrọsị ọnị enyi jị kara dị è ne re. Ẹyị vị avọọ ẹ tụ aza nọ ẹtẹ Ikeda dị ẹ tangwa na zama a re, èe ve re ka aa nyị ịzị ẹngụ ịrẹyị ọnọnị yà mẹ da.

Ijeremaya 49:33

Ẹnẹyịmavara kà, Ịhazọ vị ọnị ọnị vaa tụ osusu paa dị ahịka irezi ịnị avị ẹ vanaa ra ịzọọ ọnị. Ẹ́ ma vana nyị ọza anaa vanaa ra ịzọọ.

Ayịsaya 42:11

Avaba ụnọmị ọnịrị ẹkụra ene hi ịzọọ ee gono Ohomorihi. Avaba Anikeda ee gono o. Avaba aza ana ra Isera ẹẹ jị ahẹ ịnị ayohine di ee nowu ịrajẹ ịrẹsụ ataba.

Ayịsaya 21:13

Ịrẹyị ene re vee tù Anarebiya yị: Ẹwụ nịnị anẹkụra Idedanị ana aza anịị̄ kụ́ udi tụ́ ịnị ụnọmị Arebiya ẹ̀ẹ maanị aa hụrẹ eehi,

Ahẹ Isoromọnị 1:5

Ẹwụ nịnị anyẹnẹẹ Anijerusarẹmị, ộ yẹ́ ka mee mine de, ama mee zoza. Mee mine anka ajẹngụ ana a jị tụ ẹtẹ Ịkẹda ama mee zoza anka ịta ana a sị jị oze ịnị irehi ohinọyị Isoromọnị.

Ijoovu 1:3

Ô nyị atẹmẹ akawụ-akawụ oze ẹẹta tụra akahị, dị ịnyaakụmị anị vị akawụ rị akahị, dị ụnọ vị ẹvarẹwụ, dị ịkẹrịkẹtẹ anị ẹnị rẹ vị ẹvarẹwụ nị. Avọọ ezi ahụ anị mẹ gụ duu kẹnẹ nị. Opisa ọbanyị ọnị eyi yẹ tụ ịnị ẹtẹ ọnọọ ọ vị nị.

1 Ịtọpa 1:29

Ezi Isimẹrị ệ vana vị ohi ịrẹsụ abara ẹwụrẹva. Ẹnịnị ẹ vị Inebayoti ozi ọzọkụ Isimẹrị, Ikeda, Adibeeri, Imibisami,

Oyinyima 25:6

Ama di o ve sú, ộ kụ́ ịsa mẹ ezi oni ese anị ọsa ma yọ ẹyịza. Dị ọ va ka ẹ̀ hụụnị eehi yị Ayiziiki nị. Ộ ka ẹ̀ nọ ẹkụra ana yà oze ọnị ọyịị̄ zịị vẹ.

Ahẹ Ụgama 120:5

Ma sị dà! Ẹ̀nị ẹ tụ́ mị ka ma na ra ẹkụra Imeseki ọnịrị ịda Ikedari?

Ijeremaya 25:23

ẹtẹ Ịdẹdanị, Ịtẹma, Ibuzi ẹnịrị avaba aza anaā yẹrẹ ụtọ-ụtọ ẹyị ẹnịnị;

Ijeremaya 25:24

avaba ohinọyị Anarebiya ẹnịrị avaba ohinọyị aza anaa kà ẹkụra irenyi-irenyi ene dudu ra hi ịnị ẹtẹ aarẹ-aarẹ.