Ijeremaya 49:23 - IWE ỌNỊNỊ

²³ Â nyị ẹkụra ana aā hị́ Ịdamasịkọsị. Ịrẹyị anị ọnị Ẹnẹyịmavara kà yị: Ọ kà, Anẹkụra ana aā hị́ Ihamati ọnịrị Aripadi nịnị aa hụrẹ ayịnẹ, ẹngụkata ô tu wa agụvị ka ẹnịnị ệ wụ enube ịrẹyị odivi. Ayịhụrịnẹ ọ sị wa vazi anka enyi ịnị oku avọọ, ẹnịnị ẹ́ yị zụ tụhwọ.

Ijeremaya 49:23 Referans Kwoze

Ayịsaya 10:9

Ẹ rẹ ka ẹnị mè huna Ikakemisi ịnị ẹtẹ Aripadi nị. Ẹ ka ẹnị ệ kụ́ ịrẹkụ na rị anẹkụra Ịsamarịya ọnịrị Ịdamasịkọsị.

2 Ohinọyị 18:34

Ịzị ori Ihamati ọnịrị Aripadi nini hi booro aanị? Ịzị ori Isehwaveyimi, Ihena ọnịrị ori Iva nini hi? Ẹ́ẹ́ va zụ dọ Ịsamarịya ha?

Ayịsaya 57:20

Ama aza ẹhịmị vị ana vaa sị mẹẹ enyi ini òkū avọọ. Enyi ini òkū ẹ yị ma tịtẹ sisisii. Ahị vị anaā kụ ọ vaa hịrẹ dị ọ vị ọnịrị ịdọtị beri ụdọ.”

Oyinyima 14:15

O mè tụ́ ịzọọ, ịjị ẹtẹ si hozi dị ọ gà ezi ahụ anị dị e pè aza ẹnẹẹ kụ̀ ịrẹkụ, dị ọ rị wa nị. Dị ọ dị ụ wa na huu na ngụ Ihoba eyi ẹbẹẹba Ịdamasịkọsị.

Ịnahụmị 2:10

Ịjị Anininivẹ maanị re ẹtẹ, dị e nowu za ẹtẹ, dị ẹ ka, oo Ininivẹ ô si du nịnọọ! ộ sị tụ osusu! ệ yị nyị oza vụrụ-vụrụ! Ayị ẹnịnị ọ́ sị sẹ̀ hi wa ẹngụ angwa mee hi wa; Dị ẹgahị ngụ wa ẹngụ, dị ahụ ẹnịnị aa jị wa ụvọ ụkata ẹnịnị ta nị; Dị eyi ẹnịnị aa hụrẹ ọvụ nị.

2 Ohinọyị 19:13

Ọ kà ịzị ohinọyị ẹkụra ana aā hị́ Ihamati, Aripadi, Isehwaveyimi, Ihena, ọnịrị ohinọyị Iva nini hi?

Ịrịka 13:21

Ịzẹyịza dị ẹnịnị re ẹtẹ ọnọọ hụrị ụnọmị Izini na ngụ ẹhwị ẹtẹ Anihamati nị.

Oyinyima 15:2

Dị Abụramị ka Ẹnẹyịmavara Ohomorihi sị ọnị vị ana aa kụ́ ogu ẹnẹẹ mẹ? Ọ kà ô re ka ọnị ọ yị ma ozi. Eriyaza Anịdamasịkọsị ọnọnị ọ vaa kụ́ ogu anị aanị nị.

2 Anịkọrịntị 11:32

M mẹ̀ yà ẹkụra Ịdamasịkọsị, ọdọvịdị ẹkụra ọnọọ vị ana aa mẹ ụkọrọọ yị ohinọyị ana aā hị́ Arẹtasị, vị ana kụ́ oserẹtẹ hi oze ana jịnẹ hụụnị ẹkụra ka ẹ̀ za mị.

Odeyi 27:20

Ộ mẹ ẹkụhị ọrụrụ-ọrụrụ, ye yi re ọyị, ye yi re re ụzọmị, dị ahị aa yịị tụ́ hu avọọ kẹnẹ nị. Di i kuku hụrẹ eyi ka yẹ yị zụ há nị.

Odeyi 9:2

ka ọ̀ sị iwe yị ọnị, dị ọnị ọ̀ sị na yị irehi ahẹkẹ Aniju nịnị ene hi Ịdamasịkọsị nị. Ọ kà oni òo re ọza ana aa saasa oze Ikirisiti ịzọọ, dị ọnị ọ tụ́ wa orupa vẹ Ijerusarẹmị, ẹ̀ẹ vị ọnọrụ, ẹ̀ẹ daka vị anẹẹ.

Emọsị 6:2

Ẹnẹyịmavara kà ẹnịnị e ne re ịsẹ tu ẹkụra ọzọza ịnị ẹtẹ Ikarine, ọnịrị Ihamati ẹkụra ọbanyị ne beri Anigati ịnị ẹtẹ Ihwirisiti. Ẹnịnị wáá nyị ụkata hụụnị Anẹkụra ẹnẹẹ nị?

Ayịsaya 37:13

Ọ kà ịzị ohinọyị ẹkụra ana aā hị́ Ihamati, Aripadi, Isehwaveyimi, Ihena, ọnịrị ohinọyị Iva nini hi?

Ayịsaya 13:7

Nyị ịsị ọza ọnyị-ọnyị va zụụ mẹ, angwahi vị ana vaa ngụ avaba aza ẹngụ.

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

2 Ịtọpa 16:2

Avọọ dị Asa kụ́ isiriva ọnịrị igooru hụrẹ ịzị ogu hi ịnị irehi Ohomorihi ọnịrị ịnị irehi ohinọyị na yị Ịbẹnịdadị ohinọyị Isiriya ana ya Ịdamasịkọsị. Dị ọ tụ́ hị́ Ịbẹnịdadị ka;

2 Ohinọyị 17:24

Ohinọyị Anisiriya ộ kụ aza hụrẹ ẹkụra Ịbabịrọnị, Ikuta, Awa, Ihamati, ọnịrị Isehwaveyimi, dị ọ kụ wa va ra Ị́samarịya ịzị Anisirẹrị nịnị vịdị hi nị. Ẹnịnị ệ sị avaba ẹkụra ọnọọ, dị ẹ ra hi ịnị anị nị.

1 Ohinọyị 11:24

Ịnị ụmẹ oni Idevidi sị huna Ihadadeza ohinọyị Izoba, dị ọ wụ̀ isoja Anisiriya ana va gụ ọ ụvọ, Irezoni ọnịrị aza anị sị na ra Ịdamasịkọsị ịzị ẹ ya sị ọ rị ohinọyị Isiriya.

2 Ịsamụwẹrị 17:10

Ọ̀ọ vavọọ yà isoja ana ayị vị hu keekere anka idu vị ana angwahi vaa ngụ ẹngụ. Avaba Anisirẹrị ệ yẹ ka ada awụ ọ zụ kụ̀ ịrẹkụ. Ẹ rẹ yẹ ka isoja ana yà pè e vị ana ayị ẹnịnị nyayịnẹ vị.

2 Ịsamụwẹrị 8:9

A rẹ nyị ohinọyị Anihamati ọnya aanị ana aā hị́ Ịtọyi. Ộ wụ ọ ka Idevidi o reè hú avaba isoja Ihadadeza ẹtẹ.

Ijosuwa 14:8

Aza ana vọ ịnị ẹnị ana na vị ana va tụ́ Anisirẹrị angwahi. Ama ọnị vị ana sị avaba ayị tụra Ẹnẹyịmavara ana vị Ohomorihi.

Ijosuwa 2:11

Dị ọ ka ẹnị mẹ maanị wụ́ ịvọpa ọnọọ kẹnẹ ayị ẹnịnị sụ́ ẹnyị hi ẹtẹ nị. Ẹ yị nyị ọza ọnị ayị anị vị ọyị nọ ịrẹkụ. Ẹnẹyịmavara ana vị Ohomorihi ẹnịnị ọ vị Ohomorihi ene hu keekere, Ọnị ọ nyị ẹba nyị ụvẹtẹ nị.

Iwe Ọhụhị Imosiisi ana aa hị́ Ọyịvatụrọda 20:8

Ịrẹma aza ẹnẹnị, ọza ene èe hí angwa, oo na eehi; ọza e yi si isoja ana vaa tụ aza ana vọ angwahi.

Ọyịkụra 15:15

Angwa vee hi ohinọyị Anedomi. Ẹgahị vaa ngụ ọdọvịdị Animowabi nịnị ẹngụ. Anikenaani ẹnị raa hụrẹ ayịnẹ.

2 Ohinọyị 5:12

Ịrẹma ọnọọ, ọ ka, aanị ka, ẹ yị vị okuha ene hi Ịdamasịkọsị ana aā hị́ Abana ọnịrị Ịhwapa e zoza huni okuha ẹnyẹẹnyị ẹtẹ Isirẹrị? Á vị ọnị ẹ̀ yị yaanị zụ hụ enyi ịnị ẹnịnị, dị ẹngụ anị ọ̀ taa?

Ayịsaya 7:8

Wâ yẹ ka Ịdamasịkọsị ọ vị ohirẹsụ Aramị nị, dị ahịka Irezini ọ vị ohinọyị anị nị. Ọ̀ọ na mẹ ịrayị ẹbẹẹta tụra ẹẹhị, a kụ́ Ehwireemi gara ha dị ẹ yị kụkụ nyị aza ịnị anị.

Ayịsaya 36:19

Ọ kà ẹwụ nịnị ọ́ọ́ tamayị ori Ihamati ọnịrị Aripadi ne beri ori Isehwaveyimi? Ori ẹnẹẹ ẹ́ẹ́ va zụ dọ Anịsamarịya tụ́ hụụnị ụvọ ohinọyị Anasiriya?

Ijeremaya 39:5

Ama dị isoja Anibabironi dụ wa, dị ẹ za Ịzẹdẹkaya ịnị orere ẹtẹ Ijeriko nị. Ẹnịnị ệ sị ọ ne tu Inebukadineza ẹkụra ana aā hị́ Iribira ịnị ẹtẹ Ihamati. Dị Inebukadineza mẹ̀ ọkarẹyị yị Ịzẹdẹkaya ịzọọ nị.

Ezikẹẹrị 27:18

Anẹkụra ana aā hị́ Ịdamasịkọsị aa vẹ ịdị awụ nịnị vaa hị́ ịsa ọrọgọdọ ọnị ụ nyị va hi ẹtẹ nịnị. Eche ana a mẹ ẹtẹ Iheriboni ọnịrị owu anị ịzị aā hị́ Isaha ẹ sị vaa hị́ ịsa ịdị awụ nịnị nị.