Ijeremaya 48:7 - IWE ỌNỊNỊ

⁷ Ẹ ka, agụvị ka waa sị ayị tụra aha ụkata awụ nịnị ọnịrị ogu awụ nịnị, ẹwụ nịnị nyẹmba vị ana a rẹ vaa za. Ori awụ nịnị ana aā hị́ Ikemosi vị ana za ọrịhịị nọ aha ọsa. A vaa za wa beri ohirẹsụ irehi ori ẹnịnị ọnịrị ọdọvịdị ẹnịnị.

Ijeremaya 48:7 Referans Kwoze

Ịrịka 21:29

O du ku, ẹwụnị Animowabi! Awụ nịnị ọ ta, ẹwụnị anaa hẹkẹ ori Ichemosi. Ezi ewu nịnị ẹ sị vara ọrịhị tụ aha ọsa, ezi anẹẹ awụ nịnị ẹ sị vara ọrịhị Isihoni ohinọyị Anamọrị.

Ijeremaya 49:3

Ẹwụ nịnị Anihesiboni, wa jị òrèrè boro-boro nịnị! Asị ẹkụra ana aā hị́ Ayị vú ẹtẹ o! Ẹwụ nịnị ana ra hi Ịraba, waa jị òrèrè boro-boro nịnị. Waa zị ẹngụ nịnị di wa kụ́ ịta suku-suku hi ẹngụ nịnị. We zwèe zịịzị nịnị agụvị ka wẹ yị yẹ ịsị aa mẹ nịnị. A vaa sị ori awụ nịnị Imorẹkị beri ohirẹsụ irehi anị, ori ẹnị ọdọvịdị anị naa tụ ẹkụra ọsa.

Ijeremaya 9:23

Ẹnẹyịmavara kà, asị ọyẹrẹyị nịnị sị ịrẹyọyẹ ẹnịnị wo oto. Asị aza ana nyị ụkata sị ụkata ẹnịnị wo oto. Dị a sị opisa nịnị sị ogu ẹnịnị wo oto.

Ahẹ Ụgama 52:7

wéē re aza ana ka ẹnị e yi che ayị za Ohomorihi Wéē re aza ana sị ayị tụra ogu ẹnịnị, dị ẹ yaa wụ̀ azaa ha ka ẹnị ẹ̀ zụ nyị ụkata hu avọọ.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

Ihoseya 10:13

Ama ebira odivi ọnị ê chire ẹ vaa ha nị. Ireche ọ vaa vị ẹtụtụ ọnị ẹ vaa rị nị.

Ijeremaya 48:46

Ẹwụ nịnị Animowabi ẹ̀ nyarị iruwa. Asị aza anaa mẹ ori ana aā hị́ Ikemosi vú ẹtẹ o. Asị ezi anọrụ ẹnịrị ezi anẹẹ awụ nịnị za ọrịhị ne hi aha ọsa ọ.

Ijeremaya 48:13

Ịjọnọọ dị ụhị ori Animowabi nịnị ana aā hị́ Ikẹmọọsị aa nyị wa. Avọọ ụhị mẹ nyị Anisirẹrị nịnị ẹ́ mẹ sị ayị tụra Ịbẹtẹrị nị.

1 Ohinọyị 11:33

Ọ kà ọnị ộ vavọọ mẹ agụvị ka ẹnịnị ẹ sị và ị́rẹma anị, e kuku ee kú ẹtẹ yị Asẹra ori Anisidoni ọnịrị Ikimosi ori Animowabi. E re yee kú ẹtẹ yị Imirikomi ori Anamọnị. Ọ kà ẹnịnị ẹ yị zị ụsẹ ini oze anị, ẹnịnị ẹ yị mẹ̀ ebira ana vọrọ ini eyi anị. Ẹnịnị ẹ yị rẹ sị eyi pè ọda ọnị ọnị mẹ anka Idevidi ada anị.

Ẹtore 18:7

Vị́ ọ vịdịị wo ka â nyị ịsị ọnị vị nị, dị aa rị ẹhẹ o mè ze eyi nị, agụvị avọọ, sị́ ụya rị ọọ ẹtẹẹtẹrẹ nịnị Vị́ ọọ̄ kà a yị ẹngụ anị ka ohinọyị anẹẹ ọnị vị nị. Ọnị ọ yị vị osoku, ọnị ọ yị rẹ vaa rị ụya vụrụ-vụrụ.

Ijeremaya 43:12

Ọ kà, ohinọyị Ịbabịrọnị vaa jị ịra da irehi Anijipiti nịnị. Ọọ rị ori ẹnịnị ẹnyị ịra, dị ọ kụ ẹnyị aa na. Óseratẹmẹ mẹẹ tọ̀ọ́ ịhyama hụụnị ịta anị hụyẹ-hụyẹ, avọọ ohinọyị Ịbabịrọnị mẹ vaa nyị ẹbẹẹba Ijipiti, dị o hì ọ hụyẹ-hụyẹ, dị aa na nị.

Ijeremaya 13:25

Ọ kà ịsị e vee tù u nịnị yị. Ịsị ọnị vaa mẹ ụ nịnị ọ vị ọnọọ nị, agụvị ka we ree hi ayị anị nịnị, dị ụ kụkụ sị ayị tụra ori ana ahịka apẹ kẹnẹ ẹ vị nị.

Ahẹ Ụgama 40:4

Ọza ana aà sị ayị tụra Ẹnẹyịmavara vaa dàa jẹ ẹngụ aza ẹnẹẹ ẹ mẹ̄ pè aza ene ee wuu zi mẹ uzee Ẹ mā rẹ saasa onireche zị.

1 Ohinọyị 11:7

Isoromọnị ọ na dà ịzị ẹ nẹba yi ori Animowabi ana aā nyị ọza ịhyẹrẹ. Ori ọnọọ aā hị́ Ikemosi nị. Ịrẹsụ ataba ana yà eyi ọnị ọyịị̄ zịị̄ hụrẹ Ijerusarẹmị ọ dà aha ọnọọ tụ́ nị. Avọọ ọ mẹ̀ rẹ dà ịzị nẹba tụ́ ịzọọ yị ori Anamọnị nị. Ọnị rẹ vi ori ana aā nyị ọza ịhyẹrẹ, ana a rẹẹ̄ hị́ Imorẹkị.

Ọdọvịdị 11:24

Ịjẹhwịta ọ rẹ kà a yị ọ ka, ẹnịnị ẹ sị ụvọ za ẹhwị ịsa ọnị Ikemosi, ori ẹnịnị ọọ sị yị wa. Ẹnị rẹ va sị ụvọ za ịsa ọnị Ẹnẹyịmavara Ohomorihi ẹnịnị ra sị yị ẹnị.

2 Ịsamụwẹrị 5:21

Di Anihwirisiti navọ ori ẹnịnị hi ịzọọ, di Idevidi ọnịrị aza anị kụ́ wa aa na nị.

Ijeremaya 49:4

Sị ẹ vẹ dị ẹwụ nịnị ẹnẹ ẹ̀ yị nyị ịzẹyịza aanị ee wo oto kẹ? Waa sị ayị tụra ogu awụ nịnị di wee wo nịnị ka ẹ́ yị nyị ọza ana zụ kwẹẹtẹ tu wu nịnị nị.