Ijeremaya 48:32 - IWE ỌNỊNỊ

³² Ọ kà ọnị vaa jị òrèrè agụvị aza ene hi ịzị aā hị́ Isibima. Ẹnịnị ọnị vaa jị oreree yị huni Anijaza nịnị nị. Ẹkụra Isibima, vị ụ sị mẹẹ anka ọchị ịvayịnị ọnị avọ anị dà jịnẹ oku, dị ọ́ tana huu na ngụ Ijaza nị. Ama booro aanị, ọnịvị awụ nịnị ẹ́ sị ẹtụtụ awụ nịnị du ha saka-saka.

Ijeremaya 48:32 Referans Kwoze

Ịrịka 21:32

dị Imosiisi tụ́ aza ka ene re ẹkụra ana a hị́ Ijazeeri nị. Dị Anisirẹrị nịnị dọ avaba ẹkụra eweyi-eweyi ịnị ẹtẹ ọnọọ, dị ẹ dụ Anamọrị ene hi ịzọọ jịnẹ nị.

Ijosuwa 13:19

Ikiriyatayimi, Isibimati, ọnịrị Ịzẹrẹtị-Isahari ịrẹsụ otutu inozi.

Ijeremaya 48:18

Ẹwụ nịnị ana rá hi ẹtẹ Idiboni, chí hi ẹtẹ hụụ ịzị ụ na yaatụ ọnị wa sịị mẹ ụbanyị nịnị avọọ, dị wa va yaatụ ịnị eteesu nịnị. Ọnịvị Imowabi ộ vẹ, ọ́ sị avaba ẹkụra anị jị eburu.

Ijeremaya 48:15

Ohinọyị ana aā hị́ Ẹnẹyịmavara Ochẹtẹẹngụ ka, ẹtẹ Imowabi ọnịrị avaba ẹkụra ene hi ịnị anị vị enee vee vú ẹtẹ. Ezwọọmụha ọyịza-ọyịza ene hi ịzọọ vị ana vaa wụ̀ ha.

Ijeremaya 48:8

Ẹnẹyịmavara kà, ọnịvị ọza vaa kwẹẹtẹ tu ẹkụra ikonyi ikonya, ẹ́ yị ẹkụra ana vaa ha. Inozi ọnịrị ụnọmị vị ene vee vú ẹtẹ.

Ijeremaya 40:10

Ọ kà ọnị ụvọta vaa yà Imizipa, dị ọnị ọ̀ vị odeyi ẹnịnị ụmẹ ọnị Anibabironi ẹẹ sị vẹ ịzọọ. Ama ẹnịnị ẹ̀ naa và eche, dị ẹẹ há ẹtụtụ. Ẹnịnị ẹ̀ rẹẹ mẹ angwẹ dị ẹẹ kụ ọ tẹ̀.

Ijosuwa 21:39

Ịhẹsịbọnị ọnịrị Ijazeri beri ẹtẹ ọyị kụ́ ịsụpa rị ẹnịnị.

Ịrịka 32:38

Inebo ọnịrị Ịbaarị-Imeyoni neberi Isibima vị ene ree tenyi dà, dị ẹ sị ịrẹha ọwọọwa yị wa.

Ịrịka 32:35

Atiroti, Isohwana, Ijazeeri, Ijobeha,

Ịrịka 32:1

Ẹtẹ Irubẹnị ọnịrị Igadi nịnị ẹ̀ nyị ịsụpa rụrụ hu nị. Ịjị ẹnịnị re ka ẹtẹ Ijaza ọnịrị Igiriyadi o zoza ọyị kụ́ ịsụpa rị nị,

Ijosuwa 13:25

Ẹtẹ ẹnịnị ộ za Ijazeri ọnịrị avaba ẹkụra ẹbanyị-ẹbanyị Igiriyadi, achẹva ẹtẹ Amọnị huu na ngụ Aroyeri ana ya eyi ịzị ọyịị̄ kwẹẹtẹ hụrẹ Ịraba.

Ịrịka 32:3

Ataroti, Idiboni, Inimira, Ịhẹsịbọnị, Erire, Isebami, Inebo ọnịrị Ịbẹyọ,