Ijeremaya 48:17 - IWE ỌNỊNỊ

¹⁷ Avaba ẹwụ nịnị ana rá kara ẹtẹ Imowabi, dị ụ yẹ́ ọ́ mẹmẹ vịdị ngụrẹyị nịnị ọọ́ zị ẹngụ yị ọ nịnị. Waa kà a nịnị ka te! ohinọyị ọnị ọ maanị aa sị ụkata-ụkata mẹ ọ sị gara o. Avaba ụbanyị anị ọnịrị ụkata anị ộ ta ee!

Ijeremaya 48:17 Referans Kwoze

Ayịsaya 9:4

Aza ana vịdị aa mẹ ẹchakaa yị wa, wa kụ́ aza ẹnẹẹ gara ha. Wa raà tụ̀ ọkẹẹkẹrẹ ana a vịdị sị tụ́ wa, dị a sịị sị ụyaa rị wa. Wa raà nyị ẹbẹẹba anẹkụra ọnọọ ana mẹ̀ ẹvaya, dị ẹ yaa kụ ogu ẹnịnị Wâ mẹ ka ẹ̀ nyị ehuna anka a mẹ̀ nyị ehuna Animidiya ịyẹẹyẹ avọọ.

Ijeremaya 48:39

Ọ kà, asị Imowabi gara ha o! Waa jị òrèrè boro-boro nịnị ka, asị ụhị mẹ nyị Imowabi nịnị o!

Ayịsaya 16:8

Ịsa ịnị aarẹ Ịhẹsịbọnị ọnịrị aarẹ ana yà Isibima e kú du ha saka-saka. Ọchị ịvayịnị ene hi ịzọọ vịdịị tụ̀ dị aza aa sịị mẹ eche oni ohinọyị nịnị ee hú di aa mẹrẹ wa. Ọchị ẹnẹẹ vị ana vịdị gụ ẹtẹ huu hụụnị ụnọmị eyi ọnị ọyịị̄ zịị vẹ, dị ọ vavọọ na ngụ ụtọ oku nị. Ama a sị avaba anị du ha saka-saka.

Ayịsaya 10:5

Anasiriya nịnị ẹ sị dà. Ayị màa kụ mị mâ sị wa mẹ inori

Ahẹ Ụgama 110:2

Ẹnẹyịmavara vaa mẹ ka wa nyị ụkata. Ịzị ụ vaa rị ohinọyịị tụ́ vaa para Ịzayọnị hu. Ẹwa vaa rị ohinọyị tụra ọnịvị awụ ịrẹsụ nị.

Ayịsaya 14:6

Aza odivi ẹnẹẹ ẹ̀ẹ raà nyị ehuna ẹkụra, avọọ ẹ mẹ̀ vaa chamayịị yị wa pooro kẹnẹ nị.