Ijeremaya 48:13 - IWE ỌNỊNỊ

¹³ Ịjọnọọ dị ụhị ori Animowabi nịnị ana aā hị́ Ikẹmọọsị aa nyị wa. Avọọ ụhị mẹ nyị Anisirẹrị nịnị ẹ́ mẹ sị ayị tụra Ịbẹtẹrị nị.

Ijeremaya 48:13 Referans Kwoze

Ijeremaya 48:39

Ọ kà, asị Imowabi gara ha o! Waa jị òrèrè boro-boro nịnị ka, asị ụhị mẹ nyị Imowabi nịnị o!

Ayịsaya 45:16

Avaba aza ana mẹ ori yị ẹngụ ẹnịnị vị ọnị ụhị vaa nyị. A vaa mẹ̀ ụhị nyị wa.

Ọdọvịdị 11:24

Ịjẹhwịta ọ rẹ kà a yị ọ ka, ẹnịnị ẹ sị ụvọ za ẹhwị ịsa ọnị Ikemosi, ori ẹnịnị ọọ sị yị wa. Ẹnị rẹ va sị ụvọ za ịsa ọnị Ẹnẹyịmavara Ohomorihi ẹnịnị ra sị yị ẹnị.

Ijeremaya 48:46

Ẹwụ nịnị Animowabi ẹ̀ nyarị iruwa. Asị aza anaa mẹ ori ana aā hị́ Ikemosi vú ẹtẹ o. Asị ezi anọrụ ẹnịrị ezi anẹẹ awụ nịnị za ọrịhị ne hi aha ọsa ọ.

Ijeremaya 48:7

Ẹ ka, agụvị ka waa sị ayị tụra aha ụkata awụ nịnị ọnịrị ogu awụ nịnị, ẹwụ nịnị nyẹmba vị ana a rẹ vaa za. Ori awụ nịnị ana aā hị́ Ikemosi vị ana za ọrịhịị nọ aha ọsa. A vaa za wa beri ohirẹsụ irehi ori ẹnịnị ọnịrị ọdọvịdị ẹnịnị.

Ayịsaya 45:20

Ẹnẹyịmavara kà avaba anẹkụra nịnị ana ha hụụnị ịrẹkụ ẹ kụ ẹngụ gu, dị ẹ ka ọnị vẹ. Ẹ yị nyị ịrẹyọyẹ ịnị ori ẹnẹ sị ọchị bẹ, ọnị e yee chema zịịzị avọọ. Ẹnịnị vị ana mẹ̀ aduwa yị ori ẹnẹ ẹ yị nyị ụkata gụ wa ụvọ.

Ayịsaya 16:12

Animowabi aa nọ ịnị ataba ịda ori ẹnịnị ka vị ẹnị aa naa mẹ̀ aduwa nị. Vị ẹ yaa sị ụyaa rị ẹngụ ẹnịnị kẹnẹ nị, ẹ yị nyị ọgụvọ ẹnẹ ẹ zụ mẹ yị wa

Ayịsaya 2:20

Ịhị ọnọọ aza vaa kụ́ ori ẹnị ẹ sị enyusẹ ẹkẹhị ọnịrị igooru mẹ dị ẹ yaa hẹkẹ ẹ, di e ne wa ta yi isu ọnịrị arịga.

1 Ohinọyị 18:40

Di Erija ka ẹ̀ za ọnịsẹ Ịbaarị ẹnẹẹ, asị a nyị ana zẹẹ ka ò zwe. Ịzẹyịza dị a za wa di Erija kụ́ wa chi nọ ini orosi Ikisoni dị ọ na wụ̀ wa ịzọọ nị.

1 Ohinọyị 11:7

Isoromọnị ọ na dà ịzị ẹ nẹba yi ori Animowabi ana aā nyị ọza ịhyẹrẹ. Ori ọnọọ aā hị́ Ikemosi nị. Ịrẹsụ ataba ana yà eyi ọnị ọyịị̄ zịị̄ hụrẹ Ijerusarẹmị ọ dà aha ọnọọ tụ́ nị. Avọọ ọ mẹ̀ rẹ dà ịzị nẹba tụ́ ịzọọ yị ori Anamọnị nị. Ọnị rẹ vi ori ana aā nyị ọza ịhyẹrẹ, ana a rẹẹ̄ hị́ Imorẹkị.

1 Ohinọyị 11:33

Ọ kà ọnị ộ vavọọ mẹ agụvị ka ẹnịnị ẹ sị và ị́rẹma anị, e kuku ee kú ẹtẹ yị Asẹra ori Anisidoni ọnịrị Ikimosi ori Animowabi. E re yee kú ẹtẹ yị Imirikomi ori Anamọnị. Ọ kà ẹnịnị ẹ yị zị ụsẹ ini oze anị, ẹnịnị ẹ yị mẹ̀ ebira ana vọrọ ini eyi anị. Ẹnịnị ẹ yị rẹ sị eyi pè ọda ọnị ọnị mẹ anka Idevidi ada anị.

Ijeremaya 48:12

Ẹnẹyịmavara kà, ụmẹ aa vẹ ọnị ọnị vaa tụ aza dị ẹ va dụ Animowabi va hi ẹhẹ anka a mee và echee ha avọọ. A vaa tụ ẹkụra ẹnịnị osusu, dị aa jị ọ eburu anka a mẹẹ và eche hụụnị okoko, di a chaka okoko ọnọọ avọọ.

2 Ịtọpa 25:15

Ebira ọnị ọ mẹ aanị vị ana nyayịnẹ kụ́ Ẹnẹyịmavara ayị, avọọ ọ tụ́ ọnịsẹ ka ọ̀ họ̀ ọ sị ẹ vẹ dị aa hẹkẹ ori ẹnẹ ẹ yị zụ dọ aza anị ha hụụnị ụvọ anị?