Ijeremaya 48:11 - IWE ỌNỊNỊ

¹¹ Ẹnẹyịmavara kà, Animowabi nịnị vị anaa mẹ ẹhẹ ẹnịnị ẹngwọọrọ-ẹngwọọrọ, ọza ẹ́ yị za wa ọrịhị nọ ẹkụra ọsa da. Ẹnịnị vị ana sị mẹ anka eche ana nẹtẹ di ọza è yi zizi ọ avọọ; ọza ẹ́ yị và a hụụnị apori ẹnyị hi ịnị ọsa da. Ẹ́ yị nyị ịsị ẹ kanyị uhine anị, vị́ ọ nyayịnẹ yị hine ẹtẹẹtẹrẹ nị.

Ijeremaya 48:11 Referans Kwoze

Ịzẹhwanaya 1:12

Ẹnẹyịmavara kà ọnị vee hu ịra si aza ene hi Ijerusarẹmị, dị ọnị ọ tana ụvọ za wa. Ẹnịnị vị ana sị ọkakara yaayịtẹ ka ẹ yị nyị ịsa ọnị vaa mẹ, ọ̀ọ vị odivi ọ̀ọ vị ọyịza.

Ịzakaraya 1:15

Ọnị nyayịnẹ ee du ayị hi anẹkụra nịnị ana vọ ene ro ka ẹnị ẹ nyị ẹngwọọrọ. Ọnị vị ana kụ́ ayị chee hi aza anị dị ẹnịnị sị ụya rị wa hu avọọ nị.

Ịnahụmị 2:2

Ẹnẹyịmavara aa vaa va Anisirẹrị nọ udi ụbanyị ọnịrị ụkata anka ẹ mẹ vịdị ya dị ọnịvị ẹnịnị vaa sị ịrẹkụ hụ́ wa.

Ijeremaya 48:29

Ẹnẹyịmavara kà Animowabi nịnị aa sị ẹngụ ẹnịnịị tụ ẹba baaba. Ọnị ộ wụ́ ẹnịnị mẹmẹ aa sị ẹngụ ẹnịnịị tụ ẹba, di eyee wùu zị. Ọnị ộ wụ́ eyi ene eyee sii ré ẹngụ ẹnịnị.

Ayịsaya 24:3

Ohomorihi vaa za avaba ẹhẹ dị ọ tụ́ ọ osusu. Ẹnẹyịmavara kà ọnị ọ̀ kà avọọ nị.

Ayịsaya 16:6

Anijuda ka ẹnị ệ vịdị yẹ Animowabi mẹmẹẹ mẹ eyi. Vị ọ nyayịnẹ ẹ mẹ eyi ẹnẹmẹhị nị. Ama irenu osusu kẹnẹ ẹ vavọọ nyị nị.

Ahẹ Ụgama 123:4

O si ku ana aza ana aa mẹ eyii zi hụrẹ aa sị yịị mẹ ịyẹyẹ, di yè yi ti tụ́ ohi.

Ahẹ Ụgama 55:19

Ohomorihi ọ vị ohinọyị pooro zịna-zịna nị Ọ vaa wụ́ aduwa amị dị ọ sị ụya rị aza ẹnẹẹ ana ka ẹnị ẹ mā hụụnị ebira odivi, dị è yi mē re hí angwa Ohomorihi.

Ijeremaya 51:34

Inebukadineza, ohinọyị Ịbabịrọnị ọ sị ẹnị gara ha, ọ sị ẹnị tu avọ osusu anka a mẹẹ tụ ụnọkọ osusu avọọ. Ẹ ka, ọ sị ẹnị za mụnẹ anka ẹwụ mẹẹ mụnẹ ịsa avọọ. Dị ọ kụ avaba ịsa ohine-ohine ẹnẹ ẹnị nyị hi ịrẹka nị. Ọ rẹ sị ẹnị tọmọ và hi ẹtẹ o.

Ayịsaya 25:6

Ẹnẹyịmavara Ochẹtẹẹngụ vaa mẹ̀ ịsa ozoza gụ ẹtẹ ịrẹsụ ataba dị ọ ka ọzọza ẹ̀ va rị. Ịsa ọnọọ ộ nyị eche ene zoza ẹtẹẹtẹrẹ ne beri uye ene zoza.

Ụhịrẹyị 1:32

Ụra ọnụra awụ ọ vaa wụ̀ wụ nị. Eyogu ẹngụ awụ e vú ụ ẹtẹ nị.

Ịnahụmị 2:10

Ịjị Anininivẹ maanị re ẹtẹ, dị e nowu za ẹtẹ, dị ẹ ka, oo Ininivẹ ô si du nịnọọ! ộ sị tụ osusu! ệ yị nyị oza vụrụ-vụrụ! Ayị ẹnịnị ọ́ sị sẹ̀ hi wa ẹngụ angwa mee hi wa; Dị ẹgahị ngụ wa ẹngụ, dị ahụ ẹnịnị aa jị wa ụvọ ụkata ẹnịnị ta nị; Dị eyi ẹnịnị aa hụrẹ ọvụ nị.

Ijeremaya 22:21

Ụmẹ ọnị o si zee yi wụ nịnị, Ẹnẹyịmavara ộ kà ịrẹyịị ụ, ama ụ ka wẹ yị wụ nịnị. Avọọ ụ mẹ mẹ nịnị ụ́ mẹ hụrẹ vẹ ẹhẹ nịnị nị. Wẹ́ ma saasa ịrẹyị Ẹnẹyịmavara nịnị.

Ijeremaya 48:12

Ẹnẹyịmavara kà, ụmẹ aa vẹ ọnị ọnị vaa tụ aza dị ẹ va dụ Animowabi va hi ẹhẹ anka a mee và echee ha avọọ. A vaa tụ ẹkụra ẹnịnị osusu, dị aa jị ọ eburu anka a mẹẹ và eche hụụnị okoko, di a chaka okoko ọnọọ avọọ.