Ijeremaya 48:1 - IWE ỌNỊNỊ

¹ Ijeremaya kà, ịrẹyị ọnị Ẹnẹyịmavara Ochẹtẹẹngụ tụ ọnị hi aza ene hi Imowabi yị. Ịrẹyị o tu ẹwụ nịnị ene hi Inebo ẹngụ. Ẹkụra awụ nịnị ee vee vú ẹtẹ. Ẹtẹ Ikiriyatayimi vị ana a vaa mẹ̀ ụhị nyị, dị aa za a. Aha ụkata ẹnịnị vị ana a vaa gara a ha.

Ijeremaya 48:1 Referans Kwoze

Ịrịka 32:3

Ataroti, Idiboni, Inimira, Ịhẹsịbọnị, Erire, Isebami, Inebo ọnịrị Ịbẹyọ,

Ijeremaya 25:21

Ẹtẹ Edomi, Imowabi, ẹnịrị ezi Amọnị;

Ijeremaya 27:3

Dị Ẹnẹyịmavara kà ọnị ọ̀ tụ ụtụ hi ẹnị ohinọyị ẹtẹ Edomi, Imowabi, Amọnị, Ịtaya ọnịrị Ịsịdọnị nị. Ọ kà ọnị ọ̀ tụ́ odeyi ẹkụra ẹnẹẹ ana vaa vẹ Ijerusarẹmị vee re ohinọyị Ịzẹdẹkaya.

Ijeremaya 9:26

Anijipiti nịnị, Anijuda nịnị, Anedomi nịnị, Anaamọnị nịnị, Animowabi nịnị ẹnịrị avaba aza ana ra hi ịnị ụnọmị rọnyị-rọnyị. Ka avaba aza ẹnẹnị ẹ yị jị ụvẹvẹnẹ, dị avaba Anisirẹrị nịnị ẹnị ẹ̀ yị rẹ mẹ̀ ebira aza ana a jị ụvẹvẹnẹ nị.

Ayịsaya 27:3

“Ẹmị Ẹnẹyịmavara o si eyi pe ụbazị amị, dị maa ká enyi hi ọ eyinị-eyinị nị. Mee sere e ọọdụ ọnịrị ịrahụ ka asị a nyị ọza ana sị ụvọ kanyị ọ.

Ayịsaya 25:10

Ẹnẹyịmavara vee sere ataba Ịzayọnị. Ama Imowabi vị ọnị ọ vaa kụ́ ahụụ hii za ẹtẹ, dị ọ mẹ̀ ụhị nyị ọ ẹtẹẹtẹrẹ.

2 Ịtọpa 20:10

Re booro aanị, Anamọnị, ọnịrị Animowabi ne beri Anedomi nịnị mẹ kụ́ ịrẹkụ tu ẹnị. Avọọ ẹnịnị mẹ rẹẹ̀ vịdị mè jị ẹvẹnẹ-ẹvẹnẹ tụ́ oze ka asị ohiku ẹnịnị ana hụrẹ Ijipiti aa vẹ che ẹkụra ẹnịnị parahu nị. Ẹnịnị ê jesi kara wa dị ẹ navọ wa nị.

Ịrịka 33:47

Dị ẹ hụrị Arinọnị Idibiratayimi na jị udi tụ́ ataba Abarimi eyi ịzị oyi zị hụrẹ ịnị Inebo.

Ịrịka 24:17

Ụmẹ ọnị ẹtẹ ọnị o re aanị vaa sị mẹ, o yi tu. Ẹkụhị ọnya, ohinọyị vaa kwẹẹtẹ hụrị Isirẹrị anka ụzọmị ana zẹtẹ avọọ. Dị o vu Animowabi nịnị ẹtẹ, dị ọ wụ evere Iseti nịnị va ha.

Oyinyima 19:37

Ana vị ọzọkụ ọ ma ozi ọnọrụ ọnya, dị ọ yị ọ Imowabi nị. Ọnị ọ vị ohiku Animowabi ve tụ́ ajịnị nị.

Ijosuwa 13:19

Ikiriyatayimi, Isibimati, ọnịrị Ịzẹrẹtị-Isahari ịrẹsụ otutu inozi.

Oyinyima 14:5

Ịnị ana tụ́ ọ ịrayị ẹwụrẹna, di Ikedorayoma ana vị ohinọyị ne beri ohinọyị ana vọ ọnị ọnịrịị vabẹ kụ́ ọkụrẹkụ ẹnịnị, dị ẹ na rị Irehwayimi ene hi ịnị ẹtẹ Asiterọtị-Ikanayimi ọnịrị Izuzimi ene hi ịnị ẹtẹ Ihami beri Emimi ene hi Ịsavẹ-Ikiriyatayimi.

Ayịsaya 25:12

Avaba ẹkụra ẹnịnị ẹnị ẹ jị ọvọ kara vi oni Ohomorihi vee wuu hi ẹtẹ saka-saka, dị ọ vara a eteesu nẹrẹ-nẹrẹ.