Ijeremaya 46:28 - IWE ỌNỊNỊ

²⁸ Ọ kà ọnị vaa vẹ dị ọnị vaa dọ wụ nịnị tụ. Avaba ẹkụra ọnị ọnị dụ wụ nịnị ne hi vị ọnị ọnị vee vú ẹtẹ. Ama ọnị é yị vee vu wu nịnị ẹtẹ. Ọ kà ọnị ẹ́ yị vaa navọ ka asị ụ rị ụya nịnị, ama ịhị ọnị aa sị ụyaa rị wụ nịnị, ọnị vaa vayị awụ nịnị.

Ijeremaya 46:28 Referans Kwoze

Ẹtore 3:19

Avaba aza oni mi sì ịrẹyị anị vị oni miī tụ́ ohuvọ, dị mị sị ụya rị wa. Agụvị avọọ re ka wáa kụ́ ẹngụ hi ọọ, di u we ro ịnẹ varẹma.

1 Anịkọrịntị 11:32

Ama Ananyị yị mẹ̀ ọkarẹyị yị, dị ọ sị ụya rị yị, agụvị asị ọ na kụkụ jị ịvị yị ẹyịrị anẹhẹ vabẹ.

Ijeremaya 30:11

Ẹnẹyịmavara kà ọnị ọ̀ yà pe wu nịnị, ọnị vaa dọ wụ nịnị ha. Ọ kà ọnị vee vu avaba ẹkụra ọnị ọnị gara wụ nịnị ne hi ẹtẹ, ama ọnị e yi vee vu wu nịnị ẹtẹ. Ọ kà ọnị ẹ yị vaa mẹ ka wẹ́ yị rị ụya nịnị, ama ịjị ọnị aa sị ụya rị ụ nịnị, ẹhwị ụya ọnị vaa sị rị wụ nịnị nị.

Ijeremaya 10:24

Ọ kà, Ẹnẹyịmavara ọ̀ navọ ọ sị ịzẹyịza vọrọ ẹnị zị oze. Asị ọ sị ọyịkụ sị ụya rị ẹnị ka ẹyịvavọọ vị ee vu ẹnị ẹtẹ nị.

Ijeremaya 4:27

Ẹnẹyịmavara ộ vịdị sị ọ ka ka, ọnị vaa jị avaba ẹhẹ eburu, ama ọnị e yi vee vu avaba anị ẹtẹ saka-saka.

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Ihabaku 3:2

Dị ọ ka ọnị ọ wụ́ ịtọpa ịsị ẹbanyị-ẹbanyị ọnị Ẹnẹyịmavara mẹ̀ ịnị ịyẹẹyẹ, di o hi ọnị irenu nị. Dị ọ da ịpẹ ka ọ navọ ọ rẹ mẹ̀ yị ẹnị ịnị ụmẹ ẹnịnị anka ọ mẹẹ mẹ̀ ịyẹẹyẹ, dị ọ sị ụkata anị dọ ẹnịnị tụ́. Aarịhịnị ọ va hụụnị ọyịkụ anị, dị ọ vayị ẹnịnị.

Ịdanịyẹrị 2:35

Kẹnẹ, dị avaba ẹngụ anị ana vọ ana a sị enyusẹ irenyi-irenyi mẹ ẹnị rẹ kwọ̀rọ̀ va ha anka azịzẹ avọọ, dị ahị kụ ọ ne hu saka-saka nị, ọza ẹ yị vè ne re ịpa anị. Ama dị ịrẹta ana va sụ ịsa ọnọọ ịpẹtahụ aanị ọnị vana vara ataba ọbanyị tụ avaba ẹhẹ nị.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 1:19

Ọ kà ẹnịnị vaa kụ ịrẹkụ tu ọnị ama ẹnịnị ẹ yị va zụụ za ọnị, agụvị ka ọnị ọ yà pe ọnị ọ yị dọ ọnị ha.

Ayịsaya 43:2

Wàa ngụ enyi ana nyị ịnẹ, mị vaa yàa pe wu; Akanya awụ ẹ yị vee huna awụ. Wàa ngụ ịraa parahu, ọ yị vaa rị wụ;

Ahẹ Ụgama 46:11

Ẹnẹyịmavara ana nyị ụkata vị ana sị ọtụ kà yị ịrẹma. Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ahẹ Ụgama 46:7

Ẹnẹyịmavara Ochẹtẹẹngụ vị ana sị ọtụ kà yị ịrẹma Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ijeremaya 15:20

Ẹnẹyịmavara kà ọnị vaa mẹ ka ọnị ọ̀ yà anka ọvọ ana sị enyusẹ ọkatẹngụ tụ avọọ yị Anijuda nịnị. E vee pe ọnị zyaazị ama ẹnịnị e yi vee huna ọnị. Ẹnẹyịmavara kà ọnị vaa jẹẹ pe ọnị, dị ọnị ee sere ọnị. Ẹ yị nyị ịsị ẹ vaa mẹ̀ ọnị.

Ijeremaya 5:18

Ẹnẹyịmavara kà, ịjị ụmẹ ọnọọ ọọ vavọọ tu, ọnị ẹ yị vee vu aza anị ẹtẹ saka-saka.

Ijeremaya 5:10

Ọ kà ọnị vaa tụ́ ọnịvị nịnị ka ẹ̀ na má ọchị ịvayịnị aza anị va ha; ama ẹnịnị ẹ yị vee vu wa ẹtẹ bemi-bemi. Ọ kà ọnị vaa kà a yị wa ka ẹ̀ na avọ́ ọchị ẹnịnị ha, agụvị ka ẹ yị vị ọnị ọ nyị avọ ẹnẹ.

Ayịsaya 45:23

Ẹnẹyịmavara kà ọnị ọ raà hị́ eku, ọnọ ẹ yị vara ayị. Avaba idunku o vee ku ẹtẹ yị ọnị nị. Avaba aza ọ vaa hẹkẹ ọnị nị.

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ayịsaya 27:9

Ộ dị ịhị Anisirẹrị ẹ̀ẹ raà chaka ịrẹta ịzị ẹ yaa mẹ̀ ịsọvọ hi ori ana aā hị́ Asẹra nẹrẹ-nẹrẹ dị ẹnẹ ẹ̀ yị mā vara ọ̀ va vagu wa ini ebira odivi ẹnị ẹ yaa mẹ, kụkụ vaa nyị ọchị ori ọnọọ ikonya ana vọ jẹẹ.

Ayịsaya 27:7

Ẹnẹyịmavara ộ yị sị ụya rị Anisirẹrị anka ọ mẹ̀ sị ụya rị ọnịvị Anisirẹrị nịnị. Ọnịvị Anisirẹrị ana a wụ ẹ rẹ rụrụ huna Anisirẹrị ana a wụ nị.

Ijosuwa 1:9

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

Ijosuwa 1:5

Ẹnẹyịmavara rẹ kà a yị nyị ọza ana va nyayịnẹ và eyii kà Ijosuwa pooro dị ọ̀ sị ẹhẹ tịtẹ. Ộ kà ọnị mẹ̀ yà pè Imosiisi, avọọ ọnị mẹ̀ rẹ vaa yà pè Ijosuwa nị. Ọ kà ọnị ọ yị vaa mẹ̀ ụhị nyị ọ, ọnị ọ yị vaa hụrẹ ẹ ụvọ.

2 Itimoti 4:17

Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.

Odeyi 18:10

agụvị ka mâ yà pe wu. Ẹ yị nyị ọza ana zụ mẹ wụ ịsọnyị-ịsọnyị. Mâ nyị aza rụrụ hi ịnị ẹkụra ọnọnị.”

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Ayịsaya 44:1

Ẹnẹyịmavara kà, “Sị ụtọ pe ẹtẹ booro aanị, ẹwụ Isirẹrị, ozi ahụ amị. Ẹwụ nịnị ezi Ijekọvụ, ọnị mị nyị mẹ aza amị.

Ijeremaya 23:4

Ọnị vaa nyị ohinọyịị yị wa ana vaa tẹsị ẹnịnị. Aza anị ẹ yị kụkụ vee hí angwa, ayị ẹ yị kụkụ vaa hụrẹ wa ịnẹ. Ọ kà ọnị ẹ yị kụkụ vaa sị ụyaa rị wa.

Ijeremaya 30:10

Ọ kà, ẹwụ nịnị aza anị, Anisirẹrị, asị ụ hí angwa nịnị; asị ayị hụrẹ ụ nịnị ịnẹ. Ẹnẹyịmavara kà ọnị vaa dọ ẹwụrị ezi ẹwụ nịnị ha hụrị aha ẹnẹẹnẹ ịzị a za awụ nịnị ọrịhị hi avọọ. Ụ vanaa nyị ẹngwọọrọ, dị ọnị ee sere ụ nịnị. É ma vana nyị ọza ana vaa mẹ angwaa hi wu nịnị.

Ijeremaya 51:46

Ọ kà, sị tụ ọtụtụrụma nịnị, asị u hí angwa, agụvị ịrẹyị ọnị ụ wụ nịnị ẹtẹ Ịbabịrọnị. Ịrayị-ịrayị a sị ka enube irenyi-irenyi ka, aa nyị ezigi ịnị ẹkụra ọnịrị ka ohinọyị ọnya ọnịrị ọsa aa zyaazị nị.