Ijeremaya 46:20 - IWE ỌNỊNỊ

²⁰ Ẹtẹ Ijipiti vị ana sị mẹ ụnọ ene zoza ẹtẹẹtẹrẹ avọọ. Ama dị ịsị enee che ọza kụ ịrẹkụ hụrị Ịbabịrọnị ve tu ọ nị.

Ijeremaya 46:20 Referans Kwoze

Ihoseya 10:11

Anehwireemi nịnị vịdị aa mẹ̀ ebira anka ozi ụnọ anaa pà ene si aā sị ọnị tụ́ ịsa ọyịna avọọ. Ẹnẹyịmavara kà a ọnị vaa da ẹnya tụ́ ịnị ọkẹkẹrẹ anị, dị ọọ mẹ̀ ụkọrọ ana katẹngụ hu avọọ. Ẹnịrị Anijuda nịnị ee du avị dị ẹ rẹ jị ịrụkụ anị.

Ijeremaya 47:2

Ọ kà, ré, ịrẹyị aa vẹ hụrị eyi ẹbẹẹba. Aa vẹ eyiha-eyiha anka irehu ọọ́ há ngụ ẹkụra avọọ. Ịrẹyị ọnọọ vee tu avaba aha ọnịrị ịsa ene hi ịnị anị, o vee tu ẹkụra ọrụrụ ọnịrị aza ana ra hi ịzọọ. Aza vee nowu ka à va gụ ẹnị ụvọ; dị avaba anẹhẹ aa jị òrèrè ọngwọọngụ.

Ijeremaya 46:6

Aza enee zwe echi hu kere-kere, ẹ́ yị zụ na, isoja ẹnịnị ẹ́ yị ha. Ẹnịnị ệ vangga, dị ẹ́ sẹ ẹdụ va hi ẹtẹ eyi ẹbẹẹba, ọ̀ sị gụrị irehu Iyuhwuretisi nị.

Ijeremaya 1:14

Dị Ẹnẹyịmavara kà hụrẹ eyi ẹbẹẹba ịsị edivi vaa gara vee ku avaba aza ene hi ịnị ẹtẹ ọnọnị nị.

Ijeremaya 50:11

Ọ kà, ẹwụ nịnị Anibabironi, waa na kụ aza anị ẹnya nịnị. Waa jẹ dị wee hine ayị nịnị nị. Waa ngwọọ zịịzị nịnị anka ụnọ ana aa sịị chị́ apaapa avọọ, dị wee nowu nịnị anka umaata avọọ nị,

Ijeremaya 46:24

Ẹnẹyịmavara kà ọnị ọ sị ọ ka: A raa mẹ̀ ụhị nyị Anijipiti nịnị da. Anibabironi ẹ̀ sị wa huna.

Ijeremaya 46:10

Ajịnị vị ẹkụhị Ẹnẹyịmavara Ochẹtẹẹngụ, Ananyị avaba ọda. Ajịnị aa họ̀ oponu nị. Ajịnị aa sị ụya rị ọnịvị anị nịnị nị. Aza vị ọnị ọ́ vaa wụ̀ pooro ne tu ịjị oo si du ọ eyi, dị ọ mẹ ka eteesu ò hú ẹnịnị pooro ne tu ka asị ó kuku zụ hu. Ajịnị Ochẹtẹẹngụ aa sị azaa mẹ̀ ịsọvọ eyi ẹbẹẹba ọ̀ sị gụrị Iyuhwuretisi nị.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.