Ijeremaya 46:13 - IWE ỌNỊNỊ

¹³ Ijeremaya ka, ụmẹ ọnị Inebukadineza, ohinọyị Ịbabịrọnị sị kụ́ ịrẹkụ ve tu Anijipiti, Ẹnẹyịmavara ộ kà ịrẹyị yị ọnị, ọ ka

Ijeremaya 46:13 Referans Kwoze

Ijeremaya 44:30

Ọ kà, ọnị vaa sị Ihohwira, ohinọyị Ijipiti chire ọnịvị anị enee si ọ usu ụvọ, anka ọnị mẹ sị Ịzẹdẹkaya, ohinọyị Ijuda chire Inebukadineza, ohinọyị Ịbabịrọnị ụvọ. Ọnịvị anị ọ̀ vị, dị ee si ọ usu nị.

Ijeremaya 27:7

Avaba anẹkụra vị ana vaa kụụ hẹkẹ e. Ẹnịnị vaa kụụ hẹkẹ ezi anị ọnịrị aazị anị pooro nee tu ụmẹ ọnị ẹkụra anị ọnị rẹ vaa sị sẹ̀ ẹdụ. Dị anẹkụra anị ẹnị rẹ vaa kụụ hẹkẹ anẹkụra ọrụrụ-ọrụrụ ana nyị ụkata ẹtẹẹtẹrẹ ẹnịrị ohinọyị ẹbanyị-ẹbanyị nịnị.

Ezikẹẹrị 29:8

Booro aanị, ọnị Ẹnẹyịmavara Ochẹtẹẹngụ aa kà a yị wụ ka ọnị vaa mẹ ka aza ẹ kụ́ ịrẹkụ tu wu, dị ẹ wụ̀ aza awụ ẹnịrị ịsụpa nịnị.