Ijeremaya 46:10 - IWE ỌNỊNỊ

¹⁰ Ajịnị vị ẹkụhị Ẹnẹyịmavara Ochẹtẹẹngụ, Ananyị avaba ọda. Ajịnị aa họ̀ oponu nị. Ajịnị aa sị ụya rị ọnịvị anị nịnị nị. Aza vị ọnị ọ́ vaa wụ̀ pooro ne tu ịjị oo si du ọ eyi, dị ọ mẹ ka eteesu ò hú ẹnịnị pooro ne tu ka asị ó kuku zụ hu. Ajịnị Ochẹtẹẹngụ aa sị azaa mẹ̀ ịsọvọ eyi ẹbẹẹba ọ̀ sị gụrị Iyuhwuretisi nị.

Ijeremaya 46:10 Referans Kwoze

Iwe Ọhụhị Imosiisi ana aa hị́ Ọyịvatụrọda 32:42

Ọpa anị vee hú anyị ọnịvị anị, dị ụhwọ anị vaa wụ̀ avaba aza ana va eyi ịrazị ka ọnị. Ẹ yị nyị ọza ana va eyi ịrazị ka ọnị ana vaa ha Ọnị vee vu aza ana tọ̀ ụnava ọnịrị anịnẹngwa nịnị ẹtẹ.

Ijowẹrị 1:15

Ẹkụhị ọnị Ẹnẹyịmavara vee sii du ayị hi wa aa gụrị ẹtẹ. Ịhị ọnị Ohomorihi Ochẹtẹẹngụ vee vu wa ẹtẹ vaa daa divi kẹnẹ.

Ijeremaya 46:2

Ịrẹsụ Ijipiti o nyima hụrẹ nị. Ịsị ọ ka yị ọnị ịnị ịpa ọkụrẹkụ ohinọyị Ijipiti ana aā hị́ Ineko yị. Inebukadineza, ohinọyị Ịbabịrọnị ộ nyị ẹbẹẹba ohinọyị Ineko ọnọnị ịzị aā hị́ Ikakemisi, ọ̀ sị gụrị irehu Éhwirate. Ịrayị ọhụna ọnị Ijehoyakimi sị rị ohinọyị Ijuda, ọ́ vavọọ nyị ẹbẹẹba Ineko nị.

Ijeremaya 46:6

Aza enee zwe echi hu kere-kere, ẹ́ yị zụ na, isoja ẹnịnị ẹ́ yị ha. Ẹnịnị ệ vangga, dị ẹ́ sẹ ẹdụ va hi ẹtẹ eyi ẹbẹẹba, ọ̀ sị gụrị irehu Iyuhwuretisi nị.

Iruuku 21:22

Ẹkụhị ana a vaa sị sị ụyaa rị ọza ọ vị nị, agụvị dị ịrẹyị ana a chẹrẹ tụ́ ini Iwe Ohomorihi ọ̀ zụ sẹ.

Ijowẹrị 2:1

Ẹnẹyịmavara kà e hú ọpanyị, di e na owu tụ ẹhẹ ịrẹsụ Ịzayọnị ana vị ataba anị, dị avaba aza ene hi Ijuda e hí angwa! Ẹkụhị ọnị Ẹnẹyịmavara vaa sị mẹ̀ ọkarẹyị aa gụrị ẹtẹ.

Ijeremaya 51:6

Ọ kà ọzọza ò zwè hụrị ẹtẹ Ịbabịrọnị, ọzọza ọ sị ụvọ ku ịrẹsụ oo zwè. Asị ụ zẹ ka a wụ agụvị ebira odivi ẹnịnị. Ụmẹ o si tu ka ọnị Ẹnẹyịmavara ọ̀ họ̀ oponu, ọnị vaa sị ụyaa rị wa á mẹ vọrọ.

Ijeremaya 50:15

We nowu ịrẹkụụ kara Ịbabịrọnị nịnị. Ịbabịrọnị ọ sị dọ booro aanị. Asị ọvọ anị gara ha saka-saka. Ẹnẹyịmavara kà vị ọnị aa họ̀ oponu ịrẹsụ Anibabironi nịnị aanị nị. Agụvị avọọ ẹwụ nịnị ọnịvị ẹnịnị, waa họ̀ oponu ịrẹsụ ẹnịnị nịnị, dụ wa mẹ wa anka ẹnị mẹ rẹ vịdị aza ana vọ.

Ayịsaya 63:4

Ẹnẹyịmavara kà ụmẹ ọnị a sị dị aza anị ha o si tu. Ụmẹ o si tu ka ọnị ọ sị ụya rị ọnịvị aza anị nịnị.

Ayịsaya 13:6

Tụ́ ụvọ kú ịrẹsụ wee nowu ka ẹkụhị ẹnẹ Ẹnẹyịmavara Ochẹtẹẹngụ vaa sị wụ̀ azaa ha o si tù.

2 Ohinọyị 24:7

Ohinọyị Ijipiti ọnịrị isoja anị nịnị ẹ yị vana jịnẹ hụrẹ ẹkụra tụ́ ẹhẹ agụvị ka ohinọyị Ịbabịrọnị ộ raa dọ ẹtẹ anị hụrị irehu Iyuhwuretisi na ngụ irehu Ijipiti.

Ayịsaya 61:2

Ẹnẹyịmavara ọ raà tụ́ mị ka ma kà a aza ana barịwẹ Ka ụmẹ ọnị Ẹnẹyịmavara vaa dọ aza anị ha, o sí tụ́ dị ọ nyị ehuna ịrẹsụ ọnịvị ẹnịnị ọ raà tụ́ mi ka ma sị́ ayị aza anaa zị ẹngụ nẹtẹ.

Ijoovu 24:1

Ijoovu ka sị ẹ vẹ dị Ohomorihi Ochẹtẹẹngụ ẹ yị sị ụmẹ tịtẹ ana a sị mẹ̀ ọkarẹyị, agụvị aza anaa hẹkẹ ẹ è zụ re e ka ọnịzẹyịza ọ́ vị nị?

Ayịsaya 31:8

Ịrẹkụ ọ vaa wụ̀ Anasiriya nị, ama ẹ yị vị ẹmịrị ọzarẹyịrẹsụ ọ vaa kụ̀ ịrẹkụ ọnọọ. Mị ka ịrẹkụ ọ vaa wụ̀ wa nị, ama ẹ yị vị ịrẹkụ ọzarẹyịrẹsụ. Ịrẹkụ vị ana vaa dụ wa, di a za ozwọọmụha ẹnịnị ọrịhị.

Ijeremaya 12:12

Aza ene eē du ịsaa ha ẹẹ wara hụụnị ụnọmị eyi ẹbẹẹba vẹ; ka ọnị Ẹnẹyịmavara ọ́ raa kụ ịrẹkụ ka è ve vu avaba ẹkụra Ijuda ọnịrị Ijerusarẹmị nịnị ẹtẹ, ẹ yị nyị ọza ana a kụkụ nyị ẹngwọọrọ.

Ijeremaya 46:14

Ọnị ọ̀ na kà ịrẹyị ọnọọ ẹkụra ana aā hị́ Imigidọrị, Imemihwisi, ọnịrị Itapanihesi ịnị ẹtẹ Ijipiti. Ọ kà ọnị ọ̀ kà a ka: Ọzọza o tenyi ẹngụ, dị ọ̀ vụ̀ ịrẹvụ ka asị a nyị ịsị ẹ mẹ̀ ọnị; agụvị ka a vaa kụ ịrẹkụ vee du avaba ịsị ụ nyịị ha nịnị.

Ijeremaya 50:18

Avọọ, Ẹnẹyịmavara Ochẹtẹẹngụ ka, ọnị Ohomorihi Anisirẹrị nịnị vaa sị ụyaa rị Inebukadineza ọnịrị ẹkụra anị, anka ọnị mẹ sị ụya rị ohinọyị Asiriya.

Ezikẹẹrị 21:28

Ezikẹẹrị ka Ẹnẹyịmavara ộ kà a yị ọnị ka, ozi-ọza, ọnị ọọ kà ịsẹ. Ọnị ọ̀ nọọ yị Anaamọnị nịnị anaa kụ Anisirẹrị nịnị ụhụ aanị, ịsị ọnị ọnị Ẹnẹyịmavara Ananyị ụkata hu aa kà. Ọ kà, ọnị ọ̀ kà a yị wa ka, asị ụhwọ tụ̀ a vaa wụ̀ aza. Asị ọ ne, dị a da ịsa sisi ọ ka ọọ za nyoonyo anka ịnyanya avọọ nị.

Ịzakaraya 6:6

Ịkẹkẹ ịrẹkụ ọnị umaata anị nịnị vi oji vi ana nọ eyi ẹbẹẹba ẹtẹ Ịbabịrọnị, dị ọnị umaata anị nịnị da achẹrẹ poto-poto vị ana nọ eyi ụvẹtẹ.

Ayịsaya 2:12

Ẹnẹyịmavara ọ nyị avaba ụkata nị. Ọ raà jị ẹkụhị ọnya tịtẹ. Ịhị ọnọọ ọ vaa za avaba aza ene ee wu ịka zị dị ọ kà wa chi, dị ọ mẹ̀ ụhị nyị wa.