Ijeremaya 44:29 - IWE ỌNỊNỊ

²⁹ Ẹnẹyịmavara kà ọnị vaa sị zụ̀ wụ nịnị ka ọnị vaa sị ụyaa rị wụ nịnị ịzị ẹnị; ọnịrị ka, ọnị mẹ kà a ka ọnị vee vu wu nịnị ẹtẹ avọọ, avọọ ọ́ mẹ vaa vị ịzẹyịza nị.

Ijeremaya 44:29 Referans Kwoze

Ụhịrẹyị 19:21

Aza ẹ zụ mẹ aro ọrụrụ-ọrụrụ tụ ịnị ayị ama ịsị Ẹnẹyịmavara oo si ọọ̄ vaa mẹ nị.

Ijeremaya 44:30

Ọ kà, ọnị vaa sị Ihohwira, ohinọyị Ijipiti chire ọnịvị anị enee si ọ usu ụvọ, anka ọnị mẹ sị Ịzẹdẹkaya, ohinọyị Ijuda chire Inebukadineza, ohinọyị Ịbabịrọnị ụvọ. Ọnịvị anị ọ̀ vị, dị ee si ọ usu nị.

Ayịsaya 40:8

Ịzẹyịza, avị ẹnẹ ẹ̀ yị mā jẹẹ dị è sú, di ododo anị wọ̀rọ̀ va ha. Ama àa vị ịrẹyị Ohomorihi ayịị ịzọọ pooro zịna-zịna.

1 Ịsamụwẹrị 2:34

Ezi ewu ẹyịva, Ihohwini ọnịrị Ihwinehasi vi ene vee sú ịnị ẹkụhị ọnya. Ọnọọ vaa sị zụ̀ wụ ka ịrẹyị aa vẹ ịrẹsụ awụ nịnị.

Ayịsaya 7:11

ò họ̀ use ka ọnị ọ̀ sị zụ̀ ọ ịsị ọ vaa sị yẹ ka ịrẹyị ọnọnị vị ịzẹyịza. Ọ kà òo zee e eyi ò họ̀ use ka ọnị ọ̀ sị ịsa hụrẹ uruvo ẹtẹ àa vị ẹbẹẹba keekere mẹ apọtẹrẹwa ka ịrẹyị ẹnẹnị vaa mẹ.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ayịsaya 8:18

Ẹmị yị, beri ezi ẹnẹ Ẹnẹyịmavara sị yị mị. Ẹnẹyịmavara Ochẹtẹẹngụ vị ana nyị aha ọkarẹyị tụ́ ịrẹsụ ataba. Ọ raà sị yị mẹ apọtẹrẹwa yị Anisirẹrị.

Ayịsaya 31:2

Ohomorihi ọnị ọ rẹ yẹ ịrẹyị, ộ. Ọ zụ kụ́ ịrẹyị odivi ve tù wu nịnị. Ịrẹyị ọnị ọ̀ọ sị kà, avọọ ọ mẹ̀ raa mẹ̀ ẹ nị. Avaba aza ana aa mẹ̀ ebira odivi ọnịrị aza ana aa sị ọtụụ kà wa ịrẹma ẹnịrị Ohomorihi ẹ raà kụ́ eyi gẹrị ẹngụ.

Ịzakaraya 1:6

Ẹnẹyịmavara kà ọnịsẹ ẹnẹẹ ọnị ọnị tụ́ ka ẹ ka ọda anị yị wa, dị ẹẹ ka wa ọnọ. Ama dị ẹnịnị sị eyi wụ́ wa ana mẹ ka ẹnịnị ẹ̀ rị ụya ebira ẹnịnị. Ịrẹma ọnị ệ sị ụya rị ẹtẹẹrẹ, di e vee ro ịnẹ, dị ẹ dọ irenu ka ịsị ẹnị mẹ̀ Ẹnẹyịmavara Ochẹtẹẹngụ sị ụya anị rị ẹnị nị.