Biblia Todo Logo
Bib sou entènèt

- Piblisite -




Ijeremaya 44:28 - IWE ỌNỊNỊ

28 Ama aza chee ịnị awụ nịnị vaa ha, dị ẹnịnị é yi su. Ẹnịnị vaa và hụrị Ijipiti nọ Ijuda. Aza ana vọ avọọ vaa yẹ ọza ọnị ịrẹyị anị va sẹ, àa vị ịrẹyị ọnị Ẹnẹyịmavara yọ nị à vị ẹ́nịnị.

Gade chapit la Kopi




Ijeremaya 44:28
20 Referans Kwoze  

Ọ kà ẹ́ yị nyị Anijuda ana vọ, ana va ra Ijipiti ana vaa ha. Ẹ́ yị nyị ọza ịnị ẹnịnị ana vaa vàa nọ Ijuda naa ra, ẹ̀ẹ daka ee si ka ẹnị ẹ̀ na ra ịzọọ, ẹ̀ẹ yị vị aza chee ọnị ịrẹkụ dụ hụrẹ Ijuda.


Ọchị sẹẹrẹ aanị ọ kụkụ vaa vọ tụ́ ini iriku anị nị. Ezweyi hyakụ vaa zụụ za a ịrịka.


Ẹnẹyịmavara kà ọnịsẹ ẹnẹẹ ọnị ọnị tụ́ ka ẹ ka ọda anị yị wa, dị ẹẹ ka wa ọnọ. Ama dị ẹnịnị sị eyi wụ́ wa ana mẹ ka ẹnịnị ẹ̀ rị ụya ebira ẹnịnị. Ịrẹma ọnị ệ sị ụya rị ẹtẹẹrẹ, di e vee ro ịnẹ, dị ẹ dọ irenu ka ịsị ẹnị mẹ̀ Ẹnẹyịmavara Ochẹtẹẹngụ sị ụya anị rị ẹnị nị.


Ẹnẹyịmavara kà ọnị vaa sị zụ̀ wụ nịnị ka ọnị vaa sị ụyaa rị wụ nịnị ịzị ẹnị; ọnịrị ka, ọnị mẹ kà a ka ọnị vee vu wu nịnị ẹtẹ avọọ, avọọ ọ́ mẹ vaa vị ịzẹyịza nị.


Ịsị Ẹnẹyịmavara kà ọnị aa mẹ ẹ yị nyị ịsị e zụ zizi ọ, avọọ ọ màa yà nị, ee!


Ihinẹba ọnịrị ẹhẹ vaa ta, ama àa vị ịrẹyị amịị yọ, o yi vee vú.”


Dị Imosiisi họ̀ wa ka sị ẹ vẹ dị ẹ yaa yị mẹ akamawụ hi ọda Ẹnẹyịmavara? Ọ kà ẹnịnị e yi vee re mẹ.


Anisirẹrị ana vọ vaa vaa vẹ ịda Ohomorihi ana nyị ụkata. Ịzẹyịza Anisirẹrị ệ rụrụ anka ààrẹ ụtọ ókụ̄, ama aza chee ana vọ ẹ vaa vaa vẹ nị. Ebira ẹnị ẹ mẹ vị ana a vọrọ ka à sị wụ̀ wa ha, ụya ọnọọ vị ana tịtẹ ee zi wa.


Ẹnẹyịmavara kà avaba aza ana sị eyi và ka Ijipiti ka ẹnị aa naa rá ịzọọ aanị, vị ọnị ịrẹkụ, ụngwẹ ọnịrị ụkụ vaa wụ̀ ha, ọ ka, ẹ́ yị nyị ọza ana vaa há hụụnị ịrẹyị odivi ọnị ọnị vaa kụ ụ tù wa.


Ẹnẹyịmavara kà ọnị vaa kụ ịrẹkụ, ụngwẹ ọnịrị ụkụụ tu Anijuda ana ra hi Ijipiti, dị ọnị sị sị ụya rị wa.


Ẹnẹyịmavara ộ kà a yị aza anị ene hi Ịbabịrọnị ka. Wa sị ha hụrị ụvọ isu nịnị, waa na nịnị booro aanị. Asị ụ jẹẹ nịnị o. Ọ kà, dị ụ da ka ị noze rịrị eehi nịnị aanị, waa tamayị ọnị, Ẹnẹyịmavara nịnị, dị asị u hi ayị Ijerusarẹmị nịnị.


Ẹnẹyịmavara kà ọnị vaa navọ aza ẹnyị ka asị á wụ̀ wa, Ẹnị ẹnẹẹ vị ana a vaa garaa hi avaba ẹkụra ọsa. Ịjị aa vavọọ sị wa gara hị́ ẹkụra ọsa, dị a za wa ọrịhị hi ịzọọ.


Swiv nou:

Piblisite


Piblisite