Ijeremaya 44:27 - IWE ỌNỊNỊ

²⁷ Ọ kà, ọnị ẹ́ yị ma vana zẹẹ ka ò zé wụ nịnị, ama ọnịvị awụ nịnị vị ene vee vu wu nịnị ẹtẹ. Avaba awụ nịnị vị ene vee su, dị ẹ yị nyị ọza ana vẹtẹ. Ọza ọnị ịrẹkụ ẹ̀ yị wụ, dị ụkụ wụ ọ.

Ijeremaya 44:27 Referans Kwoze

Ijeremaya 31:28

Ọ kà anka ọnị mẹ mẹ ka è hu wa hụrị ẹtẹ, dị a ma wa nyẹtẹ, dị ọnị mẹ ka à kụ wa hụrị ẹtẹ, è vu wa ẹtẹ dị a gara wa va ha avọọ, avọọ ọnị mẹ rẹ vaa mẹ ka à hị́ wa dị ẹẹ hụ nị.

Ijeremaya 1:10

Dị Ẹnẹyịmavara kà, hụrị ajịnị, ọnị ọ raa sị ụkata yị ọnị ka, ọnị ọ̀ nyị ẹbẹẹba avaba anẹkụra ọnịrị ohinọyị nịnị. Ọ kà, ọnị ọ̀ nee hu ịsaa hụrị ẹtẹ, dị ọnị oo wụ ẹnyị vàa hi ẹtẹ. Ọnị ọ̀ọ gara ịsa ẹnyị ha, dị ọnị ọ̀ọ chaka wa. Dị ọnị ọọ tenyi ịsa ẹnyị, dị ọnị ò re chire ịsa ẹnyị.

2 Ohinọyị 21:14

Ẹnẹyịmavara kà ọnị vaa hụrẹ wa ụvọ, dị ọnị sị wa chire ọnịvị ẹnịnị ụvọ. Dị ẹ rị wa, dị ẹ dọ wa ẹtẹ.

Ezikẹẹrị 7:6

Re, eyi awụ nịnị ọ sị nị. Ẹzẹtẹ awụ nịnị o si tu. Aa wụ nịnị ộ ta o.

Ijeremaya 44:18

Ama ẹnị mẹ hụrẹ hụụnị ịsọvọ ọ̀ yị mẹ hi ohinọyị anyẹnẹẹ ana yà ẹbẹẹba, dị ẹnị ẹ̀ yị kụkụ và eche hi ẹtẹ yị ọ, ẹ̀ yị kụkụ vana nyị ịsị ẹnị nyị, dị ịrẹkụ ọnịrị ụngwẹ va wụ ẹnị va ha nị.

Ijeremaya 44:12

Avaba Anijuda ana vọ, dị ẹ ka vị ẹnị aa naa ra Ijipiti nị, ọnị vaa mẹ ka è vú avaba ẹnịnị ẹtẹ. Avaba ẹnịnị vị ene vee su vaa hi Ijipiti, ẹ̀ẹ vị ọzọkụ, ẹ̀ẹ vị ozweyi. Enee su ịnị ịrẹkụ, dị ụngwẹ wụ̀ wa. Angwa vị ene vee hi aza enee re wa. Vị a vanaa si eyii wụ̀ wa, dị aza aa sị ịrẹha ẹnịnịị chi hi aza nị.

Ijeremaya 21:10

Ẹnẹyịmavara kà ọnị ọ́ sị ọ ka ka ẹkụra ọnọnị vị ọnị ọnị è vú ẹtẹ, ẹ yị yaa vọ. Ọ kà vị ọnị vaa hụrẹ Ijerusarẹmị ụvọ yị ohinọyị Ịbabịrọnị dị ọ rị ọ ịra nị.

Ijeremaya 9:16

Ọ kà ọnị vaa gara wa hi ịnị akakana aza ọnị ẹnịrị ohiku ẹnịnị ẹ yị vịdị yẹ. Ọnị vaa kụ ịrẹkụ tu wa, dị ọnị dụ wa nee tu ịjị ọnị ọọ sị wa vú ẹtẹ saka-saka.

Ijeremaya 39:16

Ọ̀ na kà a yị ọnọrụ ana aā hị́ Ebedi-Ịmẹrẹkị ana vị Anetiyopiya ka; Ẹnẹyịmavara Ochẹtẹẹngụ, Ohomorihi Anisirẹrị nịnị ka: Ré; ọnị vaa mẹ avaba ịrẹyị ọnị ọnị ka ịnị ịpa Ijerusarẹmị. Ịrẹyị ọhịmị ọ vaa vị nị, ẹ́ yị vaa vị ọyịza. Ọ kà, eyi awụ ọ vaa vị ịhị ọnọọ nị.

Ijeremaya 42:16

ịrẹkụ ọnị wee hí angwa anị nịnị aanị, ọ vaa wụ̀ wụ nịnị ịzọọ nị. Ụngwẹ ọnị wee hí angwa anị nịnị aanị vaa tụra wụ nịnị na ngụ ịzọọ, dị ụ sú va hi ịzọọ nịnị.

Ijeremaya 44:13

Ẹnẹyịmavara kà ọnị vaa kụ ịrẹkụ, ụngwẹ ọnịrị ụkụụ tu Anijuda ana ra hi Ijipiti, dị ọnị sị sị ụya rị wa.

Ijeremaya 44:14

Ọ kà ẹ́ yị nyị Anijuda ana vọ, ana va ra Ijipiti ana vaa ha. Ẹ́ yị nyị ọza ịnị ẹnịnị ana vaa vàa nọ Ijuda naa ra, ẹ̀ẹ daka ee si ka ẹnị ẹ̀ na ra ịzọọ, ẹ̀ẹ yị vị aza chee ọnị ịrẹkụ dụ hụrẹ Ijuda.

Ezikẹẹrị 5:12

Ọ kà, achẹta awụ nịnị vị ọnị ụkụ ọnịrị ụngwẹ vaa wụ̀ wụ ha. Dị aa kụ́ ịrẹkụ va wụ achẹta awụ nịnị ọsa. Achẹta awụ nịnị ana vọ vị ọnị, ọnị Ẹnẹyịmavara vaa tụ̀ ụhwọ, dị ọnị dụ wa ne hi avaba aha.

Ịdanịyẹrị 9:14

Avọọ Ẹnẹyịmavara tenyi ẹngụ dị ọ sị ụya rị ẹnị nị, ka Ẹnẹyịmavara ana vị Ohomorihi ẹnịnị vị anaā mẹ̀ ịsa ana vọrọ ọnịrị ka ẹnị ẹ yị saasa ịrẹyị anị.

Emọsị 9:8

Ẹnẹyịmavara, Ochẹtẹẹngụ ka ọnị ô re avaba udivi Anisirẹrị nịnị. Agụvị avọọ ọnị vee vu wa ẹtẹ dị ahịka aza chee ẹnịnị kẹnẹ ọnị navọ tụ́ ẹhẹ nị.

Ijeremaya 9:15

Avọọ, sị ụtọ pe ẹtẹ dị wa wụ ịsị ọnị, Ẹnẹyịmavara Ochẹtẹẹngụ, Ohomorihi Anisirẹrị nịnị vaa mẹ; ọnị vaa sị ịsa ọnyịrẹyị yị aza anịị rị, dị ọnị sị enyi ana nyị ẹchịpa yị wa ka è hú ọ.