Ijeremaya 44:21 - IWE ỌNỊNỊ

²¹ Vú wee ro nịnị ka, vị ayị hi Ẹnẹyịmavara kà, ẹwụrị ohiku awụ nịnị ộ vavọọ mẹ̀ ịsọvọ nịnị ẹkụra ene hi Ijuda ọnịrị oze ene hi Ijerusarẹmị nị? Vú wee ro ka Ẹnẹyịmavara ẹ yị kụkụ tamayị ka ohinọyị awụ nịnị, ọdọvịdị awụ nịnị ọnịrị aza ene hi ẹkụra awụ nịnị ệ vavọọ mẹ̀ ịsọvọ ịzọọ nị?

Ijeremaya 44:21 Referans Kwoze

Ijeremaya 44:17

Ẹ ka, avaba ịsị ẹnị ka ẹnị aa mẹ, ẹnị vaa mẹ nị. Ịsọvọ vị ọnị ẹnị vaa mẹẹ hị́ ori ẹnịnị ana vị ọnyẹnẹẹ. Ọnị ọ vị ohinọyị anyẹnẹẹ tụ ẹbẹẹba nị. Ẹnị vaa sị ẹnịrị ohiku ẹnịnị, beri ohinọyị ẹnịnị ọnịrị ọdọvịdị ẹnịnị mẹẹ mẹ̀ ẹ ẹkụra ene hi Ijuda ọnịrị oze ene hi Ijerusarẹmị nị. Avọọ ẹnị mẹẹ mẹ̀ ẹ dị ẹnị nyị ịsọyịrị gwẹtẹ, dị o zee yị ẹnị, dị ẹnị ẹ̀ yị nyị ẹngụkata ọnyọọnyị nị.

Ijeremaya 44:9

Ọ kà, vị́ ayị wee hí wu nịnị ịsa odivi ọnị ohiku awụ nịnị mẹ ẹkụra ene hi Ijuda ọnịrị oze ene hi Ijerusarẹmị nị? Vị́ ayị wee hí wu nịnị ịsa edivi ọnị ẹwụrị ohinọyị Ijuda nịnị beri ese wu nịnị mẹ ịzọọ nị.

Ijeremaya 14:10

Ẹnẹyịmavara ộ ka a ịnị ịpa aza ẹnẹnị ka, ẹnịnị ee sì ka ẹnị ee zwee hụrẹ ọnị ẹngụ, ẹnịnị ẹ́ ma sị ụvọ za ẹngụ ẹnịnị; avọ ayị anị e yi kuku hine tu wa. Ọnị vaa tamayị avaba ịrẹyị ọhịmị ọnị ẹ mẹ dị ọnị ọ̀ sị ụya anị rị wa ọ yaa nị.

Ijeremaya 11:13

Ẹnẹyịmavara kà, ẹwụ nịnị Anijuda, avaba ẹkụra awụ nịnị vị ana kụkụ nyị ori ẹnịnị. Avaba oze ene hi Ijerusarẹmị vị ẹnị ẹnị re hi ụta hi. Ịnị ụta ẹnẹẹ ẹ yaa mẹ̀ ịsọvọ yị ori ana aā hị́ Ịbaarị nị. Ori ọnọọ vị anaa nyị ọza ịhyẹrẹ.

Ayịsaya 64:9

Agụvị avọọ, navọ a sị ụ kụ́ ayị hi yi, à vị ka wa tamayị ịvị pooro. Tamayị ka aza awụ avaba ayị vị nị.

Ahẹ Ụgama 79:8

Navọ asị ụ kà ka waa sị ịvị ohiku ayịị họ̀ yị. Aarịhịnị, navọ we jintu vayị ayị agụvị ka vị ị nyayịnẹ ee zi ka wa va gụ yị ụvọ nị.

Emọsị 8:7

Ẹnẹyịmavara ọ si ụbanyị ẹngụ anị hị́ eku ka ọnị ẹ yị vaa va hụụnị ebira ọnọọ ọnị ẹ yaa mẹ̀.

Ihoseya 7:2

Ama ẹnịnị ẹ yị ro ka Ẹnẹyịmavara ee re avaba ebira odivi ẹnịnị. Ee re ịvị mẹ jị ọvọ kara wa hi.

Ẹtore 18:5

Ebira odivi ẹnịnị ệ hyakụ va kụ́ ngụ ẹbẹẹba. Ohomorihi ê hí ayị ịsa edivi ẹnẹ ẹ mẹ.

Ẹtore 16:19

Dị ẹkụra ọbanyị ọnọọ che hi oze ẹẹta nị. Dị ẹkụra avaba ẹhẹ hyẹdụ va hi ẹtẹ nị. Ohomorihi ọ́ọ tamayị ẹkụra ọbanyị Ịbabịrọnị ọnọọ, dị ọ ká ọyịkụ ọbanyị anị tụ́ ini ako yọ ka ò hú ọọ nị.

Ezikẹẹrị 16:24

dị ụ na dà ịzị a yaa mẹ orii hi utoze-utoze, dị waa sẹ̀ ịrẹka ịzọọ nịnị nị.

1 Ohinọyị 17:18

Dị ọnẹẹ ọnọọ va hị́ Erija dị ọ ka, “Sị ẹ na jị gẹ ẹmịrị ẹwụ kẹ, ẹwụ ọza Ohomorihi? Vị ụ vẹ ịda amị ka wa va mẹ ka à tamayị ebira odivi ọnị mị vịdị mẹ, dị à wụ ozi emi nii?”

1 Ịsamụwẹrị 15:3

Kwẹẹtẹ booro aanị dị wa kụ́ ịrẹkụ ne tù Anamarẹkị di u we du avaba ịsị ẹ̀ẹ nyị va ha. Za avaba ẹnịnị saka-saka dị wa wụ̀ wa, asị a nyị ọnị ụ navọ. Ọnọrụ ọnịrị anẹẹ vị ọnị ụ vaa wụ̀. Dị ụ rẹ wụ ezweyi ọnịrị ezinụvọ ne beri imaaru, atẹmẹ, ọnịrị ịnyaakụmị ne beri ịkẹrịkẹtẹ.”

Iwe Ọhụhị Imosiisi ana aa hị́ Ọyịvatụrọda 32:19

Ịjị Ohomorihi vavọọ re e, dị ayị kụ, di o yi wu ana vị ezi anị nị.

Iwe Ọhụhị Imosiisi ana aa hị́ Ọyịvatụrọda 32:34

Ẹnẹyịmavara o yi hi ayị avaba ịsị ọnịvị ẹnịnị mẹ̀ wa. Ee zi ka ụmẹ ọnị ọ vaa sị ụya rị ọnịvị ẹnịnị nị.

Ijeremaya 32:32

Ọ kà ọnị ee vu wa ẹtẹ agụvị ebira odivi ọnị ezi Anisirẹrị ẹnịrị ezi Anijuda nịnị mẹ ẹnẹ ẹ sị mẹ ayị kụ ọnị. Ẹnẹyịmavara kà ohinọyị ẹnịnị ọnịrị ọdọvịdị ẹnịnị, ohirẹsụ irehi Ohomorihi ẹnịrị ọnịsẹ ẹnịnị, Anijuda nịnị ẹnịrị aza ana ra hi Ijerusarẹmị vị ana mẹ ayị kụ ọnị.

Ijeremaya 44:20

Ijeremaya ka, dị ọnị kà a yị avaba ẹnịnị ana maanị tu ọnị ohi ka,