Ijeremaya 41:9 - IWE ỌNỊNỊ

⁹ Â nyị ịkangga ọbanyị ọnya ọnị Asa, ohinọyị Ijuda chị́ ọnị ọ sị sere ẹngụ anị ụmẹ ọnị Ibaasa ohinọyị Isirẹrị sị kwẹẹtẹ tu ọ. Ịkangga ọnọọ Isimẹrị kụ́ oku aza ọnị ọ wụ aanị và hi di o si hi ọ nị.

Ijeremaya 41:9 Referans Kwoze

2 Ịsamụwẹrị 17:9

Ộ hyakụ na sị tẹ aha ọnya, à vị ịnị ụtẹha ọnya aanị. Àa vị ọnị ọ vịdị kụ́ ịrẹkụ ve tù isoja awụ nị, aza ana àa wụ́ vị ana vaa kà a ka a kụ́ isoja Abịsarọmị wụ.

1 Ịsamụwẹrị 13:6

Ịjị Anisirẹrị re ka ịrẹyị ọkatẹngụ ộ vẹ, dị ọnịvị ee vee huna isoja ẹnịnị, di e si zwe na te ịnị ụtẹha ọnịrị ịnị ẹchịchị nị. Aza ẹnyị vị ene zwe na tẹ̀ ịnị anaha ịrẹta ọnịrị imisi.

Ọdọvịdị 6:2

Agụvị ka Animidiya nịnị aa chamayị yị wa di e zwe na tẹ̀ ịnị ataba ọnịrị ụtẹha nịnị nị.

Anihiburu 11:38

Ẹngụ aza ẹnẹẹ, ẹhẹ ọnọnị o yi rere wa. Ẹnịnị ệ ngụ ịnị ẹtẹ ọpaapara ọnịrị ịnị ataba zịịzị, ệ ngụ ịnị ụtẹha ọnịrị ụsị zị.

1 Ịsamụwẹrị 24:3

Ẹ maà na ózee, e ne tù ịzị aā kụ́ atẹmẹẹ hi. A nyị ụtẹha ọnya aanị ịzọọ. Dị Ịsọọrụ ngụ ọ ka ọnị ọ̀ na vara ahụ nị. Idevidi ọnịrị aza anị ẹnị hi ịrẹma-ịrẹma ụtẹha ọnọọ.

1 Ịsamụwẹrị 14:22

A rẹ nyị Anisirẹrị ene vịdị zwe na tẹ̀ ịnị ataba Ehwireemi. Ẹ mẹ̀ wụ́ ka Anihwirisiti ee zwe, dị ẹnị rẹ vẹ va vaka isoja Anisirẹrị di e dudu aa dụ Anihwirisiti nịnị baaba nị.

1 Ịsamụwẹrị 14:11

Ịzẹyịza dị ẹnị ẹyịva sị ẹngụ ẹnịnị na ka isoja ene hi udi Anihwirisiti è re ẹnị nị. Dị Anihwirisiti nịnị ka, “wéē re, Anihiburu nịnị aa tụ̀ụ jịnẹ vẹ hụụnị ụsị ẹnị ẹ na tẹ̀ tụ́.”

Ayịsaya 14:19

Ama ẹwụ ẹ yị hyakụ nyị ikuta oku awụ vi ene e ne tịtẹ kẹnẹ ka ọ̀ọ wụ̀. Aza ana a sị ụ̀hwọ̀ wụ̀ vị ana kụ́ và wu hi ịnị ụsị ịrẹta-ịrẹta. Oku awụ nịnị vị ana aza aa kụ́ ahụụ hii parahu.