Ijeremaya 40:15 - IWE ỌNỊNỊ

¹⁵ Dị Ijohananị ozi Ikareya wèrè kà a yị Igidarịya Imizipa ka, ọ̀ jẹẹ dị ọnị ọ̀ na wụ Isimẹrị, dị asị á yẹ ọza ana vavọọ mẹ nị. Ọ kà sị ẹ vẹ dị ẹnị aa vaa navọ ka Isimẹrị ọ̀ va wụ Igidarịya kẹnẹ-kẹnẹ? Ijohananị ka, ọ̀ọ vavọọ yà, vị aa mẹ ka avaba Aniju ana gụ kara Igidarịya ẹ̀ gara, dị ọ kụ ẹngụkata ọbanyị tu avaba aza ana vẹtẹ hi Ijuda nị.

Ijeremaya 40:15 Referans Kwoze

2 Ịsamụwẹrị 21:17

Di Abisayi ozi Izeruya va gụ Idevidi dị ọ và ịsa hị́ ọmụha ẹbayịrẹtẹ ọnọọ ẹngụ, dị ọ wụ̀ ọ nị. Dị aza Idevidi hị́ eku dị ẹ kà a yi Abisayi dị ẹ ka, “wẹ yị kụkụ vaa saasa yịị jịnẹ nọ ịrẹkụ agụvị ka ye yi sì ka à wụ wụ. Anisirẹrị ê si eyi kà wụ.”

1 Ịsamụwẹrị 26:8

Di Abisayi va hị́ Idevidi dị ọ ka, “Ajịnị Ohomorihi sị ọnịvị awụ chire wụ ụvọ nọ! Navọ ma gụ ọha amị chire e na za eteesu ụpẹ ọnya kẹnẹ. Mẹ yị gụ ọ chire e tù ụpẹ ẹẹva.”

Ịjọọnụ 11:50

Wáá yẹ nịnị ka â vọrọ ka ọza ịnyara òsú yị avaba aza. Ọnọọ ọ dahi hu ka à wụ̀ avaba anẹkụra nị.”

Ijeremaya 42:2

dị ẹ ka, aarịhịnị, ọnị ò pè ẹnị mẹ̀ aduwa hi Ẹnẹyịmavara Ohomorihi ẹnịnịị de. Ẹ ka, ọnị ee ré ka ẹnị ệ vịdị rụrụ, ama ẹnị chee ọ vị booro aanị nị. Ọnị ọ̀ mẹ̀ aduwa yị ẹnị ana vẹtẹ anị de.

Ijoovu 31:31

Avaba anineehi amị ệ yẹ ka miī sì azọga ẹtẹẹtẹrẹ.

2 Ịsamụwẹrị 18:3

Di isoja ẹnẹẹ ka eyiye, asị ọ jịnẹ tụ́ ẹhẹ. Ẹ ka àa vị a sị ẹnị dụ nị, ẹ yị nyị ịzị ịrẹyị ẹnịnị gẹ aza ẹnẹẹ. Ẹ ka achẹva ẹnịnị ọ̀ọ daka sú, e yi rẹ ịrẹyị. Ama àa vị ẹwụụ yọ, yàa maanị yà akawụ-akawụ oze ẹẹhị wê huna yị. Ẹwàa vana yà ịnị ẹkụra dị ụ sị ọtụ kà yị ịrẹma nị, ọnị ọ mẹ hu nị.

1 Ịsamụwẹrị 24:4

Dị aza Idevidi hị́ ọ dị ẹ ka, “Ẹkụhị ajịnị gẹdẹ-gẹdẹ Ẹnẹyịmavara aa kà nọ, ka ọnị aa sị ọnịvị awụụ chire wụ ụvọ, dị wa mẹ̀ ẹ óòó mè ze wu eyi.” Di Idevidi were tere pè Ịsọọrụ, dị ọ yẹrẹ ụtọ awuru anị nị.

Ijeremaya 40:8

 nyị anọrụ ẹnẹẹ ana aā hị́ Isimẹrị ozi Inetaniya, Ijohananị ozi Ikareya, Iseraya ozi Itanihumẹtị, ẹnị ezi Ehwayi ana vị Aninetohuwa, ọnịrị Ijezaniya ana vị Animaaka. Dị ẹnịrị aza ẹnịnị ve tu Igidarịya Imizipa nị.