Ijeremaya 4:31 - IWE ỌNỊNỊ

³¹ Ijeremaya ka ọnị ộ wụ̀ aza mee nowu anka ọnẹẹ anaa vaa ma ozi ịpaapa anị, ọnị ịrẹẹ aa zị avọọ. Anijerusarẹmị nịnị ẹ vavọọ ee nowu, ẹ maa vụrịị tụ́ ụhwẹ nị. Ẹẹ tana ụvọ, dị ẹ vaku ẹtẹ ọvịdị ọwọza nịnị nị. Ẹ ka, ẹwụ aa za ẹnị aanị nị. Ẹnị ẹ sị da!

Ijeremaya 4:31 Referans Kwoze

Arụwẹ 1:17

Anịzayọnị nịnị aa da ịpẹ ka à gụ ẹnị ụvọ, ama e yi re ọza gụ wa ụvọ. Ẹnẹyịmavara ọ raa hị́ ọnịvị ẹnịnị ana kara wa ịrẹkụ tụ wa. Dị ẹ kụkụ aa sị Anijerusarẹmị mẹ enyinyi nị.

Ayịsaya 1:15

Wàa kụkụ kụ́ ụvọ hi ẹba dị waa mẹ̀ aduwa nịnị nị, di mi jesi eyi kwooze. Òo zee e eyi wa mẹ̀ aduwa nịnị pooro, me yi vee tụ́ ohi, agụvị ka wa sị aza wụ̀ ha baaba.

Ijeremaya 13:21

Sị ụ vaa kà nịnị ịjị aza ẹnị ụ rò ka ẹẹ vị ọta awụ nịnị ẹẹ raa nyị ẹbẹẹba awụ nịnị, dị ẹ yaa mẹ ohinọyịị wụ nịnị nị? Ọ vaa zị ụ nịnị anka ọnẹẹ ọnị ịrẹẹ aa zị avọọ.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

1 Anịkọrịntị 9:16

Ịzẹyịza, maa kà enube ọyịza, ama ẹ yị nyị ịsị mị zụ sị mẹ eyi ịnị anị, agụvị ka me yi zụ yi ka mẹ yị mẹ̀ ẹ. Àa vị ka mẹ yị kà enube ọyịza, ma sị dà!

Imatiwu 21:5

“Kà ẹ yị ozi ọnẹẹ Anịzayọnị ka: ‘Ohinọyị awụ aa vẹ ịdị awụ. Ọza hẹẹ ọ vị nị, ộ tụra ịkẹrịkẹtẹ, ozi ịkẹrịkẹtẹ m maa kà aanị nị.’ ”

Imika 7:1

Ẹma sị dà me yi re ẹpẹ sị va o. Ịrẹyị amị sị mẹẹ anka ọ́za ọnị ụngwẹ aa kụ̀ ọnị e yi re ẹtụtụ ana vọrọ ka ọ há rị ịrẹsụ ọchị avọọ nị. A raà há avaba ẹtụtụ ọchị ene hi ịzọọ ụmẹ avọọ. Ẹ yị nyị ana vọ vụrụ-vụrụ.

Ihoseya 13:13

Ẹnịnị aa mẹ ụra anka ozi ene yi ka ọnị ẹ yị jịnẹ hụụnị ihi ozi ọnyị anị avọọ nị.

Arụwẹ 2:21

Ezweyi ọnịrị azọkụ nịnị vị ana a wụ̀ va hi ẹtẹ oze; Ezwoorihi ẹnịrị ọmụha ẹnịnị vị ọnị ọnịvị nịnị sị ụ̀hwọ̀ wụ̀. Ẹnẹyịmavara maa kụ ayị, ẹ́ yị vayị ẹnịnị, ọ sị ẹnị wụ̀ va ha.

Arụwẹ 1:20

Tee! Ẹnẹyịmavara navọ we re ẹngụkata ọnịrị ụya ọnị yaa rị aanị. Ayị ayị o si du chuku-chuku ịsị ebira odivi sị yị mẹ̀. Aà wụ̀ aza ha ịnị ubooro, wàa va yà ịnị eehi usu rẹ sị ngụ tu wu.

Ijeremaya 50:43

Ịjị ohinọyị Ịbabịrọnị wụ́ ịrẹyị aza ẹnẹnị, ụvọ anị ee wusu za ẹngụ. Ẹngụkata ọọ sụ̀ ọ ẹngụ, dị ee rimanya anka ọnẹẹ anaa barẹẹ avọọ nị.

Ijeremaya 49:24

Anịdamasịkọsị nịnị ẹ raa tụ ọkụmị, ẹnịnị ẹ sị zwe ayị maa hụrẹ wa ịnẹ. Ẹngụkata ô tù wa, ẹ sị mẹ suku-suku anka ọnyẹnẹẹ anaa barẹẹ avọọ.

Ijeremaya 49:22

Ọnịvị Anibozira vaa kwẹẹtẹ tu ọ anka ukokoro mẹẹ gana avaka chii vẹ vee che ịsa obonobono avọọ. Ịhị ọnọọ angwa vee hí isoja Anedomi nịnị anka ọnyẹnẹẹ anaa barẹẹ avọọ.

Ijeremaya 48:41

Ẹkụra-ẹkụra ene hi Imowabi ọnịrị irehi ọbanyị ọnị isoja ẹnịnịị yaa sere ẹtẹ vị ọnị ẹkụra ọnọọ vaa za. Ịhị angwa vị ene vee hi isoja Animowabi nịnị anka ọnyẹnẹẹ anaa barẹẹ avọọ.

Ijeremaya 45:2

Ẹnẹyịmavara, Ohomorihi Anisirẹrị ka, Ibaruki,

Ijeremaya 30:6

Ọ kà, jẹẹ nịnị daa re, vị ọnọrụ wáá rẹẹ barẹẹ nị? Sị ẹ vavẹ dị ọnị ee re ka ọnọrụ ọzọza ẹ raa kụ ụvọ ka ọtẹ anka ọnẹẹ anaa barẹẹ avọọ? Sị ẹ vẹ dị ọzọza sị eyi vara eyihi?

Ijeremaya 22:23

Oo zoza ụ mẹ hi ịnị irehi ọyịza-ọyịza ana a sị ọchị isida Ịrẹbanọnị mẹ ọvị nịnị aanị, ama e yi vee kù di waa jị òrèrè, di wee rimanya nịnị anka ọnyẹnẹẹ ana barẹẹ mee rimanya avọọ.

Ijeremaya 18:21

Ama booro aanị Ẹnẹyịmavara ọ̀ navọ ụngwẹ ọ̀ wụ ezi ẹnịnị và ha; ọ̀ navọ à wụ̀ wa và ha eyi ịrẹkụ. Ẹnẹyịmavara ọ̀ navọ ọ̀ jị anyẹnẹẹ ẹnịnị osoku, dị ezi ẹnịnị ẹ̀ jị wa ụvọ. Ọ̀ navọ ụkụ ọ̀ wụ ọnọrụ ẹnịnị, dị à wụ ezwọọmụha ẹnịnị và ha eyi ịrẹkụ.

Ijeremaya 15:18

Ijeremaya ka, sị ẹ vẹ dị ọnị vaa yịị rị ụya? Sị ẹ vẹ dị ụnava anị ka ọnị ẹ yị vị? Ọ kà vị Ẹnẹyịmavara wee sị ka ọnị ọ̀ mẹ̀ ụhị nyị ọnị anka okuha anaa wụ ụmẹ ọhahị avọọ nị?

Ijeremaya 14:18

Ọ kà, ọnị ộ nọ ịnị aarẹ, dị ọnị re oku aza ana wụ̀ va hi ẹtẹ eyi ịrẹkụ. Ịjị ọnị va nọ ịnị ẹkụra, ọnị ee re ụngwẹ maa wụ̀ azaa vaa hi ẹtẹ. Ọ kà, ọnịsẹ nịnị ẹnịrị ohirẹsụ irehi Ohomorihi aa yịị mẹ̀ ụkọrọ ẹnịnị, ama ẹnịnị ẹ yị yẹ ịsị ẹ yaa mẹ.

Ijeremaya 10:19

Dị Anijerusarẹmị nịnị na owu zẹtẹ ka: ụnava ẹnịnị ọnọnị oo divi o! Ụnava ọnọnị ẹ yị zụ vị ọ. Vị ẹnị vịdị ro ka ịsị ẹnị zụ sị ẹngụ dọ yọ nị.

Ijeremaya 6:2

Ẹnẹyịmavara kà ẹkụra oo zoza ẹtẹẹtẹrẹ ama vị ọnị vee vu ọ ẹtẹ nị.

Ayịsaya 42:14

Ohomorihi kà, “O si kù ọnị ọnị hụrẹ chì iriji. Ọnị ẹ yị tụ́ aza anị ohi. Ama booro aanị, o si tu ka a nyị ịsa ọnị ọnị mẹ. Ọnị vee nowu tụ ẹba anka ọnẹẹ anaa barẹẹ avọọ.

Ayịsaya 21:3

Ịrẹyị ọnị mị wụ́ m mẹ̀ vavọọ re ẹtẹ ọnọọ ộ mẹ̀ ka avaba ẹngụ ọ̀ọ zị mị. Ộ kata mị ẹngụ anka ọnẹẹ ana aa barẹẹ avọọ. Ịsị mị wụ́ ọnịrị ịsị mi re ô chire mi angwa.

Ayịsaya 13:8

Ẹngụ ẹnịnị vaa sụ ẹgahị. Ụya vaa rị wa di eyee nowu anka ọnẹẹ ana aa barẹẹ avọọ. Ayị vaa hụrẹ ọzọza ịnẹ di eyi ẹnịnị ee vi ịra. Dị ẹnịnị hi ẹtẹ ee re ẹngụ kẹnẹ.

Ayịsaya 6:5

Di mi nowu za ẹtẹ, dị mị ka, “Ma sị dà, ịrẹyị ô tù mị. Ịsị mịị̄ si irenu amịị ka e yi zoza. Avọọ aza ẹnị ẹmịrị ra vabẹ ẹnị mẹ̀ rẹẹ kà ịrẹyị ene è yi zoza nị. Ẹmị ọnọọ ọ raà sị eyii re ohinọyị aanị nị. Ọnị ọ vị Ẹnẹyịmavara Ochẹtẹẹngụ nị.”

Ahẹ Ụgama 120:5

Ma sị dà! Ẹ̀nị ẹ tụ́ mị ka ma na ra ẹkụra Imeseki ọnịrị ịda Ikedari?

Ijoovu 10:1

Ijoovu kà ẹhẹ o si du ọnị eyi. Ọnị ẹ yị nẹngụ sị irenu anị kwooku. Ọnị aa ka a ịsị e du ọnị ayị.

Oyinyima 27:46

Di Irebeka kà a yị Ayiziiki dị ọ ka, “Anẹẹ Anihiti ọnị Iisọ na nyị aanị ẹ raà kụ́ o du mi eyi. Ijekọvụ ọnị ọ̀ọ rẹ na nyị Anihiti ẹnẹnị ene hi ịzẹnị aanị, ẹ yị vi isu amị sị gụrị ẹtẹ avọọ?”

Ayịsaya 26:17

Aza awụ vị ene hi ịda awụ di eyee nowu anka ọnẹẹ ana aa barẹẹ avọọ.

Imika 4:9

Anijerusarẹmị, sị ẹ vẹ dị ụ maanị aa tụ̀ orere boro-boro? Sị ẹ vẹ dị wee nowu anka ọza ana aa barẹẹ avọọ? Vị waaa nyị ohinọyị nịnị nị. Mâ yẹ ka e zụ pe wu nịnị juwe ộ!

Imika 4:10

Weē ti, weē rimanya ẹwụ nịnị Anijerusarẹmị mi ka weē ti anka ọza ana aa barẹẹ avọọ o si tù ka wa kụ̀rà hụrẹ ẹkụra di wa na ra ịnị avị nịnị Waa kụraa nọ Ịbabịrọnị nịnị. Ịzọọ Ẹ́nẹ ẹ̀ yị mā vara vàa yàa dọ wụụ tụ́ nịnị. Mị ka ọ vaa dọ wụ nịnị tụ hụụnị ụvọ ọnịvị awụ nịnị.