Ijeremaya 4:22 - IWE ỌNỊNỊ

²² Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Ijeremaya 4:22 Referans Kwoze

1 Anịkọrịntị 14:20

Ẹwụ nịnị ẹyịnyara amị, asị u rè ro ịrẹyị anka ezweyi nịnị! Re ka wee ro ịrẹyị anka ọza ana sị vịra! Wâ yẹ ka ezweyi ẹ mā mẹ̀ ịsa odivi; ẹwụ nịnị ọ̀ rẹ vavọọ yà anka ezweyi!

Aniroomi 16:19

Avaba aza ẹ sị yẹ ka wâ ká ịrẹsụ hi yị Ohomorihi nịnị. Ọnọọ ộ mẹ̀ ka maa jẹ agụvị awụ nịnị. Mee sì ka eyi awụ nịnị ò hweyi tù ịsa ozoza, ama dị asị ụ nyị tụ́ ịnị ịsa odivi nịnị.

Ijeremaya 5:21

Ẹwụ nịnị ọnụra ẹnẹẹ yị yẹ ịrẹyị aanị ẹ̀ wụ o, waa nyị eyi nịnị ama we yi si re ẹtẹ nịnị, waa nyị ụtọ nịnị ama wẹ yị sị wụ́ ịrẹyị nịnị.

Aniroomi 3:11

Ẹ yị nyị ọza ana yẹ ịsa ana vọrọ, ẹ yị nyị ọza ene ee sì ka ọnị ọ̀ saasa Ohomorihi.

Ihoseya 4:6

Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị.

Aniroomi 1:22

Ẹ ka ẹnị ệ yẹ ịrẹyị, ama ọnụra obooro ẹ vị nị.

Ihoseya 5:4

Ebira odivi ọnị ệ mẹ̀ ọ yị zẹ ka ẹ varẹma vẹ ịdị Ẹnẹyịmavara.

Ịjọọnụ 16:3

Ẹ vavọọ vaa mẹ wụ nịnị, agụvị ka ẹnịnị ẹ yị yẹ Ada amị, avọọ ẹnịnị ẹ̀ yị mẹ̀ rẹ yẹ mị nị.

Imika 2:1

Ọ vaa da divi yị aza ana jị areyi ịrahụ agụvị dị ẹ mẹ eto ịsa odivi ẹnị ẹ vaa mẹ oze ọ̀ọ tụ́ yị wa eyi ọ̀ọ sị nị. Ẹ vavọọ aa mẹ agụvị ka ệ mẹhị nyị ụkata mẹ ịsị ẹ ka ẹnị aa mẹ.

Iwe Ọhụhị Imosiisi ana aa hị́ Ọyịvatụrọda 32:28

Ẹnịnị ẹ yị yẹ ịrẹyị. Ẹnịnị ẹ yị nyị ịrẹyọyẹ vụrụ-vụrụ.

Aniroomi 1:28

Aza ê yi, ẹ ka eni ee sì ka ẹnị ẹ̀ yẹ Ohomorihi. Agụvị avọọ, di Ohomorihi navọ wa ka èe ro ịrẹyị kẹnẹ-kẹnẹ, dị ẹẹ mẹ̀ ịsa ẹnẹ ẹ̀ yị vọrọ nị.

Ijeremaya 13:23

Anetiyopiya nịnị ẹ́ẹ́ zụ vara ụpẹngụ ẹnịnị àvị ẹzụ ọ zụ vara achẹrẹ anị nị? Ẹnịnị ẹẹ zụ vara a, ẹẹhẹ, ẹwụ nịnị ana ahịka udivi kẹnẹ ụụ mẹ nịnị aanị nị, ẹwụ nịnị rẹ va zụụ kọsẹ ọyịza ọyị mẹ kẹ.

Ayịsaya 27:11

Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ayịsaya 1:3

Ọ rẹ ka ọkọnị imaaru ệ yẹ ọza ana nyị wa, dị ịkẹrịkẹtẹ ẹnị rẹ yẹ ịzị ẹ yàa rị ịsa nị. Ama Anisirẹrị nịnị ẹ yị vavọọ yẹ ịrẹyị. Ẹ yị nyị ịsị ẹ yẹ vụrụ-vụrụ.

Ijeremaya 5:4

Ijeremaya ka, dị ọnị ro nị ka, aza ẹnẹnị ẹẹ daa ụya rị, ọnụra ẹ vị nị. Ẹnịnị ẹ yị yẹ ịsị Ohomorihi ẹnịnị ee sì, ọnị Ẹnẹyịmavara ee sị ka ẹnịị ọ̀ mẹ.

Iruuku 16:8

Dị ọga ọnọọ kà ọda yị ozi ahụ onirikichi ọnọọ nị, agụvị ka ộ vavọọ sị ịrẹyọyẹ mẹ. Anẹhẹ ọnọnị aa mẹ̀ ebira ịrẹyọyẹ ịnị ẹhẹ ẹnịnịị huna aza ana ka ẹnị yà ini ẹtohweyi nị.”

Ihoseya 4:1

Ẹwụ Anisirẹrị batọ wa wụ́ ịrẹyị Ẹnẹyịmavara nịnị. Ộ kà ẹwụ nịnị ana ra ịnị ẹtẹ ọnọnị ọ nyị ịrẹyị anị. Ẹ yị nyị ọza awụ nịnị ana mẹ̀ ịzẹyịza, a vị sì ịrẹyị anị. Ẹ yị nyị ọza ana tẹsị anị.

Iwe Ọhụhị Imosiisi ana aa hị́ Ọyịvatụrọda 32:6

Ẹwụ nịnị ọnụra ẹnẹ ẹ yị yẹ ịrẹyị, Aanị ụ mẹ vee sị Ẹnẹyịmavara ụta nị? Aa vị ọnị ọ vị ada awụ nịnị, dị ọ tụ́ wụ nịnị vẹ ẹhẹ? Ọnị ọ vara awụ nịnị ẹkụra nị.

2 Ịsamụwẹrị 13:3

Amịnọnị ộ nyị ọta ọnya ana aā hị́ Ijonadabị. Ozi ọnọrụ ana aā hị́ Isama ana vị ọyịnyara Idevidi Ijonadabị vị nị. Ijonadabị vị ọnọbọ ọbanyị ọnya.

Ahẹ Ụgama 36:3

Irenu ọza odivi ọ mā kà ọyịza, di ee vene ọza Ọ yị kụkụ zụ mẹ̀ ebira ịrẹyọyẹ ọnịrị ịsa ene zoza.

Ahẹ Ụgama 53:4

Di Ohomorihi ka aza edivi ẹnẹnị ẹ yị yẹ ịrẹyịị? Ọ kà sị ẹ vẹ dị ẹ maanị vị ọnụra aanị! Aza edivi ẹ̀ẹ za aza Ohomorihi dị ẹ yaa mẹ wa ẹnị ẹzụụ̄ mẹ ẹvụ Ẹ yị hyakụ kà a ka ẹnị aa mẹ ịpọdaa hi Ohomorihi.

Ahẹ Ụgama 82:5

Ẹwụ nịnị ana nyị ụkata, wáa yẹ ka wẹ yị yẹ ịrẹyị nịnị vụrụ-vụrụ? Ụkọrọ odivi kẹnẹ ụ waa mẹẹ zị nịnị, wa sị ẹhẹ và ịrẹsụ chi nịnị.

Ijeremaya 2:8

Ẹnị ohirẹsụ irehi Ohomorihi ẹ yị kụkụ họ̀ use ka Ẹnẹyịmavara mẹ kà kẹ. Ẹnẹyịmavara kà ẹnị ohirẹsụ irehi anị ẹ yị kụkụ yẹ ọnị, Ẹnị ohinọyị ẹnịnị ệ kụ hịrẹ ọnị; ọnịsẹ nịnị kụkụ â sị ịrẹha ori anaā hị́ Ịbaarị kà ịrẹyị, dị ẹyaa hẹkẹ ori ịyẹyẹ-ịyẹyẹ nị.

Ijeremaya 4:21

Ọ kà, ịzị ọnị vaa maanị sị eyi re ịrẹkụ ọnọnị nee tu? Ịzị ọnị vaa maanị wụ ịkakanchị ịrẹkụ ịrẹyị naa za?

Ijeremaya 9:3

Ẹnịnị venee ne ịrarẹ ẹ nịnị tịtẹ ò yị cheeche Irikichi ẹ yaa mẹẹ ngụ ẹkụra ẹnịnịị zị nị; ẹnịnị ẹ ma ka ịzẹyịza. Ẹnẹyịmavara kà, aza anị vanaa hụrị ụvọ ebira odivi ẹnyị dị ẹ yaa sị ọsa. Ẹnịnị ẹ yị yẹ ọnị.

Ezikẹẹrị 16:30

Ẹnẹyịmavara Ananyị ụkata hu ka, ẹwụ ọsẹrẹka ọnị ụhị ẹ̀ yị ma nyị, wee re avaba ịsa ọnị ụ mẹ.

Emọsị 3:10

Ọ kà ẹnịnị ẹ yị yẹ a mẹẹ̄ mè ịsa ana vọrọ. Ẹnịnị vị ana sị àko kụ ogu aza hi irehi ẹnịnị.

Oyinyima 39:16

Di ose Ipotihwa sị achị ọnọọ tịtẹ pè ẹngụ ee zi ọva anị ka ọ̀ vẹ ini eehi nị.

Ahẹ Ụgama 36:4

Ọ̀ọ na hụtụ, di ee ro ịrẹyị odivi ọnị ọ vaa mẹ Ebira odivi kẹnẹ ọ dọ ọda anị nị, ọ yị yara yi ka ọnị ọ yị mẹ̀ ebira odivi.

Ụhịrẹyị 28:5

Aza ọhịmị ẹ yị yẹ ịsị ẹ vị ịzẹyịza, ama aza anaa yẹ Ẹnẹyịmavara ẹ yẹ tu ẹtẹ nị.

Ijeremaya 9:2

Ọ kà aayẹ ọnị ọ̀ nyị aha tụ ịnị ụnọmị ịzị anusoze nịnịị chí. Ọnị sị para aza anị hu dị ọnị ọọ nọ ịzọọ. Avaba ẹnịnị vị ọsẹrẹka. Ọkọnị anarịmamẹ ịzẹyịza ẹ vị nị.

Ijeremaya 9:5

Ọta-ọta venee vene ẹngụ; ẹ yị nyị ọza anaa kà ịzẹyịza. Ireche oyi che vị ẹnẹ kọsẹ anị. Ẹnịnị ẹ ma và hụụnị ebira odivi ọyị mẹ.

Imika 7:3

Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.