Ijeremaya 4:20 - IWE ỌNỊNỊ

²⁰ Ịrẹyị odivi ẹnyị aa mẹ vaa tụra ọsa. Asị avaba ẹkụra gara ha. Obonobono a va gara avaba ajẹngụ ọnịrị irehi ẹnịị va ha nị.

Ijeremaya 4:20 Referans Kwoze

Ahẹ Ụgama 42:7

Ẹngụkata vi ene chi mi ẹngụ anka ọhaara enyi avọọ Wâ navọ ka akanya óo tù mị twẹẹ-twẹẹ anka ọhaara enyi avọọ.

2 Anịtẹsaronika 1:9

Ụya ẹnẹ ẹ vaa rị ọ vị ka ẹnịnị vee vú ẹtẹ pooro zịna-zịna, ẹnịnị e yi vee re eyi Ananyị yị ọnịrị igirima anị beri ụkata anị paa.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Ijowẹrị 1:15

Ẹkụhị ọnị Ẹnẹyịmavara vee sii du ayị hi wa aa gụrị ẹtẹ. Ịhị ọnị Ohomorihi Ochẹtẹẹngụ vee vu wa ẹtẹ vaa daa divi kẹnẹ.

Ezikẹẹrị 14:21

Ẹnẹyịmavara Ananyị ụkata hu ka, ọnị vaa zị oze ẹẹna ene divi hu kere-kere ọnị ọnị zị sị ụya rị ọza, dị ọnị sị ụya rị Ijerusarẹmị, oze ẹẹna ẹnẹẹ ẹ vị ịrẹkụ, ụngwẹ ọbanyị, uye edivi ọnịrị ụkụ nị. Dị ọnị sị wụ̀ aza ẹnịrị ịsụpa nịnị và ha.

Arụwẹ 3:47

Angwahi ọnịrị ayịhụrịnẹ a vaa wụ̀ yị. Ọnịvị ayị ẹ kụ yị wụ̀; e ree vu yị ẹtẹ.

Ijeremaya 17:18

Ọ̀ navọ asị ọ́ zẹẹ ka ụhị nyị ọnị ama ọ̀ mẹ̀ ụhị nyị aza anaa sị ụya rị ọnị. Asị ọ mẹ ayị hụrẹ ọnị ịnẹ, ama ọ̀ kụ ayịhụrịnẹ tu wa. Ọ̀ navọ ọ̀ kụ ẹngụkata odivi tu wa dị ọ̀ gara wa ha chẹkẹ-chẹkẹ.

Ayịsaya 33:20

Kana eyi di we re nịnị. Ịzọọ ọ vị ẹkụra ịzị ị yàa rị eche ahẹkẹ ayị nị. Wéē re Ijerusarẹmị ẹkụra ana aza ra hi ịnị anị ịnị ẹngwọọrọ. Vị ọ sị mẹẹ ajẹngụ ana ahịka ọza ọ yị vaa kụ́ụ hụrẹ udi anị avọọ nị. Ọza ọ yị vaa tụ̀ ẹka ana a sị kanyị ọ. Ọza ọ yị rẹ vaa yẹrẹ obo anị.

Ayịsaya 13:6

Tụ́ ụvọ kú ịrẹsụ wee nowu ka ẹkụhị ẹnẹ Ẹnẹyịmavara Ochẹtẹẹngụ vaa sị wụ̀ azaa ha o si tù.

Ireevi 26:24

ọnị rẹ vaa mẹ̀ ịsa ọnị ẹnịnị è yi sii hị́ wa ọnị ụvọta vaa sị ụyaa ọkatẹngụụ rị wa huni avọọ oze ịhịmba.

Ireevi 26:21

Ẹnẹyịmavara kà ẹnịnị ẹ̀ẹ kị ka ẹnị ẹ́ yị dọ yị ọnị, dị ẹnịnị yi ka ẹnị ẹ́ yị wụ́ chire ọnị nị, ọnị rẹ vaa varẹma dàa tụ ịnị ụyaa yị wa oze ịhịmba.

Ireevi 26:18

Ọnị ọ̀ọ maanị yị sị wa mẹ̀ dị ẹnịnị ẹ̀ yị saasa ịrẹyị anị nị, ọnị vaa dàa tụ ịnị ụyaa yị wa oze ịhịmba.

Ọyịkụra 33:5

Aa zị wa ẹngụ ka Ẹnẹyịmavara ộ kà a yị Imosiisi ka ọ̀ kà a yị Anisirẹrị ka anakamawụ ẹ vị nị. Ọ rẹ ka ọnị ọ̀ọ hyakụ saasa wa na mẹ ụmẹ chee, ọnị ọ nyayịnẹ wụ̀ wa va ha. Ẹnẹyịmavara rẹ ka Imosiisi ọ̀ kà a yị wa ka ẹ̀ kụ́ ẹnya ọvị ẹnịnị hi ẹtẹ, dị ọnị ò ve ro o ịsị ọnị vaa mẹ wa.

Ihabaku 3:7

Ihabaku kà ọnị ọ re ka ẹngụkata ọ raà kụ́ angwahi tù Anikusi nịnị, dị Animidiya nịnị kụ vazi hi ẹtẹ.

Ijeremaya 4:6

Tana ụvọ hi oze yị ka, asị a nyị ọza ana jẹẹ, ọzọza oo zwe dị ọ na tẹ̀. Ka Ẹnẹyịmavara ọ raa kụ ẹngụkata hụrị oze eyi ẹbẹẹba aa vẹ, ọnị o ve sii vu ẹkụra ẹtẹ divi-divi.

Ayịsaya 54:2

Dà ajẹngụ awụ gana hu avọọ. Tana ịta ọnị ụ sị jị oze irehi awụ. Dà obo awụ gọdọ, dị u we hi ọchị ọnị ụ sụ́ obo ajẹngụ za katẹngụ.

Ayịsaya 47:9

Ụmẹ ọnya, ịnị ẹkụhị ọnya, ịrẹyị ẹnẹnị vee tù wu: Òo ze eyi wa mẹ ẹbẹ pooro, òo ze eyi wa dọ ahọnọ pooro, ezi ewu vee sú, dị ụ rẹ vara osoku.

Ahẹ Ụgama 72:19

Ẹwụ ana maanị nyị ụbanyị, ị vaa kụ́ wụ avọ pooro nị. Ụbanyị awụ vi ene vee chì avaba ẹhẹ ẹngụ. Aamị, mị ka Aamị.

Ịrịka 16:45

ọ hụụ ịnị akakana ẹnịnị agụvị dị ọnị ọ wụ ịtapa-ịtapa. Ama dị Imosiisi ọnịrị Eerọnị tana tụra ẹtẹ dị e va eyi ku ẹtẹ nị.

Ịrịka 16:21

ẹ kana hụrị ẹngụ ẹnịnị agụvị asị e vú ẹtẹ beri wa ịzịzọọ.

Ireevi 26:28

Ọnị rẹ vaa mẹ̀ ịsa ọnị ẹnịnị è yi sii hi wa, dị ọnị ụvọta sị ụya ịvị ẹnịnị rị wa hu avọ oze ịhịmba.

Ayịsaya 15:5

Ẹmị ịnyẹmba ọnị raa jị òrèrè agụvị ịrẹyị Imowabi. Ẹnịnị vi ene zwe huu na ngụ ẹkụra Izowa ọnịrị Egirati Iserisiya. Ẹnịnị e zi zwe pooro na ngụ Iruhiti ọnịrị Ihoronayimi. Avọọ ẹnịnị màa jịị jị oreree vàa tụra oze na nị, agụvị ka vị a nyayịnẹ wụ̀ wa và ha nị.

Ijeremaya 4:21

Ọ kà, ịzị ọnị vaa maanị sị eyi re ịrẹkụ ọnọnị nee tu? Ịzị ọnị vaa maanị wụ ịkakanchị ịrẹkụ ịrẹyị naa za?

Ijeremaya 4:27

Ẹnẹyịmavara ộ vịdị sị ọ ka ka, ọnị vaa jị avaba ẹhẹ eburu, ama ọnị e yi vee vu avaba anị ẹtẹ saka-saka.

Ijeremaya 12:11

Ẹnịnị ẹ sị ọ vara ụnọmị tịtẹ ọvịdị anị. Avaba ẹkụra ọyịvụrụ ọ sị vara ụnọmị. Ẹ yị jị ọza ọnyọọnyị areyi.

Ijeremaya 9:18

Kàa ka ụsẹ ọ̀ hụ wa ịra vẹ, dị ẹnịnị ẹ vaa jị òrèrè yị ẹnị, naa ngụ ịjị eyi ẹnịnị ọọ ta hí yị ẹgọ dị ọ kụkụ è sì ẹnị ẹẹ ma jị òrèrè nị.