Ijeremaya 39:18 - IWE ỌNỊNỊ

¹⁸ Ka, ịzẹyịza ọnị vaa dọ ụ ha. Ịrẹkụ ẹ́ yị vaa rị ụ. Ọ kà ụ vaa ha agụvị ka waa sị ayị tụra ọnị.

Ijeremaya 39:18 Referans Kwoze

Ijeremaya 38:2

Ẹnẹyịmavara kà, ịrẹkụ ụngwẹ, à vị ụkụ ọ́ vaa wụ̀ ọza tụra ọza ana àa yị yà ịnị ẹtẹ Ijerusarẹmị nị. Ama ọza ana àa sị ẹngụ anị ne chire Anibabironi ụvọ vaa yàra.

Ahẹ Ụgama 34:22

Ẹnẹyịmavara vaa dọ aza anịị tụ́ Avaba ọza ene zwe na vaka a ệ yẹ ka ẹnị ẹ sị há.

Ijeremaya 21:9

Ọza ana aa sị ahụ vaka ẹtẹ tu Ijerusarẹmị vị ọnị ịrẹkụ vaa rị; ẹ̀ yị vavọọ dị ụngwẹ à vị ụkụ wụ ọ. Ama ọza tụra ọza ana aa jịnẹ tụ ẹhẹ di ọ́ hụrẹ ẹngụ anịị ụvọ hẹẹ yị Anibabironi enee pe wa kụ ịrẹkụ booro aanị nị, e yi vee su.

Anẹhwẹsọsị 1:12

ẹyị ana ahịka ẹya vịdị aa tụra Ikirisiti eyi aanị nị, ya ga ụbanyị Ohomorihi.

Ahẹ Ụgama 84:12

Ẹnẹyịmavara Ochẹtẹẹngụ, aza ana sị ayị tụra wụ ẹ̀ nyarị ịrẹsụ ọyịza.

Ahẹ Ụgama 147:11

Aza ẹnị Ẹnẹyịmavara sị̀ ịrẹyị anị ẹ vị́ aza ana nyị angwahi anị dị ẹ sị ayị tụra nị, agụvị ka ệ yẹ ka vi oō sì ịrẹyị ọza pooro nị.

1 Ịtọpa 5:20

Ẹnịnị ệ sị ayị tụra Ohomorihi, dị ẹ mẹ̀ aduwa ka ọ̀ gụ ẹnị ụvọ nị. Ohomorihi ộ wụ́ aduwa ẹnịnị, dị ọ́ mẹ ka ẹnịnị ẹ̀ nyị ẹbẹẹba Anihaga nịnị ẹnịrị avaba aza ana saasa wa nị.

Ahẹ Ụgama 37:3

Sị ayị tụra Ẹnẹyịmavara, dị waa mẹ̀ ebira ene zoza Tangwa ra ịnị ẹtẹ ọnị ọ sị wụ dị asị a nyị ịsị ẹ mẹ̀ wụ.

Ahẹ Ụgama 33:18

Ẹnẹyịmavara ô si eyi pè aza avaba ene ee hí angwa anị Avaba aza ana jẹẹ zi ọ, dị ẹ sị ayị tụra ayamva anị.

1Ipita 1:21

Ọnị ọ mẹ ka wa sị ayị tụra Ohomorihi nịnị nị, ana ha Ijeesu Ikirisiti kwẹẹtẹ hụụnị isu, dị ọ rẹ sị ụbanyị yọ nị. Agụvị avaba ịsa ẹnẹnị ẹ́dọwụ awụ nịnị ọnịrị ọyịtureyi awụ nịnị vị ana yà ịdị Ohomorihi.

Aniroomi 2:12

Avaba aza ẹnẹ ẹ̀ yị yẹ ọda Aniju dị ẹ yaa mẹ ịvị nị, vị ene vee vu ẹtẹ; ama ayị vị ọda ọnọọ, a vaa sị mẹ̀ ọkarẹyị yị wa. Avaba aza ana rẹ yẹ ọda ọnọọ dị ẹ yaa yịị mẹ ịvị nị, vị ene re vee vu ẹtẹ; ọda ọnọọ a vaa sị mẹ̀ ọkarẹyị yị wa nị.

Ayịsaya 26:3

Ụ vaa sị ẹngwọọrọ yị aza ana ayị anị jẹẹ geri-geri dị ẹ sị ayị tụra wụ.

Ahẹ Ụgama 2:12

Waā sị ụbanyịị yị ozi anị nịnị ka ẹ̀ yị vavọọ ayị ọ̀ọ kụ́ ọ, vị aa wụ̀ wụ nịnị vaa ha nị. Yẹ nịnị ka ayị ọ zụ hụra kụ́ ọ. Aza ana sị ẹngụ ẹnịnị na tẹ̀ ịda anị ẹ̀ nyarị ịrẹsụ ọyịza.

Ijoovu 5:20

O vee sere wụ dị ụngwẹ ọ yị wụ wụ ini ụmẹ ụngwẹ. O vee sere wụ dị ịrẹkụ ẹ yị rị wụ.

Ahẹ Ụgama 91:7

Wa nyẹngụ ee re aza otomiroku mèe su vaa hi ẹtẹ eyi ụvọ ọnyị ọsa, ama ẹ yị nyị ịsị aa kanyị ẹwụ.