Ijeremaya 38:7 - IWE ỌNỊNỊ

⁷ Ijeremaya ka, â nyị ọnọrụ ọnya aanị ana aā hị́ Ebedi-Ịmẹrẹkị, Anikusi ọ vị̀ nị, dị aa mẹ̀ ụkọrọ ịdị ohinọyị nị. Ọnọrụ ọnọnị ộ wụ ka asị ọnị ne ngụ ịkangga. Ụmẹ avọọ vị ọnị ohinọyị aa mẹ̀ ọkarẹyị enoze Ịbẹnjamịnị.

Ijeremaya 38:7 Referans Kwoze

Ijeremaya 37:13

Ọ kà ama ịjị ọnị tu oze ana a zịị̄ ngụ ẹtẹ Ịbẹnjamịnị kẹnẹ, â nyị isoja nịnị e nee sere ẹtẹ, ọga ẹnịnị aā hị́ Irija nị. Ozi ọnọrụ ana aā hị́ Iseremaya ọ vị nị, dị ọ vị aazị Ịhananịya nị. Ijeremaya ka ọga isoja ọnọnị ộ za ọnị jẹẹ, dị ọ ka vị ọnị ee zwe ka Anibabironi nịnị na nị.

Ijeremaya 29:2

Ọ kà, ịrẹma ana a raa kụ́ ohinọyị Ijehoyakimi ọnịrị ọnyị anị, aza ana a mẹ̀ ụkọrọ ịnị eehi ohinọyị, ọdọvịdị Anijuda nịnị, ọnụkọrọ ụvọ nịnị ẹnịrị aza ana yara mẹ̀ ụkọrọ irenyi-irenyi nịnị ne hi Ịbabịrọnị ọnị chẹrẹ ịrẹta ọnọọ nị.

Emọsị 5:10

Anisirẹrị nịnị vi ana nyị ịhyẹrẹ aza ana sị ịzẹyịza mẹ̀ ọkarẹyị, dị ê sị ẹyị wụ̀ aza ana ka ịzẹyịza.

Iwe Ọhụhị Imosiisi ana aa hị́ Ọyịvatụrọda 21:19

Aza ana ma ozi ọnọọ ẹ̀ sị ọ ne tu ọdọvịdị ẹkụra èe hi ini ikootu óze ọbanyị ẹkụra.

Imatiwu 20:16

Avọọ ọ́dịrẹma mẹ̀ vaa vị ọdọvịdị, dị ọdọvịdị vị ọdịrẹma nị.”

Ijeremaya 34:19

Ọ kà avaba ẹnị ọdọvịdị Ijuda ọnịrị Ijerusarẹmị beri ẹnị ọdọvịdị ikootu ohinọyị, ẹnị ohirẹsụ irehi Ohomorihi ẹnịrị avaba ọdọvịdị ẹkụra nịnị ana kụ ahụ hi ozi ụnọ ọnọọ dị ẹ zẹẹ ịzẹzẹ beri ọnị avọọ,

Ijeremaya 13:23

Anetiyopiya nịnị ẹ́ẹ́ zụ vara ụpẹngụ ẹnịnị àvị ẹzụ ọ zụ vara achẹrẹ anị nị? Ẹnịnị ẹẹ zụ vara a, ẹẹhẹ, ẹwụ nịnị ana ahịka udivi kẹnẹ ụụ mẹ nịnị aanị nị, ẹwụ nịnị rẹ va zụụ kọsẹ ọyịza ọyị mẹ kẹ.

Ahẹ Ụgama 68:31

A vaa tụ́ odeyi hụrẹ Ijipiti vẹ, Anisudani vaa kụ̀rà ụvọ tụ́ ẹba dị ẹ yaa mẹ̀ aduwaa hi Ohomorihi.

2 Ohinọyị 24:15

Inebukadineza ộ za ohinọyị Ijehoyakini ọrịhị nọ Ịbabịrọnị. Ộ kụ́ ọnyị anị, ese anị, ọdọvịdị ẹkụra ọnịrị aza ọkọọka hụrẹ Ijerusarẹmị saasa a.

Ijosuwa 20:4

Ọ̀ọ vavọọ na ngụ ịzọọ kẹnẹ, dị ọ ne tu ọdọvịdị ene oze ovwoovu ẹkụra. Dị ọ ka yị wa ịsa ana mẹ. Ẹnịnị va sị oze yọ ka ọ ngụ ẹkụra dị ọ ra ịzọọ pe ẹnị.

Ayịsaya 56:3

Àsị u zẹẹ nịnị ka anẹkụra ọsa ana raà sị ẹngụ anị va yị Ẹnẹyịmavara ọ̀ kà a ka, Ẹnẹyịmavara ẹ yị vaa zẹẹ ka ẹmịrị aza anị è dudu hẹkẹ ọnị. Àsị u zẹẹ nịnị ka osuretu ọ̀ kà a ka ọchị ọyịwụ̀ ọnị vị nị. Ọnị ọ yị ma ozi, ọnị ẹ yị ọdọmịrẹsụ.”

Ijeremaya 20:2

dị ọ kà a yị aza ka è tụ́ ọnị, dị à kụ́ ẹba hi ọnị ahụ tụ oze eyi ẹbẹẹba ana a zị ngụ ịnị irehi Ohomorihi nị. Eyi ọnọọ aā hị́ oze Ịbẹnjamịnị nị.

Ijeremaya 26:16

Dị ẹnị ọdọvịdị nịnị ẹnịrị aza ana vọ va kà a yị ẹnị ohirẹsụ irehi Ohomorihi ẹnịrị ọnịsẹ nịnị ka, ẹ́ yị vọrọ ka à wụ̀ ọza ọnọnị o. Ka ịrẹyị Ẹnẹyịmavara Ohomorihii ẹnịnị ọ va ka yị ẹnị nị.

Ijeremaya 38:8

Dị Ebedi-Ịmẹrẹkị na kà a yị ohinọyị ịzọọ ka,

Ịzakaraya 14:10

Avaba aha vaa vara inozi hụrị Ịgẹba na ngụ Irimoni, ụvẹtẹ Ijerusarẹmị. Ẹ vaa ya anka ẹtẹ Araba avọọ nị. Ama Ijerusarẹmị vaa kụ́ nọ udi anị hụrị oze ọbanyị Ịbẹnjamịnị na ngụ oze ọbanyị Ịpaapa, na ngụ oze ọbanyị ịnị Ịkọna. Hụrị ịnị irehi ọgọdọ Ịhananẹrị na ngụ ịnị ụkọ ohinọyị.

Ụhịrẹyị 29:10

Ọwọza nịnị vị anaā nyị ịhyẹrẹ ọnịzẹyịza, ví eē si ka ẹnị ẹ wụ̀ ọnịzẹyịza kwooze nị.