Ijeremaya 38:22 - IWE ỌNỊNỊ

²² Ijeremaya ka ọnị ô re ka, aa kụ avaba anyẹnẹẹ ana vọ tụ ịnị eehi ohinọyị Ijuda tụ ẹhẹ yị ezida ohinọyị Ịbabịrọnị. Dị anyẹnẹẹ ẹnẹẹ kụkụ aa ka yị ẹwụ ohinọyị ka. Avaba ọta awụ ẹnị ụ sị ayị tụra ẹ̀ reè vene wu, dị ẹ nyị ẹbẹẹba awụ nị. Wa raa ngụ ụdọ booro aanị, ẹnịnị ẹ́ sị zwe.

Ijeremaya 38:22 Referans Kwoze

Arụwẹ 5:11

Ose ẹyị vị ọnị ọnịvị ayị nịnị kụkụ aa ngụụ chire ẹtẹ ịrẹsụ ataba Ịzayọnị; Avọọ ẹ mẹ raa sị ụkata-ụkata ngụ tu ezwoorihi ayị ẹnẹ ẹ yị yẹ́ ọnọrụ avaba ẹkụra ene hi ẹtẹ Ijudiya ni.

Arụwẹ 1:2

Avaba ịrahụ vị ọnị Anijerusarẹmị aa jị òrèrè dị eyi ẹnịnị vị ẹgọ-ẹgọ. Ịnị avaba aza ẹnị ẹnịrịị vịdị vị ọta ẹ́ yị va nyị ikonya ana va sị wa ayị nẹtẹ. Avaba aza ọnị ọnịrịị vịdị zee vi ene vene e, dị ẹ varẹma kụkụ kwẹẹtẹ tu wa nị.

Ijeremaya 43:6

Ijeremaya ka, ệ kụ́ anọrụ nịnị, anyẹnẹẹ nịnị, ọnịrị ezi anẹẹ ohinọyị. Avaba aza ọnị Inebuzaradani, ọdọvịdị isoja enee sere ohinọyị hụrị ụvọ hi ẹtẹ beri Igidarịya vị ẹnị ẹ́ kụ. Ọ kà, ọnị nyẹmba vị ẹnị ẹ sị beri Ibaruki ozi Ineraya bẹẹ.

Imika 7:5

Asị ụ dọ ịrẹyị ọta awụ tụ́ ịzọọ asị ẹwụ na sị ayị tụra a. Ịda ose ewu ụvọta, mị yarị ẹwụ, wa sị ụvọ za irenu awụ.

Arụwẹ 1:13

Ohomorihi ọ raà ka ịra ku ẹnị hụrị ẹbẹẹba, ẹngụ ẹnịnị ọ ta jịnẹ ịra gogogo. Ịrẹpa ọnị Ohomorihi va zi ẹnị, ọ sị ẹnị za nya ẹtẹ, dị ọ navọ ẹnị ka ẹnị ẹ̀ maanị rị ụya nị.

Ijeremaya 41:10

Dị ọ zá avaba ezi anẹẹ ohinọyị ọrịhị beri avaba aza ana vọ hi Imizipa nị. Aza ẹnẹẹ vị ọnị Inebuzaradani ka Igidarịya ò si eyi pee. Isimẹrị ộ za wa ọrịhị, dị ọ kụ wa zị oze Amọnị aa na nị.

Ijeremaya 38:19

Dị ohinọyị tụ́ ohi ka, angwa anẹkụra ẹnịnị ene zwe na vaka Anibabironi nịnị ee hí ọnị, agụvị ka á zụ hụrẹ ọnị ụvọ yị wa, dị ẹẹ sị ụya rị ọnị.

Ijeremaya 20:10

Ijeremaya ka ọnị aa wụ́ aza maa kà a chire ẹngụ ụtọ ka: Avaba aha vị ayịhụrịnẹ-ayịhụrịnẹ! avọọ, à jẹẹ ẹnị ẹ̀ sị ịrẹyị anị na tụ ọdọvịdị nịnị ịrẹka. Ọta anị nịnị bẹẹ vị enee zí ka ọnị ọ̀ sẹ ẹdụ. Ẹ ka, ẹyịyara, e vee zuu vene ọnị, dị ẹnị ẹ̀ zá ọnị. Ẹnị ẹ̀ẹ zá ọnị, dị ẹnị họ̀ oponu ịrẹyị ẹngụ ẹnịnị.

Ijeremaya 6:12

Ẹnẹyịmavara kà ọnị vaa sị ụyaa rị Anijerusarẹmị nịnị. Ọnị vaa sị irehi ẹnịnị ọnịrị aarẹ ẹnịnị beri ose ẹnịnịị yị ọza ẹnẹsa.

Ayịsaya 42:17

Avaba aza ana sị ayị tụra ọnyọọnọkụmị nịnị, dị ẹ yaa hị́ wa ori ẹnịnị, vị ana a vaa mẹ̀ ụhị nyị, dị ụhị aa nyị wa.”

Ahẹ Ụgama 69:14

Navọ wa dọ mị tụ́, asị ụ zẹẹ ka me horo ngụ avata, Aarịhịnị dọ mị hụụnị ụvọ aza ana aa kụ́ ayị amị. Asị ụ zẹẹ ka me horo ngụ adagu.

Ahẹ Ụgama 69:2

Mee chii ngụ enyi, me yi re aha sị ahụ jẹẹ Me si horo ngụ adagu, enyi ọ sị mị mụnẹ.

Ahẹ Ụgama 41:9

Ọta amị ọnị mị nyayịnẹ sị ịnẹ yị, ẹnị ẹnịrịị dudu aa rị ịsa ọnị gẹdẹ-gẹdẹ ọ kwẹẹtẹ tù mi nị.

Ijeremaya 46:21

Isoja ẹnẹ ẹ na hị́ ka ẹ̀ vaa gụ ẹnị ụvọ vị ana tụ ọkụmị jẹẹ anka ozi ụnọ avọọ. Ẹnịnị ẹ́ yị va zụ jẹẹ kụ ịrẹkụ. Ẹnịnị vị ene zwe varẹma. Ẹkụhị ụyọrị ene e ve sii vu Ijipiti ẹtẹ o tù aanị nị ọ.

Ijeremaya 46:5

Ama Ẹnẹyịmavara ộ họ̀ ka, sị ọnị ee ré anị kẹ? Isoja Anijipiti nịnị aa hụrẹ ayịnẹ, Ẹnịnị ee zwèe vaa nọ ịrẹma.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Ijeremaya 13:21

Sị ụ vaa kà nịnị ịjị aza ẹnị ụ rò ka ẹẹ vị ọta awụ nịnị ẹẹ raa nyị ẹbẹẹba awụ nịnị, dị ẹ yaa mẹ ohinọyịị wụ nịnị nị? Ọ vaa zị ụ nịnị anka ọnẹẹ ọnị ịrẹẹ aa zị avọọ.

Ijeremaya 38:21

Ama Ẹnẹyịmavara ọ́ raa sị zụ ọnị ịsị e vee tù ọ, ọ̀ọ ka ọnị ẹ́ yị hụrẹ ẹngụ anịị ụvọ yị Anibabironi nịnị.

Ijoovu 6:15

Ijoovu ka ọta ẹnịnị ẹ yị wụra sị ayị tụra anka orosi ẹnị ẹ mā nyị enyi ọhahị avọọ.

Ijeremaya 27:14

Ọnị ộ kà a yị Ịzẹdẹkaya ka, asị ọ wụ́ ịrẹyị ọnịsẹ nịnị anaa kà a yị wa ka asị ẹ dọ yị ohinọyị Anibabironi avọọ o. Vị e yee vene u nịnị nị.

Ijeremaya 27:15

Ẹnẹyịmavara ọnị ụvọta ka ọnị ẹ́ yị tụ wa ụtụ. Ireche e yee chee zị ka vị ọnị tụ ẹnị ụtụ nị, avọọ ọnị vaa dụ ẹwụrị ọnịsẹ enee cheechee wụ nịnị avọọ hi ẹhẹ dị aa wụ̀ wụ nịnị.