Ijeremaya 38:10 - IWE ỌNỊNỊ

¹⁰ Dị ohinọyị kà a yị Ebedi-Ịmẹrẹkị ka, ọ̀ kụ́ aza ẹnị ohurẹẹwụ saasa ẹngụ dị è ne tura Ijeremaya hụụnị ịkangga ọnọọ dị ò ve sú nị.

Ijeremaya 38:10 Referans Kwoze

Ụhịrẹyị 21:1

Ayị ohinọyị sị mẹ anka okuha ịnị ụvọ Ẹnẹyịmavara avọọ nị. Ịzị o zee eyi kẹnẹ ọ vaa ịrẹsụ ka nị.

Ahẹ Ụgama 75:10

Ohomorihi vaa gara ụkata aza edivii ha, dị ọ mẹ ka aza ana aa mẹ̀ ebira ana vọrọ ẹ̀ẹ nyị ụkata hu avọọ.

Ẹsịta 8:7

Dị ohinọyị tụ́ Ẹsịta ose anị ọnịrị Imodekaya ohi ka, “Ọ́ọ́ tamayị ka ọnị ọ raà sị irehi Ịhamanị yọ, dị ọnị rẹ zù Ịhamanị gẹ ọchị dị o sú nị, ọ ka agụvị ezigi ọnị ọ kụ́ tụ̀ wa ọnị sị vavọọ mẹ̀ ẹ nị.”

Ẹsịta 5:2

Ịjị ohinọyị re ka Ẹsịta ose anị ộ jẹẹ ịnị akakana ohweje, ayị anị o hine tù ọ, dị ọ tana okutẹ igooru anị hi ọ nị. Di Ẹsịta kà pè e, dị ọ sị ụvọ kanyị ịrẹsụ okutẹ ọnọọ nị.

Ijeremaya 38:7

Ijeremaya ka, â nyị ọnọrụ ọnya aanị ana aā hị́ Ebedi-Ịmẹrẹkị, Anikusi ọ vị̀ nị, dị aa mẹ̀ ụkọrọ ịdị ohinọyị nị. Ọnọrụ ọnọnị ộ wụ ka asị ọnị ne ngụ ịkangga. Ụmẹ avọọ vị ọnị ohinọyị aa mẹ̀ ọkarẹyị enoze Ịbẹnjamịnị.

Ijeremaya 38:9

Taarụ ada ayị, vị aza ẹnẹnị aa chamayị kẹnẹ aanị nọ̀. Ẹ sị Ijeremaya ne ngụ ịkangga o. Ọnị ộ yẹ́ ka ịzọọ ee súu tụ nị, agụvị ka ẹ́ yị kụkụ nyị ịsọyịrị ịnị ẹkụra.

Ijeremaya 38:11

Ịzẹyịza dị Ebedi-Ịmẹrẹkị kụ aza ẹnẹẹ nị. Dị ẹ́ nọ ịnị aku ana aa kụ ịsa tẹ ịdị ohinọyị, dị ẹ́ tọ̀ ọ ụsẹ hụụ ịzọọ nị. Ê tu ịnị ịkangga ọnọọ, dị ẹ sị obo sụ́ ụsẹ ẹnẹnị, dị ẹ sị ọ ngụ ikangga nị.