Ijeremaya 37:21 - IWE ỌNỊNỊ

²¹ Ịzẹyịza, dị Ịzẹdẹkaya ka è nee gu oze hi ọnị ohweje ohinọyị nị. Dị ọnị yà ịzọọ nị. Eyinị-eyinị dị aa sị ịbụrẹdị ikonyi ikonya hụụ ịdị aza anaā mẹ ịbụrẹdị vaa yị ọnị nị. Avọọ á mẹ sị yị ọnị pooro ne tu ụmẹ ọnị ịbụrẹdị ta hụụ ịdị aza anaā mẹẹ nị.

Ijeremaya 37:21 Referans Kwoze

Ijeremaya 38:28

Avọọ Ijeremaya mẹ vana yà ịnị ohweje oserẹtẹ nịnị pooro ne tu ụmẹ ana a sị kụ ịrẹkụ va rị Ijerusarẹmị nị.

Ijeremaya 38:13

Dị ẹnịnị tụra ọnị hụụnị ịkangga va jịnẹ nị. Ịjị ẹ́ raa sị ọnị va jịnẹ, dị ẹ́ navọ ọnị tụ ohweje oserẹtẹ nịnị nị.

Ijeremaya 52:6

Ịnị ẹkụhị ịhịịna ịnị ụhwẹ ọhụna ịnị ịrayị ọnọọ gẹdẹ-gẹdẹ, Anijerusarẹmị nịnị é yi kuku re ịsa rị, dị ụngwẹ nyayịnẹ aa kụ̀ wa ẹtẹẹtẹrẹ nị.

Ijeremaya 38:9

Taarụ ada ayị, vị aza ẹnẹnị aa chamayị kẹnẹ aanị nọ̀. Ẹ sị Ijeremaya ne ngụ ịkangga o. Ọnị ộ yẹ́ ka ịzọọ ee súu tụ nị, agụvị ka ẹ́ yị kụkụ nyị ịsọyịrị ịnị ẹkụra.

Ijeremaya 32:2

Ụmẹ ọnọọ vị ọnị isoja ohinọyị Ịbabịrọnị va họ̀ kara Ijerusarẹmị eyi ẹnyị eyi ọsa. Ọnị vị ene e chire oze hị́ tụ ịnị ohweje ohinọyị ụmẹ ọnọọ.

Ayịsaya 33:16

Ẹngụ aza ẹnẹnị ẹ va zụụ há nị. Vị ẹ vaa sị mẹ anka ọza ana na vaka tụ́ aha ịzị ẹ̀ yị nyị ịsị ẹ zụ kanyị ọ avọọ nị. E vee re ịsaa rị, e re vee re enyi hú.

2 Ohinọyị 25:3

Ịnị ẹkụhị ịhịịna ịnị ụhwẹ ọhụna ịnị ịrayị ọnọọ, ụngwẹ odivi vavọọ ngụ ẹkụra, ọnọọ dị aza ẹ yị re ịsa rị nị.

Ijoovu 5:20

O vee sere wụ dị ụngwẹ ọ yị wụ wụ ini ụmẹ ụngwẹ. O vee sere wụ dị ịrẹkụ ẹ yị rị wụ.

2 Itimoti 2:9

Agụvị enube ọyịza ọnọọ, m maa sịị rị ụya aanị, dị a hyakụ sị ẹba tụ́ mị anka ọza ana na mẹ̀ ịsa odivi avọọ nị. Ama mâ yẹ ka ọza ọyị zụ sị ẹba tụ́ ịrẹyị Ohomorihi.

2 Itimoti 1:8

Asị ụ na nyị ụhị ọ̀yị kà ịrẹyị Ananyị yị! Asị ụ rẹ na nyị ụhị agụvị ẹmị ana yà ịnị ẹngwa agụvị anị. Ama è wè re tenyi ẹngụ anka Óhomorihi ọ̀ọ mẹ̀ sị ụkata wụ, dị ụ wa nyị ụvọ tụ́ ịnị ụya ọnị ọzaa rị agụvị enube ọyịza.

Anẹhwẹsọsị 6:20

Odeyi Ikirisiti mị vị nị, ộ tụ́ mị ka ma naa kà enube ọyịzaa yị aza nị; agụvị anị mị hyakụ yà ịnị ẹngwa booro aanị nị. Mẹ aduwa yị mị nịnị ka ma nyị ọtụtụrụma dị ma yịị kà a, anka ọ mẹ̀ vọrọ!

Anẹhwẹsọsị 4:1

Ẹmị ana yà ịnị ẹngwa agụvị Ananyị yị maa dá ịpẹẹ wụ nịnị ka waa mẹ̀ ebira ana vọrọ tụra wụ nịnị anka aza oni Ohomorihi sị hị́.

Odeyi 28:30

Ịpọọrụ ộ yà ịzọọ mẹ ịrayị ẹẹva ini irehi ọnọọ dọ di ee sí ụta anị. Dị aa dọ aza ene èe ve hee yi ọzọga nị.

Odeyi 28:16

I mè tù Iroomi, â zẹẹ ka Ịpọọrụ ọ̀ yà aha anị. Dị a ka isoja ọnya ọ̀ sị eyi pe e nị.

Odeyi 24:27

Ị́rayị ẹẹva mẹ̀ sị mẹ para hu, dị Ịpọkịyọsị Ịhwẹsịtọsị dọ Ịhwẹrịsị ịrẹsụ nị. Ịhwẹrịsị ô sì ka ọnị ọ̀ mẹ ịsị Aniju nịnị sì, agụvị avọọ dị ọ navọ Ịpọọrụ tụ́ ịnị ẹngwa nị.

Odeyi 12:5

A mẹ̀ sị Ipita tụ́ ịnị ẹngwa, dị anịragụ ẹnẹẹ ẹ̀ yị tụ́ ụhwọ́, dị ẹyaa mẹ̀ aduwaa hi Ohomorihi ẹtẹẹtẹrẹ agụvị ịrẹyị Ipita nị.

Imatiwu 6:33

Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.

Arụwẹ 5:10

Ẹngụ ayị ộ ta kayịra anka arasị avọọ, ụngwẹ maa vaa wụ̀ yị.

Ijeremaya 32:8

Ịzẹyịza, anka Ẹnẹyịmavara mẹ kà a gẹdẹ-gẹdẹ, dị Ihanameri ve tu ọnị ịnị ohweje ohinọyị dị ọ ka, ọnị ọ̀ va na hị́ ẹtẹ anị ana yà Anatọtị ịnị ẹtẹ Ịbẹnjamịnị, agụvị ka ọnị ọ vọrọ tụra ka ọ̀ hị́ ọ nị. Agụvị avọọ ọnị ọ̀ hị́ ọ yị ẹngụ anị. Dị ọnị sị yẹ ka Ẹnẹyịmavara ọ ka ịrẹyị ọnọnị nị.

Ụhịrẹyị 21:1

Ayị ohinọyị sị mẹ anka okuha ịnị ụvọ Ẹnẹyịmavara avọọ nị. Ịzị o zee eyi kẹnẹ ọ vaa ịrẹsụ ka nị.

Ụhịrẹyị 16:7

Ọza ọ̀ọ mẹ̀ ebira ana ngụ Ẹnẹyịmavara eyi, dị ọ mẹ̀ ka ọnịrị ọnịvị nịnị e zee.

Ahẹ Ụgama 37:19

Ịjị ụmẹ ọ̀ọ katẹngụ, ẹnịnị ẹ yị vaa rị ụya. Ụngwẹ ọ̀ọ daka hi ẹtẹ ẹnịnị emi vee re ịsaa rị dị ịnẹ há wa.

Ahẹ Ụgama 37:3

Sị ayị tụra Ẹnẹyịmavara, dị waa mẹ̀ ebira ene zoza Tangwa ra ịnị ẹtẹ ọnị ọ sị wụ dị asị a nyị ịsị ẹ mẹ̀ wụ.

Ijeremaya 33:1

Ijeremaya ka, ọnị mẹ yị yà ịnị ẹngwa ini ohweje ịdị ohinọyị, Ẹnẹyịmavara ộ rẹ kà ịrẹyị yị ọnị ụpẹ ọhụva.

Ijeremaya 38:6

Ijeremaya ka, ịzẹyịza, dị ẹnịnị sị ọnị, dị ẹ́ tụ ọnị obo, dị e ne ọnị ngụ ịkangga nị. Ozi ohinọyị ana aā hị́ Imarikija ọ nyị ịkangga ọnọọ nị. Ịkangga ọnọọ ẹ́ yị nyị enyi, ụdọ-ụdọ ọ vị nị, dị ọnị chì ngụ ụdọ nị.

Ijeremaya 20:2

dị ọ kà a yị aza ka è tụ́ ọnị, dị à kụ́ ẹba hi ọnị ahụ tụ oze eyi ẹbẹẹba ana a zị ngụ ịnị irehi Ohomorihi nị. Eyi ọnọọ aā hị́ oze Ịbẹnjamịnị nị.