Ijeremaya 37:10 - IWE ỌNỊNỊ

¹⁰ Ọ kà Anijuda nịnị ẹ̀ẹ daka nọ ịrẹkụ Anibabironi, dị e huna wa, dị ahịka aza ana tọ̀ ụnava ẹ vọ hi ịnị ajẹngụ ẹnịnị nị, aza ẹnẹẹ yị vaa kwẹẹtẹ dị ẹ rị Ijerusarẹmị ịra saka-saka.

Ijeremaya 37:10 Referans Kwoze

Ijowẹrị 2:11

Dị Ẹnẹyịmavara ha iduma dọ ka ịrẹyị yi ọkụrẹkụ anị, dị ẹnịnị wụ́ chire e nị. Ẹkụhị ọnị Ẹnẹyịmavara vaa mẹ̀ ọkarẹyị vaa nyị ẹngụ anị. Ẹnẹ vaa ha?

Ijeremaya 50:45

Agụvị avọọ, Ẹnẹyịmavara kà wa wụ́ nịnị ịsị ọnị ee sì ka ọnị ọ̀ mẹ Ịbabịrọnị ọnịrị aza ana ra hi ịzọọ. Ezi ẹnịnị vị ana a vaa kụụ hara ẹtẹ ne nee hu, di angwa ee hi ọzọza.

Ayịsaya 30:17

Isoja ikonya vaa dụ aza ana akahị awụ nịnị. Isoja ẹẹhị ọ̀ọ há ẹtẹ hi wu nịnị, avaba awụ nịnị vi ene ee zwe. Ẹ yị nyị isoja awụ nịnị ikonya ana vaa vọ. Uyi ọnị ụ sị gẹ ọchị nịnị kẹnẹ ọ vanaa jẹẹ ịrẹsụ ataba nị.

Ijeremaya 51:4

Ẹnịnị vị ana a vaa tọ̀ ụnava, dị e sú va hi ẹtẹ oze ene hi ẹkụra ẹnịnị.

Ijeremaya 49:20

Ọ kà, agụvị avọọ, wụ ịsị ọnị rò ka ọnị vaa mẹ Anedomi nịnị ọnịrị Anẹkụra ana aā hị́ Itemani nịnị. Ezweyi ẹnịnị vị ana vaa kụụ hara ẹtẹ nee hu, dị angwa ee hí avaba aza.

Ijeremaya 37:8

Ịjị ẹẹ sị varẹma, Anibabironi vaa kụ́ ịrẹkụụ vaavẹ ẹkụra ọnọnị dị ẹẹ zaa, dị ẹẹ rị ọ ịra.

Ayịsaya 14:19

Ama ẹwụ ẹ yị hyakụ nyị ikuta oku awụ vi ene e ne tịtẹ kẹnẹ ka ọ̀ọ wụ̀. Aza ana a sị ụ̀hwọ̀ wụ̀ vị ana kụ́ và wu hi ịnị ụsị ịrẹta-ịrẹta. Oku awụ nịnị vị ana aza aa kụ́ ahụụ hii parahu.

Ayịsaya 13:15

Avaba aza ana aa za, dị a ká a ụhwọ, dị o sú.

Ayịsaya 10:4

Aza ẹnyị awụ nịnị vi ene vee sú ịnị ịrẹkụ à yị vi avọọ dị a za wa ọrịhị nọ ẹkụra ọsa. Wàa daka maanị rị rị ụya nịnị, Ẹnẹyịmavara ọ yị vị vaa vàa hụụnị ọyịkụ anị. Vị aa tịị tana ụvọ za wụ nịnị nị.

Ijeremaya 21:10

Ẹnẹyịmavara kà ọnị ọ́ sị ọ ka ka ẹkụra ọnọnị vị ọnị ọnị è vú ẹtẹ, ẹ yị yaa vọ. Ọ kà vị ọnị vaa hụrẹ Ijerusarẹmị ụvọ yị ohinọyị Ịbabịrọnị dị ọ rị ọ ịra nị.

Ijeremaya 32:29

dị ẹ jị ịra da a. Ẹnịnị vaa rị ọ ịra bẹrị avaba irehi ana aza ya mẹ ayị kụ ọnị. Aza ẹ ya ịrẹsụ irehi ẹnẹẹ aa rị eturare ịra yị ori ana aā hị́ Ịbaarị, dị ẹ́ rẹ yaa sị eche mẹ̀ ịsọvọ yị ori ana vọ nị.

Ijeremaya 37:11

Ezirẹkụ Anibabironi ê zwe varẹma hụrị Ijerusarẹmị agụvị ka ệ wụ ka Ezirẹkụ Anijipiti aa vẹ.

Arụwẹ 1:15

Ẹnẹyịmavara ô nyị isoja ayị ana kata hu kere-kere unyi; dị ọ tụ isoja hụrị aha ọsa dị e ve vu ezwọọmụha ayị ẹtẹ nị. Ệ kwọrọ avaba aza ayị và ha anka a mẹẹ kwọrọ asẹ ịnị ụkọ avọọ.