Ijeremaya 36:7 - IWE ỌNỊNỊ

⁷ Ijeremaya ka, ẹyịyara, ẹnịnị vaa dá ịpẹẹ ị Ẹnẹyịmavara, dị ẹnịnị và hụụnị ẹhẹ odivi ẹnịnị. Ọ kà, Ẹnẹyịmavara ọ raa sị ọyịkụ-ọyịkụ ee wo oto hi aza ẹnẹnị.

Ijeremaya 36:7 Referans Kwoze

Ijeremaya 36:3

Ẹnẹyịmavara kà, ẹyịyara, ịjị avaba Anijuda ẹẹ wụ avaba ụya ọnị ọnị ka ọnị vaa sịị rị wa, ọzọza vaa vàa hụụnị ẹhẹ odivi ẹnịnị. Ịjọnọọ ọnị rẹ vaa vagu avaba ebira odivi ẹnịnị ọnịrị ịvị ẹnẹ ẹ rị yị wa.

Ihoseya 5:15

Ọnị ộ vavọọ sị wa mẹ, dị ọnị va nọ aha anị na ya. Ẹ vị ịjị e ro ịnẹ, di e si ọnị ka ọnị ọ gụ ẹnị ụvọ. Obobooro ọnị akanya ọ̀ọ vẹ, e vee si ọnị.

Arụwẹ 4:11

Ịjị ọyịkụ Ẹnẹyịmavara hịrẹ ụna tu wa, dị ọ rị ẹkụra Ịzayọnị ịra na ka ẹtẹ nị.

Ijeremaya 21:5

Ẹnẹyịmavara kà ọnị vaa sị ọyịkụ-ọyịkụ sị avaba ụkata anị pe Ịzẹdẹkayaa zyaazị.

Ijeremaya 4:4

Ọ kà, ẹwụ nịnị Anijuda ọnịrị Anijerusarẹmị ọ̀ hụụnị ebira odivi, dị wa sị ẹngụ awụ nịnị tụ irenyi yị ọnị nịnị, ọ ka ẹ̀ yị vị avọọ ọnị va hụ agụvị ebira odivi awụ nịnị nyị ọyịkụ hi wụ nịnị anka ịra anaa rị ọnị ọza è yi zụ mi avọọ.

2 Ohinọyị 22:17

Ẹnẹyịmavara kà ẹnịnị ệ raà va ịrẹma na mẹ̀ ịsọvọ yị ori nịnị. Avaba ịsa ẹ mẹ o re du ọnị ayị. Agụvị avọọ ọnị aa kụ́ ayị hi Anijerusarẹmị nịnị. Ọyịkụ anị ọ yị vaa ta.

2 Ohinọyị 22:13

Ohinọyị kà ẹnịnị ẹnẹ na họ̀ Ẹnẹyịmavara yị ọnị ọnịrị aza ana vọ tụ Ijuda ịsị ana ya ịnị iwe ene e hee aanị. Ộ ka Ẹnẹyịmavara ô du ayị hi ẹnị agụvị ohiku ẹnịnị ana mẹ̀ akamawụ hi ịrẹyị anị, dị ẹ̀ yị mẹ̀ ịsị iwe ọnọnị kà a vọrọ ka a mẹ.

Ịzakaraya 1:4

Asị ẹ hama ebira ohiku ẹnịnị ịyẹẹyẹ ọnị ọnịsẹ nịnị kà yị ka Ẹnẹyịmavara Ochẹtẹẹngụ ka ẹ hụụnị ebira odivi ọnịrị ẹhẹ kẹnẹ-kẹnẹ ọnị ẹ yaa ra. Ẹnịnị ẹ̀ yị hyakụ sị ụtọ pe ịrẹyị ọnịsẹ ẹnẹẹ, a vị ka ẹ wụ́ chire Ẹnẹyịmavara.

Ijona 3:8

Dị aza ọnịrị ịsụpa ẹẹ kụ ẹnya ana aā sịị zị ẹngụ. Dị ọzọza oo sụ ùnè hì Ohomorihi ẹngụ. Dị ọzọza ọ vaa hụụnị ebira odivi ọnị ọ vịdị aa mẹ̀ nị.

Ịdanịyẹrị 9:13

Anka â mẹ chẹrẹ ẹ tụ ịnị ọda Imosiisi, avọọ â mẹ sị avaba ụya ẹnẹnị rị ẹnị nị. Ama ẹnị ẹ yị va hụvị avọọ da ịpẹ yị Ẹnẹyịmavara ana vị Ohomorihi ẹnịnị ka ọ navọ ọ vayị ẹnịnị. Ẹnị ẹ yị va và hụụnị ebira odivi ẹnịnị dị ẹnị ẹ mẹ ịzẹyịza.

Ezikẹẹrị 22:20

anka a mẹẹ kụ enyusẹ irenyi-irenyi gụụ hi ịzị a yaa kà ịraa hi enyusẹ avọọ. Ọnị vaa kụ ayịị hi wụ nịnị, dị ọnị mẹ wụ nịnị pẹpẹpẹ anka a mẹẹ kà ịra hi enyusẹ dị ọ na avọọ.

Ezikẹẹrị 20:33

Ẹnẹyịmavara kà àa vị ọnị ọ yị vị Ohomorihi ana yara nị, ọnị vaa rị ohinọyị tụra awụ ịnị ịrẹsụ, ọnị vaa mẹ ọyịkụ hi wu nịnị; ọnị vaa tana ụvọọ za awụ nịnị, dị ọnị sị ụkata anị zụ wụ nịnị.

Ezikẹẹrị 13:13

Ẹnẹyịmavara Ananyị ụkata hu ka, ọnị vaa sị ọyịkụ-ọyịkụ mẹ ka, opomi ọ̀ tụ́, dị orihi zụ̀ hara-hara beri ata orihi, dị o ve wú ọvọ awụ nịnị ha.

Ezikẹẹrị 8:18

Avọọ, ọnị vaa sị ọyịkụ anịị zụ wa ẹtẹẹtẹrẹ. Ọnị ẹ́ yị vaa sị eyi kwooze yị wa, ọnị ẹ́ yị vaa vayị ẹnịnị. Ẹnịnị vaa mẹ̀ aduwa, dị eyee nowu boro-boro, ama ọnị ẹ́ yị vee tu wa ohi.

Ezikẹẹrị 5:13

Aanị ọnị mẹ vaa kụ́ ayịị hi wa dị ọnị sị họ̀ oponu ịrẹyị ẹngụ anị, dị ayị anị ọ̀ nẹtẹ nị.

Ijeremaya 26:3

Ẹnẹyịmavara kà ẹyịyara, ẹnịnị vaa wụ́, dị ẹẹ và hụụnị ebira odivi ẹnịnị. Ẹnịnị èe ro ịnẹ varẹma, ọnị vaa vàa hụụnị ẹngụ ọnị ọnị tenyi ka ọnị ee vu wa ẹtẹ agụvị ebira odivi ẹnịnị.

Ijeremaya 25:5

Ọnịsẹ ẹnẹẹ ệ kà a wụ nịnị ka wa và hụụnị ẹhẹ odivi ọnị waa rá nịnị ọnịrị ebira odivi ọnị waa mẹ nịnị. Ẹ ka wa và hụụnị anị nịnị agụvị dị wa yị zụụ ra ịnị ẹtẹ ọnị Ẹnẹyịmavara sị yị ẹwụrị ohiku awụ nịnị pooro aanị.

Ijeremaya 19:15

Ẹnẹyịmavara Ochẹtẹẹngụ, Ohomorihi Anisirẹrị ọ́ sị ọ ka ka, ọnị vaa sị ụyaa rị Anijerusarẹmị nịnị ọnịrị avaba anẹkụra ana kara wa anka ọnị mẹ kà a, agụvị ka ẹnịnị aa mẹ ayị ọkatẹngụ, ẹnịnị ẹ yị saasa ịrẹyị anị.

Ijeremaya 16:10

Ọ kà Ijeremaya ọ̀ọ maanị kà avaba ịrẹyị ọnọnị yị wa, ẹnịnị vaa họ̀ use ka sị ẹ vẹ dị ọnị ka ọnị maanị aa sị ụyaa ọngwọọngụụ rị ẹnị aanị? Ẹnịnị vaa họ̀ ka sị ẹ vị ebira odivi ẹnẹ ẹnị rị ịvị anị kẹ? Sị ẹ vị ebira odivi ẹnẹ ẹnị mẹ hi Ẹnẹyịmavara Ohomorihi ẹnịnị?

Ijeremaya 1:3

Ẹnẹyịmavara ộ rẹ kà ịrẹyị yị ọ ịnị ụmẹ ọnị ozi Ijosaya ana aā hị́ Ijehoyakimi sị vị ohinọyị. Ịrẹma anị ộ vana rẹ kà ịrẹyị yị ọ ụmẹ ọrụrụ-ọrụrụ naa ngụ ana tụ ọ ịrayị ẹwụrọnya ọnị ozi Ijosaya ọsa ana aā hị́ Ịzẹdẹkaya sị vị ohinọyị nị.

2 Ịtọpa 34:21

Ka ẹnịnị ene tu Ẹnẹyịmavara yị ọnị ọnịrị aza ana vọ tụ Isirẹrị ọnịrị Ijuda. Di e re ịsị ana ya ịnị iwe ene e hee aanị. Ộ ka Ẹnẹyịmavara ô du ayị hi ẹnị agụvị ohiku ẹnịnị ana mẹ̀ akamawụ hi ịrẹyị anị, dị ẹ̀ yị saasa ịrẹyị anị.

Iwe Ọhụhị Imosiisi ana aa hị́ Ọyịvatụrọda 31:17

Ẹnịnị ẹ̀ẹ vavọọ mẹ, Ẹnẹyịmavara kà ọnị vee du ayị hi wa, di o yi wa tịtẹ, di e vu wa ẹtẹ. Ịrẹyị odivi-odivi vee tu wa, dị ẹ vaa yẹ ka ịsa ẹnẹnị vị enee tu ẹnị agụvị ka ọnị ọ sị va ịrẹma ẹnịnị.

Iwe Ọhụhị Imosiisi ana aa hị́ Ọyịvatụrọda 31:16

Dị ọ kà yị Imosiisi ka ẹ yị jẹẹ di ohiku ẹnịnị ẹ dọ ọzọga. Ịrẹma ọnị o wusu, Anisirẹrị nịnị vaa va ịrẹma anị na hẹkẹ ori anẹkụra ịnị ẹ yaa va ngụ. Dị ẹnịnị ẹ yị mẹ ịzẹyịza hi ọnị, dị ẹ sị ahụ jịnẹ oto ọnịrị wa mẹ yị ẹngụ nị.

Ijeremaya 37:20

Dị ọnị ka yị ohinọyị Ịzẹdẹkaya ka, ọ̀ navọ ọ wụ ịpẹ ọnị ọnị aa dáa yọ booro aanị. Aarịhịnị, asị ọ kụkụ sị ọnị varẹma na tụ ịnị ẹngwa ịnị ịdị Ijonatani. Ẹyịvavọọ vị ọnị ee sú u tu ịzọọ nị.

Ijeremaya 42:2

dị ẹ ka, aarịhịnị, ọnị ò pè ẹnị mẹ̀ aduwa hi Ẹnẹyịmavara Ohomorihi ẹnịnịị de. Ẹ ka, ọnị ee ré ka ẹnị ệ vịdị rụrụ, ama ẹnị chee ọ vị booro aanị nị. Ọnị ọ̀ mẹ̀ aduwa yị ẹnị ana vẹtẹ anị de.

Ezikẹẹrị 12:3

Ọ kà, ozi-ọza, booro aanị, ọnị ọ̀ sụ́ ẹnya anị anka ọza ana a dụ hụrị ẹkụra avọọ, dị ọnị ọọ na ọọdụ ọnị ọ̀ jẹẹ dị avaba aza ẹ̀ re ọnị mẹ kụ̀ra dị ọnị aa nọ aha ọsa. Ẹyịyara aza ẹnẹnị anaā kụ̀ụ hịrẹ ọza aanị vaa yẹ ịsị aa na.

Ịdanịyẹrị 9:18

Ohomorihi, kwogwo, navọ wa wụ́ ọngwẹ ayị. Kana eyi di u we ré ụya ọnị yaa rị aanị. Ré ẹkụra anaā sịị ịrẹha awụ hị́. Yaà ta u ubo agụvị ka vị ụ vayị ọza nị, ẹ yị vị agụvị ka yaa mẹ̀ ịsa ana vọrọ.

Ijowẹrị 2:12

Ẹnẹyịmavara kà booro aanị, ẹ sị ayị ọnya ro ịnẹ hụụnị ebira odivi ẹnịnị, dị ẹ va ka ọnị vẹ. Ẹnịnị ẹ va ẹngụ hi, dị ẹẹ jị òrèrè, asị ẹẹ rị ịsa.

Ijowẹrị 2:13

Ẹnịnị ẹ̀ sị ịzẹyịza zị ẹngụ, ọnị ọ mẹ huu ka e na achị ẹnịnị hi ẹngụ ka ẹnị aa ba arụwẹ nị. Ẹnẹyịmavara kà ẹ varẹma vẹ ịda anị ana vị Ohomorihi ẹnịnị. Ọnịị̄ vayị ọza ẹtẹẹtẹrẹ, dị ọnịị̄ ngwayịi ọza nị. Ọnịị̄ sị ẹngụ dọ ịrẹyị, dị ọnịị̄ sị ụvọ za oto anị nị; dị ọnịị̄ vagu ọza ana aa mẹ̀ ebira odivi, dị ọnị ẹ yi sị ụya rị ọ.