Ijeremaya 36:31 - IWE ỌNỊNỊ

³¹ Ẹnẹyịmavara kà ẹwụrị ezi ewu beri ọdọvịdị ana kara awụ, vị ọnị ọnị vaa sị ụyaa rị agụvị avaba ebira odivi ẹnẹ ẹ mẹ. Ọ kà ẹwụrị aza ene hi Ijerusarẹmị ọnịrị Ijuda ẹ́ yị wụ́ ịrẹyị anị ọnị maa kà wụ, nịnị ọnọ. Agụvị avọọ, avaba ụya ọnị ọnị wo oto ka ọnị vaa sịị rị wụ nịnị, vị ọnị ọnị vaa sịị rị wụ nịnị ịzẹyịza.

Ijeremaya 36:31 Referans Kwoze

Ụhịrẹyị 29:1

Ọza anaa ka ọnị ọ mā dọ ohuvọ ọza, vị ana jị obo nee vu.

Ijeremaya 35:17

Avọọ, ọnị Ẹnẹyịmavara Ochẹtẹẹngụ, Ohomorihi Anisirẹrị vaa sị ụyaa rị ẹwụ nịnị Anijuda ọnịrị Anijerusarẹmị anka ọnị mẹ kà a tịtẹ. Ọ kà ọnị vavọọ aa mẹ wụ nịnị agụvị ọnị ộ kà ịrẹyị yị wụ nịnị ama wẹ yị wụ; ọnị ộ hị́ wụ nịnị, we yi tụ́ ohi.

Ijeremaya 23:34

Ẹnẹyịmavara kà àa nyị ọza ịnị ẹngụ aza anị, ọ̀ọ vị ọnịsẹ, ọ̀ọ vị ohirẹsụ irehi Ohomorihi ana vana há irenu kà a ka ụtụ ọnị Ẹnẹyịmavara tụ́ ọnị yị, vị ọnị aa sị ụyaa rị ọza ọnọọ ọnịrị ovwoovu anị nị.

Ijeremaya 19:15

Ẹnẹyịmavara Ochẹtẹẹngụ, Ohomorihi Anisirẹrị ọ́ sị ọ ka ka, ọnị vaa sị ụyaa rị Anijerusarẹmị nịnị ọnịrị avaba anẹkụra ana kara wa anka ọnị mẹ kà a, agụvị ka ẹnịnị aa mẹ ayị ọkatẹngụ, ẹnịnị ẹ yị saasa ịrẹyị anị.

Imatiwu 23:37

“Ijerusarẹmị! Ijerusarẹmị! Ẹwụ nịnị aa wụ ọnịsẹ nịnị, di u ree ne aza oni Ohomorihi tụ́ hi wu nịnịị ịrẹta nị. Wáá yẹ ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ, ama dị ụ wẹ yị zẹẹ nịnị.

Ijeremaya 17:18

Ọ̀ navọ asị ọ́ zẹẹ ka ụhị nyị ọnị ama ọ̀ mẹ̀ ụhị nyị aza anaa sị ụya rị ọnị. Asị ọ mẹ ayị hụrẹ ọnị ịnẹ, ama ọ̀ kụ ayịhụrịnẹ tu wa. Ọ̀ navọ ọ̀ kụ ẹngụkata odivi tu wa dị ọ̀ gara wa ha chẹkẹ-chẹkẹ.

Ijeremaya 11:8

Ama ẹnịnị ẹ yị wụ́ chire ọnị. Ẹnịnị ẹ yị wụ́ ịrẹyị anị. Dị ahịka ịsị ayị ọzọza ọọ ka yị wa kẹnẹ ẹ yaa saasa nị. Ayị ẹnịnị ọọ katẹngụ, avọọ o me divi nị. Ọ kà ọnị ộ kà a yị wa ka ẹnịnị ẹ̀ sị ụvọ za ịrẹyị ọnị ẹnị dọ beri ẹngụ tụ ịnị aanị ama ẹnịnị ê yi. Avọọ, ọnị aa sị avaba ụya ana ya ịnị anịị rị wa nị.

Ireevi 26:14

Ẹnẹyịmavara kà, ẹnịnị ẹ̀ yị saasa ịrẹyị anị, dị ẹnịnị ẹ̀ yị saasa avaba ọda anị nị,

Ijeremaya 29:32

Re, ọnị vaa sị ụyaa rị Isemaya ana vị Anineherami ọnịrị evere anị; ẹ́ yị nyị aza ẹngụ anị ana vaa sị eyi re ịsị ọyịza ọnị ọnị vaa mẹẹ yị aza anị, agụvị ka ọ raa sị ịrẹyị irenu anị kụ̀ hịrẹ Ẹnẹyịmavara.

Ijeremaya 52:2

Ohinọyị Ịzẹdẹkaya ộ mẹ̀ ebira odivi hi Ẹnẹyịmavara anka ohinọyị ana aā hị́ Ijehoyakimi mẹ mẹ.

Ahẹ Ụgama 94:23

Ohomorihi vee si aza edivi atọ ebira odivi ẹnị ẹ yaa mẹ. Mị ka Ẹnẹyịmavara ana vị Ohomorihi ayị ọ vaa wụ̀ waa ha nị.

Ezikẹẹrị 7:8

Ọka, é yị vee kù dị ọnị ọ̀ sị ọyịkụ zụ̀ wụ nịnị ẹtẹẹtẹrẹ ọnị vaa mẹ̀ ọkarẹyị avaba ịsị ụ mẹ yị wụ nịnị. Ọnị vaa sị́ ụya avaba ịsị enyisi ọnị waa mẹẹ rị wụ nịnị.

Ezikẹẹrị 7:9

Ẹnẹyịmavara kà ọnị ẹ́ yị vaa sị eyii kwooze yị wụ nịnị, Ọnị ẹ́ yị vaa vayị awụ nịnị. Ọnị vaa sị ụyaa rị wụ nịnị agụvị avaba ịsị enyisi ọnị waa mẹ nịnị. Ịjọnọọ, ụ vaa yẹ nịnị ka, ọnị ọ̀ vị Ẹnẹyịmavara anaa sị ụyaa rị wụ nịnị nị.