Ijeremaya 35:6 - IWE ỌNỊNỊ

⁶ Ama dị ẹnịnị tụ́ ohi ka, ẹnị é yi me hu eche nị, agụvị ka ohiku ẹnịị ana aā hi Inadavu ộ mẹ̀ ọda yị ẹnị ka: asị ẹnị hú eche ọnyọọnyị dị asị ezi ẹnịnị ẹnị re hú eche bẹẹ.

Ijeremaya 35:6 Referans Kwoze

Iruuku 1:15

Ọzọbanyị ọ vaa vị ini eyi Ananyị yị nị. Ọ yị va nyayịnẹ ẹ hú eche vụrụ-vụrụ, ọ̀ daka vị eche ọkatẹngụ. Hụụnị ịnị ịnẹ ọnyị anị Ụ́hwẹ Ọnịnị vaa dọ avaba ayị anịị hụrẹẹ vẹ nị.

1 Ịtọpa 2:55

Ịsarịma ọ rẹ vị ohiku ẹnị anịrẹsụ ana vị ọchẹrịsa ana ra Ijabẹzị nị. Ẹnịnị ẹ vị Anitirati, Anisimiti, ọnịrị Anisukati nịnị nị. Avaba ẹnịnị vị evere Ihamati ada Anikeni ana ohiku Irekabi.

2 Ohinọyị 10:15

Ijehu ộ hụụ ịzọọ, dị ọ na gẹrị Ijehonadabi ozi Irekabi oze nị. Ijehu ộ kụ́ ọ, dị ọ ka: Ẹmịrị ẹwụ vị eneē ro ịrẹyị ọnyọọnya. Ụ wáá vị aza amị? Dị Ijehonadabi ka ịịndẹ ọnị aa vị aza anị nị. Ijehu ộ kà a yọ ka ọ sị ụvọ anị vẹ, dị ẹ dọ ẹngụ ụvọ, dị Ijehu sị ọ hịrẹ ịkẹkẹ ịrẹkụ anị nị.

Ọdọvịdị 13:14

Ọ kà, ose anị ọ na sị eyi pe avaba ịsa ọnị ọnị ra mẹ ọda anị yị ọ. A sị ọ rị ịsa ọnyọọnyị ana sị ẹtụtụ ọchị ịvayịnị mẹ. Dị a sị ọ re hu ịsa ọnyọọnyị anaa mẹrị ọza. A sị ọ rẹ rị ịsa ọnyọọnyị anaa dọ ọza ọtị.

Ọdọvịdị 13:7

Ọ kà anggẹẹrị ọnọọ ộ ka ẹ yị ọnị ka ọnị ọ sị ụtọ pe ịrẹyị anị. Dị ọ ka ọnị ve zyẹẹ, dị ọnị ma ozi ọnọrụ ọnyara. Ọọ rẹ kà a yị ọnị ka asị ọnị nyayịnẹ hu eche a vị ịsa ọnyọọnyị anaā mẹrị ọza, dị asị ọnị rẹ rị ịsa enyisi ọnyọọnyị agụvị ka ozi ọnọọ vị ana vaa sịị tụ irenyi yị Ohomorihi hụrẹ ụmẹ ana a sị ma a pooro dị o su.

Ireevi 10:9

À sị ọnịrị ezi anị ngụ ịnị ajẹngụ ọnị Ẹnẹyịmavara ẹnịnị èe si eche hú o, ọ ka ẹnịnị ẹ̀ẹ vavọọ mẹ, vị́ eyee sú nị. Aanị avaba evere awụ nịnị mẹ saasa ọda ọnọnị pooro nị.

1Ipita 2:11

Ẹwụ nịnị ọnị mi sì, wâ yẹ nịnị ka ọzọga ụ vị hi ịnị ẹhẹ nịnị nị. Agụvị avọọ, maa dá ịpẹẹ wụ nịnị: Và hụụnị ịsa edivi ọnị ọchẹngụ awụ nịnị sì. Ịsa ẹnẹẹ vị ana và eyi ịrazị kà ayị awụ nịnị.

Ijeremaya 35:10

Ẹ ka ịnị ajẹngụ ẹnịị ra nị. Avaba ịrẹyị ọnị ohiku ẹnịnị Inadabi mẹ ọda anị yị ẹnị vị ẹnị ẹnị saasa bemi-bemi.

Ahẹ Ụgama 105:12

Anisirẹrị nịnị vịdị aa chee aanị, ẹ yị nyị ẹ yà,

1 Ịtọpa 16:19

Anisirẹrị nịnị vịdị aa chee aanị, ẹ yị nyị ẹ yà, dị ahịka azọga ẹ vị̀ hi ịzọọ ụmẹ ọnọọ nị.

2 Ohinọyị 10:23

Ijehu ộ ngụ irehi Ịbaarị beri Ijehonadabi ozi Irekabi, dị ọ kà a yị ẹnị anaā hẹkẹ Ịbaarị ka, “Zama ẹngụ awụ nịnị, di u we re ka ẹ yị nyị ọza anaā hẹkẹ Ẹnẹyịmavara ana ya ịnị akakana awụ nịnị; ama ẹwụnị-ẹwụnị anaā hẹkẹ Ịbaarị kẹnẹ ọ̀ ya ịzẹnị nị.”

Ọyịkụra 20:12

Sị ụbanyị yị ọnyị awụ ọnịrị ada awụ agụvị di we zụ kú orubo ịnị ẹtẹ ẹnị ẹmị Ẹnẹyịmavara ana vi Ohomorihi awụ aa sịị yị wụ.

Oyinyima 36:7

Ịsị ẹ mẹ ka ọ kụ́ ẹnya kwooze ọ vị ka ogu ẹnị ẹnị ẹyịva nyị ọ sị dẹngụ. Ịsụpa ẹnịnị ệ rụrụ ẹnẹmẹhị. Ẹtẹ ene e vịdị dudu ra ịnị anị ọ yị kụkụ dọ wa. Ẹnịnị ẹ yị kụkụ zụ yà aha ọnya.

Oyinyima 25:27

Ezi ẹnẹẹ mẹ̀ sị hụ̄, Iisọ ọnị vị ozube obooro, dị ọọ̄ ngụ avị nị. Ijekọvụ ọnị vị ọza hẹẹ aanị, di ahịka ini eehi ọọ̄ yà nị.

Ijeremaya 35:14

Ẹnẹyịmavara kà ezi Irekabi ệ saasa ọda ọnị Ijonadabị ohiku ẹnịnị mẹ yị wa ka asị e hú eche. Ịzẹyịza ẹnịnị e yi hú eche pooro ve tu ajịnị. Ama ọnị ộ kà ịrẹyị yị ụ nịnị pooro wẹ yị wụ nịnị.