Ijeremaya 34:8 - IWE ỌNỊNỊ

⁸ Ẹnẹyịmavara ộ kà ịrẹyị yị Ijeremaya ịrẹma ọnị ohinọyị Ịzẹdẹkaya ọnịrị Anijerusarẹmị nịnị raa dọ ka ẹnị aa hụrẹ ọrịhị ẹnịnị ụvọ.

Ijeremaya 34:8 Referans Kwoze

Ireevi 25:10

Ọ kà aanị ẹnịnị mẹmẹ vaa sị ana gụ ọ ịrayị ẹvarẹwụ tụ irenyi nị. Ẹnịnị vaa nọ̀ọ ịnị ịrayị ọnọọ ka aa ngwa avaba aza ana ra ịnị ẹtẹ ọnọọ tịtẹ. A vaa và avaba ogu ana a vịdị ná ịrẹmaa yị aza ana vịdị nyị wa, à vị yị ezi ẹnịnị, dị a hụrẹ avaba aza ana vịdị hị́ ọrịhị ụvọ ka ẹẹ vàa ka anda ẹnịnịị na.

Ijeremaya 34:17

Avọọ, ọnị Ẹnẹyịmavara kà, wẹ́ yị saasa ịrẹyị anị nịnị. Ụ ka wẹ́ yị hụrẹ anda awụ nịnị ụvọ; agụvị avọọ, ọnị vaa hụrẹ ẹwụ nịnị ka we ne sú ha eyirẹkụ nịnị, dị ụkụ ọnịrị ụngwẹ ẹ̀ wụ̀ wụ nịnị va ha. Ọ kà ịsị ọnị ọnị vaa mẹ ẹwụ nịnị vee chire avaba anẹhẹ angwa.

2 Ohinọyị 11:17

Ijehoyada, ohirẹsụ irehi Ohomorihi ộ kà a yị ohinọyị Ijowasi ọnịrị aza ana vọ ka ẹ̀ wo oto yị Ẹnẹyịmavara kà aza Ẹnẹyịmavara ẹnị vanaa vị pooro nị. Ộ vavọọ rẹ mẹ ka ohinọyị ọnịrị aza anị ẹ̀ vavọọ wo oto yị ẹngụ.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Inehemaya 9:38

Agụvị avaba ịsa ana maanị mẹ aanị, yê wo oto ọvịdị awụ ajịnị dị ị ka à chẹrẹ ẹ tịtẹ dị ọdọvịdị ayị nịnị, Anireevi nịnị ọnịrị ohirẹsụ irehi Ohomorihi ayị nịnị ẹ̀ sị ụvọ tụ ọ nị.

2 Ịtọpa 29:10

Ộ kà a booro aanị, ọnị ọ raà tenyi ẹngụ ka ọnị o tenyi eku hị́ yị Ẹnẹyịmavara Ohomorihi Anisirẹrị agụvị asị ọ kụkụ vavọọ kụ ayị hi ẹnị.

2 Ịtọpa 23:16

Ijehoyada ộ hị́ ohinọyị ọnịrị aza ana vọ ka ẹ̀ vẹ, dị ọnịrị wa è dudu hị́ eku ka aza Ẹnẹyịmavara ẹnị vaa vị nị.

Iwe Ọhụhị Imosiisi ana aa hị́ Ọyịvatụrọda 15:12

Àa nyị Anihiburu, ọ̀ọ vị ọnọrụ, ọ̀ọ vị ọnẹẹ ana na ẹngụ anị ọrịhị yị ọza, ịrayị ịhịnọnyị kẹnẹ a sị ya ahụ ọza ọnọọ dị ọ nyị ẹngụ varẹma nị.

Ayịsaya 58:6

Awẹ ọnị ọnị sì yị: ẹnịnị ẹ hụrẹ aza ẹnẹ ẹ sị akụvị mẹ ẹvaya yị ụvọ. Ẹ sị ọkẹkẹrẹ hụụnị ọbẹ ẹnịnị, dị ẹ navọ wa.