Ijeremaya 34:21 - IWE ỌNỊNỊ

²¹ Ẹnẹyịmavara kà ọnị vaa kụ Ịzẹdẹkaya ohinọyị Ijuda ọnịrị ẹnị ọdọvịdị anị nịnị chire ọnịvị ẹnịnị enee si wa usu ụvọ. Ọnị vaa kụ wa chire isoja Anibabironi ana vịdị sị và hụrị ịrẹma awụ nịnị ụvọ.

Ijeremaya 34:21 Referans Kwoze

Ijeremaya 39:6

Ẹtẹ Iribira ịzọọ, ohinọyị Ịbabịrọnị yà, dị ọ́ wụ̀ avaba ezi Ịzẹdẹkaya ẹnịrị ọdọvịdị Anijuda nịnị eyi Izedekaya nị.

Ezikẹẹrị 17:16

Ọ kà, àa vị ọnị ọ yị vị̀ Ohomorihi ana yara nị, ohinọyị Ijuda ọnọnị vị ene vee súu tu Ịbabịrọnị agụvị ka ộ jịnẹ eku ọnị ọ hị́ ọnịrị ịrẹyị ọnị ọ dọ beri ohinọyị Ịbabịrọnị tụ ịnị anị, ọza ana sị ọ rị ohinọyị ọ vị ọnọọ nị.

Ijeremaya 52:10

Iribira ịzọọ a yà wụ̀ avaba ezi Ịzẹdẹkaya ọnịrị ẹnị ọdọvịdị Aniju nịnị eyi Ịzẹdẹkaya goro-goro nị.

Arụwẹ 4:20

Ẹ raà za ohinọyị ọnị Ẹnẹyịmavara nyị yị yị ka ya sị eyi tụra. Ọnị ọ vị ọza ọnị ị sị ayị tụra ka ọ vaa dọ yị ha hụnị ụvọ anẹkụra tụra anẹkụra anaa vị eyi ịrazị ka yị nị.

Ijeremaya 32:4

Ẹnẹyịmavara kà, Ịzẹdẹkaya ohinọyị Ijuda ẹ́ yị vaa ha hụrị Anikaridi nịnị ụvọ. Ama a vaa za a nee chire ohinọyị Ịbabịrọnị ụvọ. Ọnịrị ọ vaa ha eyi tụra ẹngụ dị ẹyaa kà ịrẹyị.

2 Ohinọyị 25:6

Dị isoja Anibabironi ẹnẹẹ za ohinọyị Ịzẹdẹkaya na yị ohinọyị Inebukadineza ana ya ẹkụra ana aā hị́ Iribira. Ịzọọ ọ ya kà a ka a na wụ̀ ọ nị.

Ijeremaya 22:25

Ọ kà ọnị vaa sị ọ chire aza enee si o usu, ọnị ọ́ vavọọ ee hí angwa anị avọọ ụvọ. Ọnị vaa sị ọ chire Inebukadineza, ohinọyị Ịbabịrọnị ọnịrị isoja anị nịnị ụvọ.

Ijeremaya 32:3

Ọ kà ohinọyị Ịzẹdẹkaya ọ jị ọnị ẹngwa tụ ịzọọ nị, agụvị ka ọnị ộ va kà a ka Ẹnẹyịmavara kà ọnị vaa sị Ijerusarẹmị chire ohinọyị Ịbabịrọnị ụvọ dị ọọ nyị ẹbẹẹba ẹnịnị.

Ijeremaya 44:30

Ọ kà, ọnị vaa sị Ihohwira, ohinọyị Ijipiti chire ọnịvị anị enee si ọ usu ụvọ, anka ọnị mẹ sị Ịzẹdẹkaya, ohinọyị Ijuda chire Inebukadineza, ohinọyị Ịbabịrọnị ụvọ. Ọnịvị anị ọ̀ vị, dị ee si ọ usu nị.

Ijeremaya 52:8

Ama ọkụrẹkụ Anibabironi nịnị ệ kụ́ chire ohinọyị Ịzẹdẹkaya, dị ẹ́ na zá a ịnị orere Ijeriko nị. Avaba isoja anị ẹ́ kụ zwe hụrẹ ịrẹma ụmẹ ọnọọ.

Ezikẹẹrị 17:12

Ọnị ọ̀ họ̀ aza ẹnẹnị anaā kụ̀ụ hịrẹ ọza aanị ka, aanịka ẹnịnị ẹ́ yẹ iruvo ụhịrẹyị ọnọnị da? Ọ kà, ọnị ọ̀ kà a yị wa ka, ohinọyị Anibabironi ộ vẹ Ijerusarẹmị, dị ọ vaa za ohinọyị Ijerusarẹmị ọnịrị ọdọvịdị anị nịnị ne hi Ịbabịrọnị nị.

Ezikẹẹrị 17:20

Ọ kà ọnị vaa và ịrẹpa ozubee zi ọ, dị ọnị sị za a. Ọnị vaa sị ọ nọ Ịbabịrọnị, dị ọnị na sị ụya rị ọ ịzọọ, agụvị ka ẹ́ yị mẹ ịzẹyịza hi ọnị.