Ijeremaya 34:19 - IWE ỌNỊNỊ

¹⁹ Ọ kà avaba ẹnị ọdọvịdị Ijuda ọnịrị Ijerusarẹmị beri ẹnị ọdọvịdị ikootu ohinọyị, ẹnị ohirẹsụ irehi Ohomorihi ẹnịrị avaba ọdọvịdị ẹkụra nịnị ana kụ ahụ hi ozi ụnọ ọnọọ dị ẹ zẹẹ ịzẹzẹ beri ọnị avọọ,

Ijeremaya 34:19 Referans Kwoze

Ijeremaya 34:10

Dị avaba aza ẹnịrị ọdọvịdị ẹnịnị ana vavọọ dọ ka ọzọza ọ̀ na hụrẹ ọrịhị anịị ụvọ dị asị a kụkụ za wa ọrịhị naa dị ẹ na hụrẹ wa ụvọ nị, ọrịhị ẹnịnị anọrụ ọnịrị anẹẹ ẹ́ hụrẹ ụvọ nị.

Ịdanịyẹrị 9:12

Dị ọnị kà a yị Ohomorihi ẹnịnị ka, ịsị ộ ka ọnị vaa mẹ ẹnịrị ọdọvịdị ẹnịnị ộ sị ọ mẹ. Ẹ́ẹ yị nyị anẹkụra ọsa ịrẹsụ ẹtẹ ọnị ọ maanị sị ụya rị da anka ọ mẹ sị ụya rị Anijerusarẹmị aanị.

Ịdanịyẹrị 9:6

Ẹnị ệ yị saasa ịrẹyị ẹnịnị ọnụtụ Ohomorihi ana vị ọnịsẹ, ẹnịnị mẹ va kà ịrẹyị anị yị ohinọyị ẹnịnị, ọdọvịdị ẹnịnị ọnịrị ohiku ẹnịnị beri avaba anẹkụra ẹnịnị.

Ijeremaya 38:7

Ijeremaya ka, â nyị ọnọrụ ọnya aanị ana aā hị́ Ebedi-Ịmẹrẹkị, Anikusi ọ vị̀ nị, dị aa mẹ̀ ụkọrọ ịdị ohinọyị nị. Ọnọrụ ọnọnị ộ wụ ka asị ọnị ne ngụ ịkangga. Ụmẹ avọọ vị ọnị ohinọyị aa mẹ̀ ọkarẹyị enoze Ịbẹnjamịnị.

Ijeremaya 29:2

Ọ kà, ịrẹma ana a raa kụ́ ohinọyị Ijehoyakimi ọnịrị ọnyị anị, aza ana a mẹ̀ ụkọrọ ịnị eehi ohinọyị, ọdọvịdị Anijuda nịnị, ọnụkọrọ ụvọ nịnị ẹnịrị aza ana yara mẹ̀ ụkọrọ irenyi-irenyi nịnị ne hi Ịbabịrọnị ọnị chẹrẹ ịrẹta ọnọọ nị.

2 Ohinọyị 24:15

Inebukadineza ộ za ohinọyị Ijehoyakini ọrịhị nọ Ịbabịrọnị. Ộ kụ́ ọnyị anị, ese anị, ọdọvịdị ẹkụra ọnịrị aza ọkọọka hụrẹ Ijerusarẹmị saasa a.

2 Ohinọyị 24:12

Ijehoyakini ohinọyị Ijuda ộ sị ẹngụ ọnịrị ọnya anị, ezi ahụ anị, ọdọvịdị anị nịnị beri aza ene hi ini eehi anị chire Inebukadineza ụvọ. Ịrayị ọnọọ ọ tụ́ ịrayị ịhịnta ọnị Inebukadineza vị ohinọyị Ịbabịrọnị nị.

Ịdanịyẹrị 9:8

Ộ ka ẹnị ohinọyị ẹnịnị, ọdọvịdị ẹnịnị ọnịrị ohiku ẹnịnị ẹ sị ụhị mệ nyị ẹngụ ẹnịnị agụvị ka ẹnị ẹ sị ịvị mệ hi Ananyị yị.

Oyinyima 15:17

Ịjị ọyị sị ngụ ẹtẹ, dị ẹtẹ si hozi, di o vene re ka ụgụga ana nyị ịra ọnịrị ọchị ene e si hū ịra ệ zi oze ịnị akakana uye ẹnẹẹ aa parahu nị.

Ijeremaya 39:6

Ẹtẹ Iribira ịzọọ, ohinọyị Ịbabịrọnị yà, dị ọ́ wụ̀ avaba ezi Ịzẹdẹkaya ẹnịrị ọdọvịdị Anijuda nịnị eyi Izedekaya nị.

Oyinyima 15:8

Dị Abụramị ka: Ẹnẹyịmavara ana nyị mị ọnị mẹmẹ vaa yẹ ka ọnị ọ vaa nyị ẹtẹ ọnọnị nị?