Ijeremaya 34:16 - IWE ỌNỊNỊ

¹⁶ Ẹnẹyịmavara kà, ama, waa vana rẹ sị ebira awụ nịnị vara, wẹ́ yị sị ụbanyị yị ọnị nịnị. Waa varẹma na za avaba ọrịhị ọnị ụ hụrẹ ụvọ nịnị, waa rẹ sị ụkata-ụkata za wa ọrịhị nịnị.

Ijeremaya 34:16 Referans Kwoze

Ireevi 19:12

À sị ẹ sị ịrẹha anị hị́ eku tụ ịrẹsụ ịrẹyị ẹnẹ ẹ̀ yị vị ịzẹyịza, dị ẹ̀ va sị mẹ̀ ụhị nyị ịrẹha ọnị Ohomorihi ẹnịnị. Ọnị ọ vị Ẹnẹyịmavara nị.

Ezikẹẹrị 18:24

Ama ọza ọyịza ọ̀ọ và hụụnị ebira ọyịza anị, dị ọ́ naa mẹ̀ ebira odivi anaa nyị ọnị ịhyẹrẹ ana ọza odivi aa mẹ nị, ọza ọnọọ ọ́ọ́ zụ yara kẹ? Éyiye de. Ẹ́ yị nyị ebira ọyịza ọnị ọ́ vịdị mẹ ana a vaa tamayị anị. Vị́ o vee sú nị, agụvị ka ẹ yị vị ana mẹ ịzẹyịza ọnịrị agụvị ka ọ vanaa mẹ̀ ebira odivi.

Ezikẹẹrị 3:20

Ẹnẹyịmavara kà, ọza ọyịza ọ̀ọ va hụụnị ebira ọyịza anị naa mẹ udivi, dị ọnị kụ́ ẹngụkata tu ọ nị, ọnị Ezikẹẹrị ẹ̀ yị kà a ọnọ, vị ee sù isu ebira odivi anị nị. Ọnị ẹ́ yị vaa tamayị ọyịza ọnị ọ́ vịdị mẹ, ama ọnị Ezikẹẹrị ọnị vaa họ̀ use anị nị.

Ijeremaya 34:11

Ama ộ da ku chee, dị ẹnịnị sị ayị vara nị. Ẹnịnị ệ na kụ wa varẹma, dị ẹ rẹ sị ụkata za wa ọrịhị nị.

Ọyịkụra 20:7

Wẹ yị nyayịnẹ sị ịrẹha Ẹnẹyịmavara ana vị Ohomorihi awụ hị́ eku ireche, ẹmị Ẹnẹyịmavara vị ana aa sị ụyaa rị ọ.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.

Ịmarakayị 1:12

Ama ẹnịnị aa sị eyi kẹnẹ-kẹnẹ re ọnị. Ọ kà ẹyaa kà a ka, ẹ yị nyị ịsị ịzị a ya rị ịsa ịnị irehi Ohomorihi vị. Ẹ ya kà a ka ịsa ẹnị aa rị ịzọọ vị ịsa kẹnẹ-kẹnẹ.

Ịmarakayị 1:7

Dị Ẹnẹyịmavara kà, aanị ẹ mẹmẹ sị eyi oweyi re ọnị nị. Ọ kà a yaa sị ịsọyịrị enyisi vaa mẹ̀ ịsọvọ ịrẹsụ ụta anị. Dị ẹ yaa họ̀ ọ use ka ẹnị mẹmẹ du ụta anị ẹngụ? Dị Ẹnẹyịmavara kà e yee ro ka ẹ yị nyị ịsị aha ịsọvọ anị vị.

Ezikẹẹrị 39:7

Ọnị vaa mẹ ka aza anị Anisirẹrị nịnị ẹ̀ yẹ́ ịrẹha anị ana vị ọnịnị. Ọnị ẹ yị ma vana zẹẹ ka asị ịrẹha anị sìsi ẹtẹ paa. Ịjọnọọ, avaba anẹkụra-ẹkụra vaa yẹ́ ka, ọnị, Ẹnẹyịmavara ọ vị Ohomorihi ọnịnị Anisirẹrị nịnị nị.

Ezikẹẹrị 20:39

Ẹnẹyịmavara Ananyị ụkata hu ka, booro aanị, avaba ẹwụ nịnị Anisirẹrị, waa mẹ o me zee wu nịnị eyi, ka tụ ọvịdị, wa naa mẹ ori awụ nịnị. Ama òo ku, òo jintu, waa vàa vẹ vaa saasa ọnị nịnị. Ụ vaa hụụnị ịsọvọ ọnị waa mẹẹ yị ori awụ nịnị, dị wẹ̀ yị sị ụbanyị ịrẹha ọnịnị anị nịnị aanị.

Ezikẹẹrị 13:22

Ọ kà, waa raa sị ireche mẹ ka aza ọyịza ọnị ọnị è yị sì ka ọnị kụ ẹngụkata tu, asị ẹ kụkụ nyị ọtụtụrụma. Waa mẹ nịnị ka asị aza ẹhịmị và hụụnị ebira odivi ẹnịnị agụvị dị ẹnịnị ẹ̀ zụ ha.