Ijeremaya 34:11 - IWE ỌNỊNỊ

¹¹ Ama ộ da ku chee, dị ẹnịnị sị ayị vara nị. Ẹnịnị ệ na kụ wa varẹma, dị ẹ rẹ sị ụkata za wa ọrịhị nị.

Ijeremaya 34:11 Referans Kwoze

Ịrẹyị Ọzwọzịsa 8:11

Dị ọnị ka agụvị ka aza anaa mẹ̀ ịsa odivi ẹ ma hụra rị ụya anị ọ mẹ ka aza ẹẹ mẹ̀ ẹ hu avọ nị.

Ụhịrẹyị 26:11

Ọnụra anaa vàa tụra ịsa ọnị ọ mẹ sị mẹẹ anka irezi ana varẹma nee rèé ahẹrẹ anị avọọ nị.

Ịzẹhwanaya 1:6

Ẹnẹyịmavara kà aza ana va hụ ịrẹma anị, dị ẹ yị kụkụ họ̀ ọnị use ka ọnị ọ zụ ẹnị oze vee re ẹẹva.

Ihoseya 7:16

Ẹnịnị e yi si ọgụvọ hụrị ẹbẹẹba ịda Ẹnẹyịmavara. Ẹnịnị sị mẹẹ anka ọkịta ana rara enee zụ che ịsa avọọ nị. Ọnịvị ẹnịnị ẹ vaa wụ́ ọdọvịdị ẹnịnị ha nị.

Ihoseya 6:4

Ẹnẹyịmavara kà tee ẹwụ nịnị Anehwireemi ọnịrị Anijuda! Ọ kà sị ọnị vaa mẹ̀ wa aanị? Oyisì ọnị ẹ nyị yị ọnị sị mẹẹ anka ewiri a vị eguhi ẹnẹnẹ ana wụ́ ịjịjọọ avọọ nị.

Ijeremaya 37:5

Ezirẹkụ Anibabironiya nịnị vị ana kara Ijerusarẹmị okiri-okiri ụmẹ avọọ. Ama ịjị ẹnịnị wụ́ ka isoja Ihwarawo ohinọyị Ijipiti aa vẹ, dị ẹnịnị si zwe varẹma nị.

Ijeremaya 34:21

Ẹnẹyịmavara kà ọnị vaa kụ Ịzẹdẹkaya ohinọyị Ijuda ọnịrị ẹnị ọdọvịdị anị nịnị chire ọnịvị ẹnịnị enee si wa usu ụvọ. Ọnị vaa kụ wa chire isoja Anibabironi ana vịdị sị và hụrị ịrẹma awụ nịnị ụvọ.

Ahẹ Ụgama 125:5

Ama ịhị wàa kụ́ aza edivii kwooze, ẹnịrị aza ẹnẹ ẹ̀ yị mā và tụra oze awụ, ụ vaa kụ́ụ kwooze nị. Anisirẹrị vị ana vaa nyị ẹngwọọrọ.

Ahẹ Ụgama 36:3

Irenu ọza odivi ọ mā kà ọyịza, di ee vene ọza Ọ yị kụkụ zụ mẹ̀ ebira ịrẹyọyẹ ọnịrị ịsa ene zoza.

1 Ịsamụwẹrị 26:21

Dị Ịsọọrụ ka ọnị ọ sị ebira odivi mẹ. Ọ kà “Idevidi ozi emi, navọ wa vavẹ ịda amị. Ẹwa ka asị mi sú ajịnị nị. Ẹ yị nyị ịsị mị kụkụ aa sịị mẹ wụ. Ma sị ụra mẹ, me reè nyeeyi baaba.”

1 Ịsamụwẹrị 24:19

Áá nyị ọza ene re ọnịvị anị dị ọ̀ zẹẹ ka ọ̀ọ na ẹngwọọrọ? Ẹnẹyịmavara ọ̀ navọ ò si wu atọ ozoza agụvị ịsị wụ mẹ mị ajịnị aanị.

Ọyịkụra 9:28

Dị ọ ka aarịhịnị Imosiisi ọ̀ dá ịpẹ yị Ẹnẹyịmavara kà opomi ọnịrị ata orihi ọnọnị ô zee ọgọnị. Ọ kà ọnị aa hụrẹ wa ụvọ ka ẹ̀ẹ na. Ọ kà asị ẹ kụkụ yà ịzọọ.

Ọyịkụra 8:15

Ama Ịjị Ihwarawo re ka ẹtẹ ọ sị rọ, dị ọ rẹ sị ayị anị kà geri-geri nị, Anka Ẹnẹyịmavara mẹ̀ vịdị kà a, Ihwarawo ọ yị dọ ịrẹyị Imosiisi ọnịrị Eerọnị tụ́ ịzọọ.

Ọyịkụra 8:8

Di Ihwarawo va tụ́ na hị́ Imosiisi ọnịrị Eerọnị dị ọ ka: Aarịhịnị ẹ̀ dá ịpẹ yị Ẹnẹyịmavara kà ọ̀ kụ́ ọnyọ ẹnẹnị kwooze yị ọnịrị aza anị. Ọ kà ọ̀ọ raà kụ́ wa ọnị vaa zẹẹ ka aza Imosiisi nịnị ẹ̀ na dị ẹ̀ na mẹ̀ ịsọvọ yị Ẹnẹyịmavara.

Ijeremaya 34:10

Dị avaba aza ẹnịrị ọdọvịdị ẹnịnị ana vavọọ dọ ka ọzọza ọ̀ na hụrẹ ọrịhị anịị ụvọ dị asị a kụkụ za wa ọrịhị naa dị ẹ na hụrẹ wa ụvọ nị, ọrịhị ẹnịnị anọrụ ọnịrị anẹẹ ẹ́ hụrẹ ụvọ nị.

Ijeremaya 34:12

Dị Ẹnẹyịmavara va kà a yị Ijeremaya ka,

Ijeremaya 34:16

Ẹnẹyịmavara kà, ama, waa vana rẹ sị ebira awụ nịnị vara, wẹ́ yị sị ụbanyị yị ọnị nịnị. Waa varẹma na za avaba ọrịhị ọnị ụ hụrẹ ụvọ nịnị, waa rẹ sị ụkata-ụkata za wa ọrịhị nịnị.