Biblia Todo Logo
Bib sou entènèt

- Piblisite -




Ijeremaya 32:5 - IWE ỌNỊNỊ

5 Ọ kà, ọ vaa sị Ịzẹdẹkayaa nọ Ịbabịrọnị, dị ọ yà ịzọọ pooro nee tu ụmẹ ọnị ọnị ve sii tụ́ ohi ịrẹyị nị. Ẹnẹyịmavara kà Ịzẹdẹkaya ọọ daka gẹ Anikaridi ịrẹvụ, é yi ree mẹ.

Gade chapit la Kopi




Ijeremaya 32:5
20 Referans Kwoze  

Ama ohinọyị Ijuda ộ kụ̀ hịrẹ ohinọyị Ịbabịrọnị, dị ọ́ tụ aza nọ ẹtẹ Ijipiti ka ẹ na dọ umaata ọnịrị isoja tatarata va yị ọnị nị. Ẹnẹyịmavara kà wéé ro ka ọ vaa vị ọ mẹ? Ọ́ọ́ va nyẹngụụ rị ọ? Ẹ yị zụ jịnẹ ịrẹyị ọnị ọ dọ beri, dị a sị ọ rị ụya anị.


Ịrẹma ọnọọ, dị ọ ka à tụ Ịzẹdẹkaya eyi, dị à sị ẹba sụ́ ọ, dị à sị ọ aa nọ Ịbabịrọnị nị.


Anibabironi nịnị vaa wụ̀ aza vaa hi ẹtẹ vẹẹrẹ. Ẹnẹyịmavara kà aza ẹnẹẹ vị ọnị ọnị vịdị sị ọyịkụ-ọyịkụ wụ. Ọ kà ọnị vaa sị eyi kwooze yị Anijerusarẹmị agụvị ebira odivi ẹnịnị.


Ẹnịnị vị ana vaa kụ nee hi Ịbabịrọnị, dị ẹ kụkụ yà ịzọọ pooro nee tù ụmẹ ọnị ọnị ọọ sị va eyi vẹ ịnị ịrẹyị ẹnịnị. Dị ọnị kụ wa vavẹ va tụ aha anị ịzẹnị.


Ẹnẹyịmavara kà ọnị vaa và ịrẹpaa zi ọ, dị ọnị za a, ọnị ọ̀ọ sị ọ za, dị ọnị sị ọ va ngụ Ịbabịrọnị. É yị ve re e dị ò sú tụ ịzọọ.


Ọ kà Anijuda nịnị ẹ̀ẹ daka nọ ịrẹkụ Anibabironi, dị e huna wa, dị ahịka aza ana tọ̀ ụnava ẹ vọ hi ịnị ajẹngụ ẹnịnị nị, aza ẹnẹẹ yị vaa kwẹẹtẹ dị ẹ rị Ijerusarẹmị ịra saka-saka.


Ụhị-ụhị ụ vaa sị hụrẹ Ijipiti nịnị. Ẹnẹyịmavara kà aza ọnị ụ sị ayị tụra nịnị avọọ vị ọnị ọnị yi tịtẹ. Ẹ yị nyị ọgụ ịsị ụ vaa rị hụụnị ụvọ ẹnịnị.


Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.


Ịnị ụmẹ ọnọọ ụhwẹ Ohomorihi chi ka Ịzakaraya ana vị ozi Ijehoyada ohirẹsụ irehi Ohomorihi vẹ nị. Dị ọ hịrẹ jẹẹ ịzị avaba aza zụ re e, dị ộ sị ọngwẹ tụ́ ẹba, dị ọ ka; Ẹnẹyịmavara Ohomorihi ka sị ẹ vẹ ẹnịnị aa mẹ̀ akamawụ hi ọda anị? Ẹngụkata kẹnẹ ẹ yaa kụ́ tu ẹngụ ẹnịnị nị. Ohomorihi ka oni ó yi wa tịtẹ agụvị ka ẹnị e ree yi oni tịtẹ.


Ohomorihi ọnị ụvọta ọ vị ọdọvịdị ayị, dị ohirẹsụ irehi anị nịnị ya ịzẹnị beri ịkakanchị ẹnịnị. Ẹnịnị ee tenyi ẹngụ ka ẹnị ee hú ịkakanchị hị́ yị ka ya va eyi ịrẹkụ ka wụ. Anisirẹrị nịnị asị e va eyi ịrazị ka Ẹnẹyịmavara Ohomorihi ohiku awụ nịnị. Wẹ yị vaa zụ nyị ehuna.


Dị Imosiisi họ̀ wa ka sị ẹ vẹ dị ẹ yaa yị mẹ akamawụ hi ọda Ẹnẹyịmavara? Ọ kà ẹnịnị e yi vee re mẹ.


Ijeremaya ka Ẹnẹyịmavara ộ kà a yị ọnị ka,


Wee re, Anibabironi nịnị ẹ sị kwẹẹtẹ tu yị, dị ẹ họ̀ kara Ijerusarẹmị ka ẹnị aa vaa za wa anị nị. Ịrẹkụ, ụngwẹ ọnịrị ụkụ, aza ẹnẹnị vị anaa za Ijerusarẹmị. Wee re ka vị avaba ịrẹyị ọnị ụ ka sị gẹ aanị nị.


Ama dị isoja Anibabironi dụ wa, dị ẹ za Ịzẹdẹkaya ịnị orere ẹtẹ Ijeriko nị. Ẹnịnị ệ sị ọ ne tu Inebukadineza ẹkụra ana aā hị́ Iribira ịnị ẹtẹ Ihamati. Dị Inebukadineza mẹ̀ ọkarẹyị yị Ịzẹdẹkaya ịzọọ nị.


O re avaba ịvị ọnị ẹnị mẹ̀, dị ọ sụ́ ọ vabẹ nị; Dị ọ sị ọọ gẹ ẹnị ọrọkọ, dị ẹnya sị ngụ ẹnị nị. Ẹnẹyịmavara ộ sị ẹnị chire ọnịvị ẹnịnị ụvọ. Ẹ yị hyakụ nyị ịsị ẹnị zụ pe wa mẹ vụrụ-vụrụ.


Ọdọvịdị ẹnị ene hi Ijerusarẹmị vaa kụ ẹnya anị tụra ịza, dị ọ zị oze ịnị uhwohwo ana a chị́ tụ ịnị ọvọ jịnẹ tụ ẹhẹ ịrahụ. Vị́ ọ́ vaa sị ụvọọ ku eyi anị, dị é yi re ịzị aa nọ nị.


Ịjị Ịzẹdẹkaya ọnịrị isoja anị nịnị ré wa, dị e zwe ịrahụ nị. Ẹnịnị ê zwè zị oze ịnị ụbazị ohinọyị, dị ẹ́ na parahu zị oze ọbanyị ana kụ ọvọ ẹẹva gẹ nị. Ẹnịnị ê zwè aa nọ inoze Ijodani (ẹtẹ Araba).


Swiv nou:

Piblisite


Piblisite