Ijeremaya 32:37 - IWE ỌNỊNỊ

³⁷ Ọ kà, re, ọnị vanaa kụ wa gụ hụrị avaba ẹkụra ọnị ọnị sị ọyịkụ-ọyịkụ dụ wa ne hi. Ọnị vanaa kụ waa vaavẹ ịzị ẹnị, dị ọnị mẹ ka ẹnịnị ẹ̀ ra ẹngwọọrọ-ẹngwọọrọ.

Ijeremaya 32:37 Referans Kwoze

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 23:6

Ịjị ọọ raa rị ohinọyị, ẹngụ anị Ijuda nịnị vee hi ahị, dị Anisirẹrị nịnị nyị ẹngwọọrọ. Ịrẹha anị ọ vaa rị Ẹnẹyịmavara ọ vị Amẹtẹrẹ Ayị nị.

Ezikẹẹrị 11:17

Avọọ, Ohomorihi Ananyị ụkata hu kere-kere ka, ọnị vanaa kụ́ waa gụ hụrị avaba ẹkụra ọnị ọnị gara wa ne hi, dị ọnị varẹma sị ẹtẹ Isirẹrị yị wa.

Ijeremaya 33:16

Ọ kà ụmẹ ọnọọ, a vaa dọ Anijuda ọnịrị Anijerusarẹmị nịnịị ha, dị ẹ kuku hi ịnị ẹngwọọrọ. Ijerusarẹmị á kụkụ vaa hị́ Ẹnẹyịmavara ọ dọ yị ha nị.

Ahẹ Ụgama 106:47

Ẹnẹyịmavara, ana vị Ohomorihi ayị, navọ wa dọ yị tụ́. Dị wa tọ̀ọ́ yị hụụnị avaba ẹkụra vabẹ dị ya zụụ kụ́ wụ avọ, dị yaa ga wụ.

Ịzakaraya 14:11

Aza vaa ra Ijerusarẹmị dị ẹ nyị ọyị sị ayị tụra ka ọza yị vana kụkụ du ọ ha.

Ihoseya 1:11

Anijuda ọnịrị Anisirẹrị nịnị vaa vabẹ, dị ẹ nyị ọdọvịdị ọnyara yị ẹngụ ẹnịnị. Dị ẹ varẹma dọ ẹtẹ ẹnịnị agụvị ka ẹkụhị Ijezirẹẹrị vaa nyị ẹngụ anị.

Ijeremaya 23:8

Ama ẹnịnị vanaa sị ọnịị hị́ eku anka Ohomorihi ana yára ana kụ Anisirẹrị nịnị hụrị ẹtẹ Ịbabịrọnị ọnịrị avaba aha ọnị ọnị dụ wa ne hi vẹ. Ẹnịnị vaa ra ịnị ẹtẹ ẹnịnị.

Ịzakaraya 3:10

Ịhị ọnọọ Ẹnẹyịmavara kà ọzọza vaa hị́ ọnọhụva anị ka ọ yaayịtẹ uruvo ọchị ịvayịnị ọnịrị ihwigi.

Ịzẹhwanaya 3:20

Ẹnẹyịmavara kà, ụmẹ aa vẹ ọnị ọnị vaa kụ́ aza ana gara hi ẹhẹ vavẹ eehi ẹnịnị. Ọnị vaa mẹ̀ ka ẹ ngụrẹyị ịnị avaba ẹhẹ Ẹnẹyịmavara kà ọnị vaa mẹ̀ ka ọ varẹma zee yị avaba ẹnịnị.

Ijowẹrị 3:20

Ama ẹkụra Ijuda ọnịrị Ijerusarẹmị vene vee hi yi aza pooro hụrẹ ụnanka ọnyị na ngụ ọsa.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ijeremaya 33:7

Ọ kà, ọnị varẹma vaa mẹ ize yị Anijuda ọnịrị Anisirẹrị nịnị dị ọnị kụ wa varẹma kwẹẹtẹ anka ẹ́ mẹ vịdị ya ịpaapa.

Ijeremaya 31:10

Ẹwụ nịnị anẹkụra ọ̀ wụ́ ịrẹyị Ẹnẹyịmavara dị wa nọ̀ ọ yị anẹkụra ene hi utenyi ẹnẹẹnẹ. Ẹnẹyịmavara ana gara Anisirẹrị hi rẹ vaa kụ wa gụ dị ee sere wa anka oseratẹmẹ mee sere ịsụpa anị avọọ.

Ijeremaya 30:18

Ọ kà, ọnị vaa kụ Anijerusarẹmị vàa vẹ eehi, dị ọnị và ogu ẹnịnị ịrẹma yị wa. Ọnị vaa vayị ovwoovu ikonyikonyara ẹnịnị. Ọ kà, e vènee tenyi Ijerusarẹmị da, dị a da irehi ohinọyị ẹnịnị varẹma tụ aha anị.

Ijeremaya 29:14

Ẹnẹyịmavara kà, ịzẹyịza, u vee re ọnị nịnị, dị ọnị và ụ nịnị ịrẹma va tụ ịnị ẹtẹ awụ nịnị. Ọ kà ọnị kụ́ ụ nịnịị gụ hụrị avaba ẹkụra ọnị ọnị gara ụ nịnị ne hi. Ọnị vaa kụ́ ụ nịnị hụrị ẹkụra ana dị ụ nịnị ne hi, dị ọnị kụ ụ nịnị và vẹ ẹkụra awụ nịnị.

Ezikẹẹrị 36:24

Ọnị vaa kụ wụ nịnị hụrị avaba ẹkụraa varẹma vẹ ịnị ẹtẹ awụ nịnị.

Ijeremaya 16:14

Ẹnẹyịmavara kà, ụmẹ aa vẹ ọnị aza ẹ̀ yị ma vana sị ọnị hụ́ eku ka; Ohomorihi ana kụ Anisirẹrị nịnị hụrị ẹtẹ Ijipiti vẹ ọ̀ọ yị yà ịzọọ.

Ijeremaya 16:15

Ama ẹnịnị vaa sị ọnịị hị́ eku ka: Ohomorihi ana kụ Anisirẹrị nịnị hụrị ẹtẹ Ịbabịrọnị ọnịrị avaba ẹkụra ịzị ọnị dụ wa ne hi vavẹ ẹkụra ọnị ọnị sị yị ohiku ẹnịnị, ọ̀ọ yị yà ịzọọ.

Ijeremaya 21:5

Ẹnẹyịmavara kà ọnị vaa sị ọyịkụ-ọyịkụ sị avaba ụkata anị pe Ịzẹdẹkayaa zyaazị.

Ijeremaya 24:6

Ọ kà ọnị vee sere wa, dị ọnị varẹma kụ wa vavẹ ẹtẹ Ijerusarẹmị. Ọnị vaa hị́ wa hi ịnị ẹkụra, ọnị e yi vee hu wa hụrẹ ẹtẹ. Ọnị vaa mẹ ka ẹẹ hụ, ọnị ẹ yị vaa gụ wa hyẹdụ.

Ijeremaya 32:15

Ẹnẹyịmavara Ochẹtẹẹngụ, Ohomorihi Anisirẹrị ọ sị ọ ka ka, a vànaa hị́ irehi, ẹtẹ ọnịrị ụbazị ịvayịnị ịzị ẹnị o.

Ezikẹẹrị 28:25

Ọ kà ọnị vanaa varẹma kụ Anisirẹrị nịnị gụ hụrị avaba ẹkụra ọnị ọnị gara wa ne hi. Ọnị vaa sị zụ ịnị akakana ẹnịnị ka ọnịnị ọnị vị nị, dị avaba aza ree. Anisirẹrị nịnị vaa ra hi ịnị ẹtẹ ọnị ọnị sị yị ozi ahụ anị ana aā hi Ijekọvụ.

Ijeremaya 12:14

Ẹnẹyịmavara kà, aa nyị ịsị ọnị aa kà ịnị ịpa aza ana ra vahụra Anisirẹrị nịnị. Ẹnịnị ẹ sị ẹtẹ ọnị ọnị sị yị aza anị, Anisirẹrị nịnị du ha. Ọ kà, ọnị vaa kụ aza edivi ẹnẹẹ hụụnị ẹkụra ẹnịnị anka á mee hu ọchị hụrị ẹtẹ avọọ, dị ọnị dọ Anijuda nịnị hụrẹ wa ụvọ.

Ezikẹẹrị 20:34

Ịjị ọnị ọọ varẹma kụ wụ nịnị gụ hụrị avaba ẹkụra ọnị ụ che ne hi nịnị, ọnị vaa sị ụkata anị ọnịrị ọyịkụ anịị zụ wụ nịnị.

Ezikẹẹrị 28:26

Ẹnịnị vaa ra ịzọọ, dị ẹ́ yị nyị ịsị ẹ mẹ̀ wa. Ẹnịnị vaa dà irehi, dị ẹ dà ụbazị ene e chire ọchị ịvayịnị hi. Ịjị ọnị ộ raa sị ụya rị anẹkụra ana gụrị wa ẹnẹ ẹ̀ yị vịdị sị ụbanyị yị wa, Anisirẹrị nịnị vaa ra, dị ẹ́ yị nyị ịsị ẹ mẹ̀ wa. Ịjọnọọ ẹnịnị vaa yẹ ka ọnị ọ vị Ẹnẹyịmavara Ohomorihi nị.