Ijeremaya 32:18 - IWE ỌNỊNỊ

¹⁸ Ẹwụ ee sị ịrẹyị aza akahị-akahị pooro nị. Ẹ wa rẹẹ sị ụyaa rị aza agụvị ebira odivi aza ana ma wa nị. Waa banyị, dị ụ rẹ nyị ụkata ẹtẹẹtẹrẹ nị. Ẹ waa vị Ẹnẹyịmavara Ochẹtẹẹngụ nị.

Ijeremaya 32:18 Referans Kwoze

Ijeremaya 10:16

Ohomorihi Ijekọvụ ọnịrị wa ẹ ị vị ọnya, agụvị ka ọnị ọ mẹ avaba ịsa nị. Ọ raa nyị Anisirẹrị nịnị ka ẹ vị aza anị. Ẹnẹyịmavara Ochẹtẹẹngụ ịrẹha anị rị nị.

Ọyịkụra 34:7

Ọ kà onii sì ịrẹyị otomiroku aza. Ọ kà ẹ̀ẹ mẹ̀ ebira odivi, dị ẹ daka kwẹẹtẹ tù ọnị nị, ọnịị̄ vagu wa ịnị ịsa odivi ẹnẹ ẹ̀ẹ vavọọ mẹ. Ọ kà ama ọza ọ̀ọ rị ịvị, ẹ yị zụ nyị ka ọnị ọ yị sị ụya rị ọ. Ọ kà ọza ọ̀ọ mẹ ịvị ezi ọza ọnọọ ịrẹma-ịrẹma vị ana aa rị ụya anị.

Imatiwu 27:25

Dị avaba ẹnịnị tụ́ ohi, dị ẹ ka, “Naavọ, ịvị isu anị ọ̀ọ yà ịnị ịrẹsụ ayị ọnịrị ịrẹsụ ezi eyi!”

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ayịsaya 10:21

Ẹnịnị vị ana kụkụ vaa sị ayị tụra Ẹnẹyịmavara, ana vị Ohomorihi ọnịnị Anisirẹrị.

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Iwe Ọhụhị Imosiisi ana aa hị́ Ọyịvatụrọda 10:17

Ẹnẹyịmavara Ohomorihi awụ nịnị o hụụnị avaba ori nịnị ọnịrị avaba ụkata irenyi-irenyi. Ọ́ banyị, di o chi ẹtẹ ẹngụ nị. Ọnị a vọrọ ka ee hí angwa anị nị. Ọ yị mā nyị ọza re eyi, dị ọ yi mā dọ ochirerenu nị.

Ịrịka 14:18

Ẹnẹyịmavara ọ mā hụra kụ́ ayị. Oo sì ịrẹyị ọza ẹtẹẹtẹrẹ, dị ọọ̄ vagu avaba ebira ọnịrị akamawụ aza. Ama ọọ̄ sị ụya rị ọza anaa mị ebira odivi nị. Ụya ebira odivi ẹnịnị ọ yị hụrị ịrẹsụ ẹnịnị paa.

Ihabaku 1:12

Ihabaku ka Ẹnẹyịmavara ọ vị Ohomorihi hụrị ụmọrụmọ, ụmẹ ọbọba. Ẹ yị nyị ẹngụ anị. Ọnị ọ vị ịda ọnị ẹnị sị ịrẹma ka nị. Ẹ yị vaa zẹ ka ẹnị e vú ẹtẹ. Ộ sị Anibabironi nịnị ka ọnị ọ sị sị ụya rị ẹnị agụvị ebira odivi ẹnịnị nị.

Inehemaya 1:5

Dị ọ ka: Tee! Ẹnẹyịmavara, Ohomorihi ana nyị ẹbẹẹba, Nda ana nyị ụbanyị, ọnị ọzọza ee hí angwa anị. Ọnịrẹyịzẹyịza ana aā mẹ̀ ịsa ọnị ọ ka yi aza ene sì ịrẹyị anị dị aa saasa ọda anị.

2 Ohinọyị 9:26

Ẹnẹyịmavara ộ kà a ka; oni ô re a mẹ̀ wụ Ịnabọtị ọnịrị ezi anị ẹẹrị. Avọ ọ, ịnị ẹtẹ ọnọnị gẹdẹ-gẹdẹ ọnị rẹ vaa yaa sị ụyaa rị wụ nị. Ịzẹyịza, dị Ijehu kà a yị ozi ahụ anị ka, ọ̀ sị oku Ijorami di ò ne e ta ịnị ẹtẹ Ịnabọtị nị, agụvị ịrẹyị ọnị Ẹnẹyịmavara kà ọ̀ sẹ.

Ijeremaya 31:35

Ẹnẹyịmavara ọ mẹ ọyị ka ọ̀ vị ẹtohweyi yị ọọdụ nị, ọnị ọ mẹ ụhwẹ ọnịrị ụzọmị ka ẹẹ zẹtẹ ịrahụ nị. Ọnị ọ mẹ ka oku ọọ jị ayị dị ọọ da vụụvụ nị. Ịrẹha anị ọ rị Ẹnẹyịmavara Ochẹtẹẹngụ nị.

Ahẹ Ụgama 50:1

Ẹnẹyịmavara ana vị Ohomorihi Ochẹtẹẹngụ aa kà ịrẹyị, dị ọ hị́ avaba anẹhẹ nị.

Iwe Ọhụhị Imosiisi ana aa hị́ Ọyịvatụrọda 7:21

Agụvị avọọ asị ụ hí angwa aza ẹnẹnị agụvị ka Ẹnẹyịmavara Ohomorihi awụ nịnị ya pe wụ nịnị. Ọnị ọ banyị ana vọrọ ka eē hí angwa anị nị.

Oyinyima 49:24

ama, dị ụ sị ụvọ ngụ ọkịta awụ nị. Ụvọ awụ ọ yị da ẹgahị. Ohomorihi amị ana nyị ụkata ọ vavọọ sị ụkata wụ nị. Ohomorihi vị ene ee sere wu anka oseratẹmẹ mèe sere atẹmẹ anị avọọ. Ọnị ọ vị aha ụkata ịzị Anisirẹrị vaa sị ịrẹsụ ẹnịnị na tẹ̀ nị. Ẹ yị nyị ịsị ẹ zụ kanyị wa ịzọọ.

Iruuku 6:38

Waa sị ịsaa yị ọza, agụvị à rẹ sị ịsa wụ, ana ahịka a vaa mọ ọ ohihi, di e chì ọọ, di e re henyi ọọ, dị aa ká a wà, di a sị wụ. Ịsị ụ wàa sị mọ ịsa yị ọza, a rẹ vaa sịị mọ ọ yị wụ nị.”

Ọyịkụra 34:6

Ọ mẹ̀ zị ọvịdị Imosiisi aa parahu, dị aa hị́ ẹngụ anị ịrẹha dị ọ ka ọnị Ẹnẹyịmavara ana vị Ohomorihi anaā vayị ọza ẹtẹẹtẹrẹ. Ọ kà ọnị ọ mā hụra kụ́ ayị, ama ọnịị̄ sì ịrẹyị ọza dị ọnị rẹ nyị ịzẹyịza nị.

Ijeremaya 10:6

Ẹ yị nyị ọza anka ẹwụ Ẹnẹyịmavara o. Waa nyị ụkata ẹtẹẹtẹrẹ, avọọ ịrẹha awụ mẹ banyị dị ọ nyị ụkata ẹtẹẹtẹrẹ nị.

Ijeremaya 20:11

Ijeremaya ka ama, Ẹnẹyịmavara ana nyị ụkata jẹẹ pe ọnị, avọọ aza anaa sị ụyaa rị ọnị e yi vee ree mẹ. Ụhị ọ vaa nyị wa nị. Ụhị ana vaa nyị wa ẹ yị vaa ta ọza eyi pàá.

Ijeremaya 50:34

Ama ọza ana vaa dọ waa ha, ọọ kata Ẹnẹyịmavara Ochẹtẹẹngụ ịrẹha anị rị nị. Ọnị ụvọta vaa hụvị ịrẹyị ẹnịnịị kwẹẹtẹ, dị ọ mẹ ka avaba anẹhẹ ẹ̀ nyị ẹngwọọrọ. Ama ọ vaa kụ ẹngụkataa tu Anibabironi nịnị.

Ịdanịyẹrị 2:45

Ohinọyị ọnọọ ọ vị ịrẹta ọnị ẹ̀ yị vị ọza o ne ana a sị va chaka ịsa ene vene ọza ana sị enyusẹ irenyi-irenyi mẹ aanị nị. Dị Ịdanịyẹrị ka ohinọyị ọ̀ taarụ! Ohomorihi ana nyị ụbanyị ọ ra sị zụ ọ ịsa ana va mẹ ụhwọọ. Ọ kà, ụra ọnọnị ọnịrị iruvo anị ọnị ọnị kà zụ ọ aanị vị ịzẹyịza o.

Ahẹ Ụgama 89:9

Òkū ana aa dà vụ̀ụ́vụụ, ẹwa nyị ọda tụra a nị. Òo si nyima aa jị ayị, dị ụ rẹ kà a yọ ka ọ̀ mẹ hẹẹ.

Ijeremaya 33:2

Ẹnẹyịmavara ana tụ́ ẹhẹ ọnọnị, dị ọ sị ọ hi ẹtẹ aha anị ọ́ mẹ sị ọ mẹ; ịrẹha anị ọ rị Ẹnẹyịmavara nị; ọ ka,