Ijeremaya 32:10 - IWE ỌNỊNỊ

¹⁰ Ọ kà â mẹ iwe tụ ọ, dị ọnị sị ụvọ hi ọ, dị ọnị rẹ sị ịngọ ngọ ẹkẹhị ọnọọ eyi onivenu nịnị nị.

Ijeremaya 32:10 Referans Kwoze

Ijeremaya 32:44

Aza vaa sị ẹkẹhịị hị́ ẹtẹ. A vaa mẹ iwe dị a sị ụvọ hi ọ, dị a dọ ivenu tụ ọ, dị e ku ọ oku, dị a sị ịsa va a. A vavọọ vaa hị́ ẹtẹ Ịbẹnjamịnị, ọnịrị ẹkụra eweyi-eweyi ana kara Ijerusarẹmị beri ẹkụra ẹbanyị-ẹbanyị ene hi Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. Ẹnẹyịmavara kà ọnị vaa và aza ịrẹma vẹ ịnị ẹtẹ ẹnịnị.

Ijeremaya 32:12

Ọ kà, ọnị ộ kụ iwe ẹnẹnị yị ọnọrụ ana aā hị́ Ibaruki ana vị ozi Ineraya dị ọ vị aazị Imaseya. Ijeremaya ka eyi Ihanameri ọnịrị ẹnị onivenu ana a sị ụvọ tụ ịnị iwe ana a sị hị́ ẹtẹ ọnọọ, ọnịrị eyi avaba aza ana yaatụ ịnị ohweje ohinọyị ọnị ku iwe ọnọọ yọ nị.

Ijeremaya 32:25

Ijeremaya ka: Ama Ohomorihi Ananyị ka dị a daka aa yịị vaa sị ẹkụra ọnọnị yị Anibabironi aanị, ọnị sị ẹkẹhị na hị́ ẹtẹ ọnọnị dị ọnị ọ̀ nyị onivenu tụ ọ.

Ayịsaya 44:5

Aza vaa kà a ikonyi-ikonya ka, “Aza Ẹnẹyịmavara mị vị nị”. Ẹ vaa vẹ dị ẹ va vahura Anisirẹrị nịnị, ọzịnya-ọzịnyara ẹnịnị vaa chẹrẹ ịrẹha Ẹnẹyịmavaraa tụ ịnị ọchụvọ anị, dị ẹyaa hị́ ẹngụ ẹnịnị aza Ohomorihi.

Ijoovu 14:17

Ohomorihi rẹ vaa jị eyi vee hụụnị ịnị avaba ebira odivi ọnị ọnị mẹ. Dị ọ nyịna wa kwooze saka-saka.

Iwe Ọhụhị Imosiisi ana aa hị́ Ọyịvatụrọda 32:34

Ẹnẹyịmavara o yi hi ayị avaba ịsị ọnịvị ẹnịnị mẹ̀ wa. Ee zi ka ụmẹ ọnị ọ vaa sị ụya rị ọnịvị ẹnịnị nị.

Ẹtore 9:4

A ka asị ẹ kanyị avị ene hi ẹhẹ, asị ẹ kanyị ịsa ohwoohu ọnyọọnyị, dị asị ẹ rẹ kanyị ọchị ọnyọọnyị! A ka ẹnịnị èe che aza ẹnẹ ẹ̀ yị nyị apọtẹrẹwa Ohomorihi tụ́ ini ibe ẹnịnị.

Ẹtore 7:2

Me re re anggẹẹrị ọsa ana hịrẹ hụrị eyi ọnị ọyịị̄ zịị hụrẹ vẹ. Dị ọ sị ịsa oni Ohomorihi ana yára sịị̄ sị ụvọọ tụ́ ịnị ịsa rị ụvọ nị. Dị ọ nowu hị́ anggẹẹrị ẹẹna ana a sị ụkata yị ka è du ẹhẹ ọnịrị eku ha nị.

Anẹhwẹsọsị 4:30

Asị ụ mẹ ka ayị Ụhwẹ Ọnịnị Ohomorihi ò du nịnị! Ụhwẹ Ọnịnị oni Ohomorihi sị wụ nịnị vị apọtẹrẹwa ana sị zụ̀ ka ẹkụhị aa vẹ oni Ohomorihi vaa sị dọ wụ nịnịị há.

Anẹhwẹsọsị 1:13

Avọọ ọ mẹ̀ rẹ yà yị ẹwụ nịnị nị. Ụ mẹ̀ wụ́ enube ọyịza ana vị ịzẹyịza ana mẹ ka Ohomorihi ọ̀ dọ wụ nịnị há, wá sị ayị tụra Ikirisiti nịnị. Ẹwụ nịnị ọnị ọnịrị Ikirisiti sị vị ọnya, Ohomorihi ộ sị apọtẹrẹwa tụ́ wụ nịnị ẹngụ ka ọnị ọ nyị wụ nịnị nị. Ụhwẹ Ọnịnị ọnị ọ kà a ka ẹ yị zụ nyị ka ọnị ọ yị vaa sịị wụ ọ jẹẹ yị apọtẹrẹwa ọnọọ nị.

2 Anịkọrịntị 1:22

Ohomorihi ọ raà sị apọtẹrẹwa tụ́ ọọ ka ọnị ọ nyị yị nị. Ọ raà sị Ụhwẹ Ohomorihi tụ́ ịnị ayị ayị, ana mẹ ka ya yẹ ka ịsa ana vọ ọnị ọ kà ọnị vaa sịị yị avọọ, ayị zụ nyị ka ọ yị vaa sịị yị.

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Ịjọọnụ 3:33

Ọza ana àa dọ ịrẹyị anị ộ sị ụvọ tụ́ ọọ ka Ohomorihi vị ọnịzẹyịza.

Ịdanịyẹrị 8:26

Ịdanịyẹrị kà, Igebirẹẹrị ộ kà a yị ọnị ka, ẹtẹ ọnị ọnị re ịnị ịrẹyị ịsọvọ ẹ́nẹnẹ ọnịrị oruva aanị vị ịzẹyịza anka a mẹ̀ mẹ ẹhahi anịị yị ọnị; ama ọnị ọ̀ sị tụ ịnị ayị da agụvị ka ụmẹ ộ yịị vọ gọdọ dị ọ̀ va mẹ.

Ayịsaya 30:8

Ohomorihi ka ma chẹrẹ ebira ana aza ẹnẹẹ aa mẹẹ tịtẹ. Ọ kà iwe ọnọọ ọ vaa vị ivenu pooro zịna-zịna ịrẹma ụhwọọ nị ka aza edivi aza ẹnẹẹ vị nị.

Ahẹ Isoromọnị 8:6

Navọ ịrẹyị amị ọ̀ yà ịnị ayị awụ pooro, sị ụvọ za ẹmị ịnya kẹnẹ, agụvị ka ịrẹyị ọza ọyị sì ô nyị ụkata anka iswọọza. Avọọ ụhị ọyị kụ̀ ọnị mẹ̀ re divi nị. Ọ̀ọ da ịra, vị ộ za wụụrụ anka ịra ọdẹngụ avọọ nị.

Ijosuwa 18:9

Ẹnịnị ệ ngụ avaba ẹtẹ ọnọọ zị, dị ẹ ga ẹkụra-ẹkụra ene hi ịzọọ tụ oze ịhịmba, dị ẹ vavẹ vee tu Ijosuwa ịnị ajẹngụ ana ya Isiro nị.

Imatiwu 27:66

Dị ẹ na, dị ẹ sị apọtẹrẹwa tụ́ ịnị ịrẹta ọnọọ ka asa a nyị ọza ana kanyị ọọ nị. Dị ẹ nyị oserẹtẹ tụ́ ịzọọ ka òo sere e nị.

Oyinyima 23:16

Di Abụrahamị ka ooho, dị ọ za achuchu ẹchẹhị ịrịka, dị ọ sị yi Ehwironi eyi anda ẹnịnị Anihiti nị. Ọpa avọọ ọ kà a ka ẹtẹ ọnọọ ọ zụ hụ̄ nị. Ịsị osohu nịnị sịị za ẹkẹhị ịrịka Abụrahamị sị za a yọ nị.

Oyinyima 23:20

Ẹtẹ ọnọọ ọnịrị ụtẹha ana yà ịnị anị vị Anihiti ná yị Abụrahamị ka ọ̀ vị ẹtẹ anị di òo ne oku ịnị anị.

Iruutu 4:1

Ibowazị ọnị ộ nọ aha eyọgẹ anẹkụra, oze ovwoovu ẹkụra, dị ọ yaayịtẹ nị. Ọ mẹ̀ yà ịzọọ, dị anda Ẹrịmẹrẹkị ọnị Ibowazị kà ịrẹyị aanị aa parahu ịzọọ nị. Dị Ibowazị ka, “Va yaatụ ịzẹnị ọta amị.” Dị ọnọrụ ọnọọ na yaatụ nị.