Ijeremaya 31:9 - IWE ỌNỊNỊ

⁹ Ọ kà, aza anị vaa vàa vẹ dị eyee sụ ùnè, ọnị ọọ kụ wa aa vàa vẹ dị ẹyaa mẹ̀ aduwa. Ọnị vaa zụ wa oze naa ngụ ịnị okuha ana nyị enyi, ọnị vaa kụ wa vaa tụra oze ana swa, ẹnịnị ẹ́ yị vaa vangga. Ọ kà, Ada ọnị vị yị Anisirẹrị nịnị nị, dị Ehwireemi vị ozi ịpaapa anị nị.

Ijeremaya 31:9 Referans Kwoze

Imatiwu 5:4

Aza ana aa jị òrèrè vaa da jẹ, agụvị ka Ohomorihi vee hunẹnẹ wa ayị.

Ijeremaya 3:4

Ọ kà ẹwụ nịnị vaa hị́ ọnị booro aanị ka, ọnị ọ vị Ada awụ nịnị, dị ọnị sì ịrẹyị awụ nịnị hụụnị ozweyi nị.

Ọyịkụra 4:22

Ọ kà dị ọ kà a yị Ihwarawo ka ọnị Ẹnẹyịmavara kà Anisirẹrị vị ozi ọzọkụ anị.

Ijeremaya 50:4

Ẹnẹyịmavara kà, ịjị ụmẹ ọnọọ oo tu, Anisirẹrị nịnị ẹnịrị Anijuda nịnị vaa jị òrèrè, dị eyee sì ọnị, Ohomorihi ẹnịnị.

Ijeremaya 31:20

Ẹnẹyịmavara kà, ẹwụ nịnị Anisirẹrị ẹ vị ozi ịpaapa anị nị. Ẹwụ nịnị ọnị sì ịrẹyị anị hu nị. Ọnị ọ̀ọ daka aa yịị kụ ayịị hi u nịnị ọnị ee yii rò ịrẹyị awụ nịnị. Ọ kà, ịrẹyị awụ nịnị ẹ́ yị hụụnị ayị anị, ọnị vaa vayị awụ nịnị.

Ayịsaya 63:13

Ọnị ộ kụ aza anị jịnẹ enyi anka umaata ee zwe echi ini ozi, dị ẹ yị tụ ahụ avọọ nị.

Ahẹ Ụgama 23:2

Ộ mẹ mị ka maa hụtẹtẹ dị maa tụ́ ụhwọ́ ịzị avị ohwoohu hi. Ộ sị mị nọ ịnị enyi enee si hẹẹ-hẹẹ.

Ẹtore 7:17

Agụvị ka Ozi Atẹmẹ ana yà ọvịdị aga ohinọyị vaa tẹsị ẹnịnị anka oseratẹmẹ. Dị aa kụ́ waa nọ aha ene enyi ẹtẹ anaā mẹ ka ọza ọ̀ yàra pooro zịna-zịna yà. Ohomorihi vee nyee avaba ẹgọọ hụụnị eyi ẹnịnị.

Iruuku 6:21

Ẹwụ nịnị ọnị ụngwẹ aa kụ̀ booro aanị vaa daa jẹ, agụvị ka Ohomorihi vaa sị ịnẹẹ há wụ nịnị. Ẹwụ nịnị ene ee sụ ùnè booro aanị vaa daa jẹ, agụvị ka u vee nyinyi nịnị.

Imatiwu 6:9

Agụvị avọọ, waa mẹ ẹngụ aduwa ọnọnị nịnị: Ada ayị ẹbẹẹba, ya sị ụbanyịị yị ịrẹha awụ;

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

Ijeremaya 3:19

Ẹnẹyịmavara kà ọnị ô rò o ka vị ọnị vaa sị ụvọ za awụ nịnị anka ezi anị avọọ nị. Ọnị sì ka ọnị ọ̀ sị ẹtẹ ene zoza hu kere-kere ịnị ẹhẹ yị wụ nịnị nị. Ọnị ô zi ka vị ẹwụ nịnị va hị́ ọnị Ada awụ nịnị, dị wa a saasa ọnị nịnị pooro nị.

Ayịsaya 64:8

Ama Ẹnẹyịmavara, ẹwa yị vị Ada ayị nị. Vị́ ị sị mẹẹ ụmọpa avọọ, dị ẹwụ sị mẹẹ ọjụnọkọ avọọ nị. Ụkọrọ ụvọ awụ ị vị̀ nị.

Ayịsaya 57:14

Ẹnẹyịmavara kà, “jẹẹ aza amị ẹ̀ vàka mị vẹ. Kụ́ ịsị ẹ dọ wa oro hụrẹ oze yị wa. Tụ́ oze yi wa, di u we tenyi oze ọnọọ tịtẹ.”

Anihiburu 12:23

Ịzị ụ vẹ nịnị aanị vị ịzị avaba anịragụ Ohomorihi kụ́ gụ. Ẹnị ẹ vị ezi ịpaapa Ohomorihi ọnị ọ raà chẹrẹ ịrẹha ẹnịnị tụ́ ẹbẹẹba nị. Wa raà saasa ọnịrẹyịzẹyịza nịnị oni Ohomorihi raà mẹ ka ẹ̀ gụ.

Anihiburu 12:13

Waa zị ụsẹ ini oze ana vọrọ nịnị! agụvị asị ahụ aza ene ee sika, ne sú saka-saka, àyị vị ka ahụ ẹnịnị ọ̀ vana ta!

Anihiburu 5:7

Ịnị ụmẹ oni Ijeesu sị yà ẹhẹ, ộ mẹ̀ aduwa ẹtẹẹtẹrẹ, dị ọ hyakụ aa ká ẹgọ, o mèe nowuu hị́ Ohomorihi ana zụ dọ ọ tụ ka asị ọ sú, Ohomorihi ộ wụ́ aduwa anị agụvị ka ộ sị ayị yị Ohomorihi.

2 Anịkọrịntị 6:18

Ọnị vaa vị Ada awụ nịnị, dị ẹwụ nịnị rẹ vị ezi anọrụ ọnịrị ezi anẹẹ anị. Avọọ Ananyị yị Ochẹtẹngụ mẹ̀ kà nị.

Aniroomi 8:26

Ụhwẹ Ohomorihi raa gụ ẹyị ẹnẹ ẹ̀ yị nyị ụkata ụvọ. Yẹ yị yara mẹ̀ aduwa, a mẹ̀ vọrọ; agụvị avọọ Ụ́hwẹ Ohomorihi ọnị ụvọta aa dá ịpẹẹ yị Ohomorihi yị nị. Ee tì ana ahịka irenu ọ yị zụ kà.

Imatiwu 3:3

Ịjọọnụ ọnọnị Ayịsaya ọnịsẹ aa kà ịrẹyị anị ka: Â nyị ọza ịnya aanị ana va yà ịnị ụnọmị aa nọ̀ọ ka: Tenyi oze Ananyị yị tịtẹ yọ nịnị, tenyi oze anị, dị ọ̀ vọrọ ẹtẹẹtẹrẹ.

Ihoseya 12:4

Ô beri anggẹẹrị vụ ịrẹvụ, dị ô hu ọ, dị ộ jị òrèrè, dị ọ da ịpẹ ka ọ mẹ̀ aduwa yị ọnị nị. Ẹkụra ana aā hị́ Ịbẹtẹrị, Ohomorihi ve tu Ijekọvụ dị o pè ka ịrẹyị nị.

Ayịsaya 63:16

Ẹwa vị ada ayị nị. Ohiku ayị Abụrahamị ọnịrị Ijekọvụ ẹ yị yẹ yị, ama ẹwụ Ẹnẹyịmavara ọ vị ada ayị. Ẹwa vị ọza anaa dọ yị ha pooro nị.

Iwe Ọhụhị Imosiisi ana aa hị́ Ọyịvatụrọda 32:6

Ẹwụ nịnị ọnụra ẹnẹ ẹ yị yẹ ịrẹyị, Aanị ụ mẹ vee sị Ẹnẹyịmavara ụta nị? Aa vị ọnị ọ vị ada awụ nịnị, dị ọ tụ́ wụ nịnị vẹ ẹhẹ? Ọnị ọ vara awụ nịnị ẹkụra nị.

1 Ịtọpa 29:10

Ohinọyị Idevidi ộ yà ọvịdị avaba ịragụ ana gụ, dị ọ sị ụga yị Ẹnẹyịmavara nị. Ọ kà, Ẹnẹyịmavara, Ohomorihi Ijekọvụ ohiku ayị, ẹwụ á vaa sị ụgaa yị pooro zịna-zịna nị.

Ịrịka 2:18

Anehwireemi nịnị vana va ya oze eyi ịzị ọyị zị ngụ ẹtẹ. Ọdọvịdị ẹnịnị ọ vaa vị Erisama ana vị ozi Amihudi nị.

Ahẹ Ụgama 89:27

Ụ rẹ ka ụ vaa mẹ̀ ẹ ozi ọzọkụ awụ, dị ahịka ọnị o huna avaba ohinọyị ẹhẹ ana vọ nị.

Ahẹ Ụgama 107:7

Di Ohomorihi va zụ̀ wa oze ana vọrọ na ngụ ịnị ẹkụra ana vọrọ ka ẹ̀ ra nị.

Ayịsaya 42:16

Ọ kà, ọnị vaa sị ụvọọ gẹ aza anị ene gù eyi vaa tụra oze ẹnẹ ẹnịnị ẹ̀ yị vịdị zị da. Ọnị vaa vara etohozi ẹnịnị ẹtohweyi. Ọnị vaa swa ẹtẹ ana yà boga-boga yị wa. Ịsa ẹnẹnị ọnị wo oto anị ka ọnị vaa mẹ̀ nị. Ẹ yị nyị ka ọnị ẹ yị mẹ̀ ẹ.

Ayịsaya 43:20

Uye edivi nịnị vaa sị ụbanyị yị mị. Irezi ini enyi ẹnịrị ọgọdọbẹ nịnị vaa kụ́ mị avọ, ịjị màa mẹ okuha nịnị ee sii yị enyi ịnị ụnọmị, dị mị sị enyi yị aza amị ọnị mị nyị nị.

Ayịsaya 45:11

Avọọ Ẹnẹyịmavara, Ohomorihi ọnịnị Isirẹrị ana tụ ẹhẹ mẹ ka nị. Ẹ́ẹ́ hụ ọ ene họ̀ ọnị ụsẹ ịrẹyị ẹkụra ẹnịnị, a vị dị ẹ mẹ̀ ọda tụra ịsa ọnị ọ mẹ̀.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ịmarakayị 2:10

Dị Ịmarakayị ka, aanịka ẹ yị vị ada ọnya ọ ma ayị? Áa vị ẹ yị vị Ohomorihi ọnya ọ tụ yị vẹ ẹhẹ? Sị ẹ vaa vẹ di e yee vene ẹngụ? Sị ẹ vẹ dị ẹ yaa sị eyi kẹnẹ-kẹnẹ re ịsa ọnị Ohomorihi ka ọnị a mẹ yị ohiku ẹnịnị?

Iwe Ọhụhị Imosiisi ana aa hị́ Ọyịvatụrọda 14:1

Ẹwụ nịnị Anisirẹrị vị ezi Ẹnẹyịmavara Ohomorihi awụ nịnị. Agụvị avọọ, ẹnịnị aa zị ẹngụ oku, asị ẹ sị ịsa da ẹngụ ẹnịnị, a vị dị ẹ hara ẹyị ịnị ịrẹsụ ẹnịnị yị oku.