Ijeremaya 31:5 - IWE ỌNỊNỊ

⁵ Ọ kà, ụ vanaa da ụbazị ịvayịnị hi ịrẹsụ ataba Ịsamarịya nịnị. Anaarẹ nịnị vee chire ịvayịnị dị ẹyaa rị ẹtụtụ anị.

Ijeremaya 31:5 Referans Kwoze

Emọsị 9:14

Ẹnẹyịmavara kà ọnị vaa kụ aza anị anaa za ọrịhị hi ikinamị vaa vẹ eehi. Ẹnịnị vee tenyi eburu ẹkụra ẹnịnị da, dị ẹ̀ ra hi ịnị anị. Ẹ vaa kụ ụbazị ịvayịnị, dị e yee hu eche anị, ẹ vaa da ụbazị, dị ẹ yaa rị ịsa anị.

Iwe Ọhụhị Imosiisi ana aa hị́ Ọyịvatụrọda 28:30

U vee re ọnẹẹ ka waa nyị ọ, dị ọza ẹnẹsa sị ụkata-ụkata pe e sụ̀. Ụ vaa dà irehi, ama wẹ yị vaa ra ịnị anị. U vee chire ọchị ịvayịnị, ama wẹ yị vaa rị ẹtụtụ anị.

Imika 4:4

Ọzọza vaa ra ịnị ẹngwọọrọ. Dị ẹ yaa rị ịsa ịnị aarẹ ịvayịnị ọnịrị ihwigi ẹnịnị. Ẹ yị nyị ọza ene vee chẹrẹ wa angwa. Ẹnẹyịmavara Ochẹtẹẹngụ ọ vavọọ wo oto ọnọnị nị.

Ịzakaraya 3:10

Ịhị ọnọọ Ẹnẹyịmavara kà ọzọza vaa hị́ ọnọhụva anị ka ọ yaayịtẹ uruvo ọchị ịvayịnị ọnịrị ihwigi.

Ọbadaya 1:19

Anisirẹrị nịnị ene hi eyi ụvẹtẹ Ijuda ẹ vaa nyị ẹtẹ ézi Iisọ ịrẹsụ ataba nị. Ẹnị ene hi inozi iruvo ataba ẹtẹ Anihwirisiti nịnị vaa dọ ẹtẹ Ehwireemi ọnịrị Ịsamarịya nịnị. Ịbẹnjamịnị nịnị vaa dọ ẹtẹ Anigiriyadi.

Ezikẹẹrị 36:8

Ọchị ene hi ịnị ataba Isirẹrị vị enee nyị avị, dị ẹyaa tụ́ ẹtụtụ yị ẹwụ nịnị aza anị Anisirẹrị. Ẹ́ yị nyị aa jẹẹ dị wa vavẹ eehi nịnị.

1 Ịsamụwẹrị 21:5

Di Idevidi ka yẹ mā kanyị ọnẹẹ yàa maanị aa jịnẹ. Aza ẹnịnị ẹ̀ẹ hyakụ aa jịnẹ kẹnẹ, vị ẹẹ̄ za ido nị, dị ma va na kà ụsẹ ẹnị ẹ yaa zị ajịnị aanị.

Iwe Ọhụhị Imosiisi ana aa hị́ Ọyịvatụrọda 20:6

Ọza ọ̀ọ da ụbazị ịvayịnị ọnị ẹ̀ yị rị ịsa anị, o zụ aa nọ eehi. Ẹ yị vọrọ ka ẹngụ ọza ọnọọ o su eyi ịrẹkụ, dị ọzẹnẹsa kẹnẹ ọ naa rị ịsa ịnị ụbazị aanị.

Ahẹ Ụgama 107:37

Ẹ yaa dà aarẹ, e yee chire ịsa hi ịzọọ dị aa mẹẹ yị wa ẹtẹẹtẹrẹ nị.

Ijeremaya 32:15

Ẹnẹyịmavara Ochẹtẹẹngụ, Ohomorihi Anisirẹrị ọ sị ọ ka ka, a vànaa hị́ irehi, ẹtẹ ọnịrị ụbazị ịvayịnị ịzị ẹnị o.

Ezikẹẹrị 28:26

Ẹnịnị vaa ra ịzọọ, dị ẹ́ yị nyị ịsị ẹ mẹ̀ wa. Ẹnịnị vaa dà irehi, dị ẹ dà ụbazị ene e chire ọchị ịvayịnị hi. Ịjị ọnị ộ raa sị ụya rị anẹkụra ana gụrị wa ẹnẹ ẹ̀ yị vịdị sị ụbanyị yị wa, Anisirẹrị nịnị vaa ra, dị ẹ́ yị nyị ịsị ẹ mẹ̀ wa. Ịjọnọọ ẹnịnị vaa yẹ ka ọnị ọ vị Ẹnẹyịmavara Ohomorihi nị.

Imika 1:6

Ẹnẹyịmavara kà Anịsamarịya vị ọnị ọnị vaa vara itutuu tụ́ ịnị avị ịzị aza aa dà aarẹ tụ́. Ọ kà ọnị vaa jị ẹkụra ọnọọ eburu, dị ọnị kụ́ eburu anị na và hi ini ozi. Ọ kà ẹkụra ọnọọ vị ọnị ọnị vaa tụ́ ahwaahụ.