Ijeremaya 31:34 - IWE ỌNỊNỊ

³⁴ Ọ kà, ọza ẹnyị ẹ́ yị kụkụ vaa kọ ọ yị ọsa ka ọ̀ yẹ Ẹnẹyịmavara, agụvị ka avaba ẹnịnị vaa yẹ ọnị, hụụnị ozweyi ẹnịnị na ngụ ọzọkụ. Ọ kà ọnị vaa vagu avaba akụvị ẹnịnị, dị ọnị ẹ́ yị kụkụ tamayị ebira odivi ẹnịnị.

Ijeremaya 31:34 Referans Kwoze

Ayịsaya 43:25

Ama, ẹma vị Ohomorihi ana vagu ebira edivi ọnị ụ mẹ nịnị nị. Agụvị ọza ọnị mị vị mị maanị mẹ nị. Mi vee hí ayị ebira edivi awụ nịnị.

Anihiburu 8:12

Ọnị vaa vayị ẹnịnị ịnị ịsa edivi ẹnẹ ẹ mẹ, ọnị ẹ yị kụkụ vaa tamayị ịvị ẹnẹ mẹ.

1 Ịjọọnụ 2:27

Ama àa vị ẹwụ nịnị yọ, Ikirisiti ọ raà sị Ụhwẹ Ọnịnị yị wụ ana yà ịnị ayị awụ nịnị. Agụvị avọọ, ẹ́ yị nyị ka ọza ẹnẹsa ọ̀ọ zụ̀ wụ nịnị oze. Ụhwẹ Ọnịnị anị ọnọọ aa sị oze zụ̀ wụ nịnị ịnị avaba ịsa nị. Ịzẹyịza aa sịị zụ̀ wụ nịnị nị, o me cheeche vụrụ-vụrụ. Agụvị avọọ, anka ọ mẹ zụ̀ wụ nịnị ịsa, ẹwụrị ọ ò dudu rị vabẹ nịnị.

Ayịsaya 54:13

Ẹmị ụvọta vaa zụ̀ ezi ewu ịsa. Mị vaa mẹ ka ò ze yị wa ẹtẹẹtẹrẹ, dị mị sị ẹngwọọrọ yị wa.

Ijeremaya 33:8

Ẹnẹyịmavara kà ọnị vee nyee avaba ịvị ebira odivi ẹnẹ ẹ mẹ hi ọnị kwooze. Ọnị vaa vaa gu ịvị ẹnẹ ẹ rị agụvị ebira odivi ẹnẹ ẹ mẹ dị ẹ rẹ kụ̀ hịrẹ ọnịị yị wa.

Ijeremaya 50:20

Ọ kà ịjị ụmẹ ọnọọ oo tu, ọza é yi me vene re ebira odivi ọnyọọnyị ịnị ẹtẹ Isirẹrị ọnịrị ẹtẹ Ijuda, agụvị ka ọnị vagu ebira odivi avaba aza ọnị ọnị navọ tịtẹ.

Ịjọọnụ 6:45

Ọnịsẹ nịnị ệ chẹrẹ ẹ tịtẹ ịyẹẹyẹ ka: ‘Ohomorihi ọ vaa zụ̀ avaba aza ịsa nị.’ Avaba ọza ana àa wụ́ ịrẹyị Ada amị, dị ẹ rẹ kọsẹ ị́dị anị nị, ẹ vaa ká mịị vẹ.

1 Ịjọọnụ 2:20

Àa vị ẹwụ nịnị yọ, Ụhwẹ Ọnịnị yà ịnị ayị awụ nịnị; avaba awụ nịnị ọ́ọ yẹ ịzẹyịza.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ijeremaya 24:7

Ọ kà ọnị vaa sị ayị yị wa ana vaa mẹ ka ẹ̀ yẹ́ ka ọnị ọ vị Ẹnẹyịmavara nị. Ẹnịnị vaa vị aza anị, dị ọnị vị Ohomorihi ẹnịnị, agụvị ka ẹnịnị vaa sị avaba ayị ẹnịnị và a ka ọnịị vẹ.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

Odeyi 10:43

Avaba ọnịsẹ ệ kà ịrẹyị anị ka ọza tụra ọza ana àa sị ayị tụra a, ọ vaa vagu wa ịnị ịvị ẹnịnị ịnị ụkata ịrẹha anị.”

Ihabaku 2:14

Aza ana yẹ Ẹnẹyịmavara dị ẹ sị ụbanyị yọ vaa rụrụ chi ẹhẹ ẹngụ anka enyi meē hi oku avọọ.

Ayịsaya 44:22

Ma raa kụ ebira edivi ọnị ụ mẹ nịnị kwooze anka eguhi mẹẹ hụ́ avọọ, dị mị kụ́ ịvị awụ nịnị kwooze anka uruvu anaa dàa hụụnị ịsa mee vu avọọ nị. Varẹma ká mị vẹ nịnị, agụvị ka ẹ ma dọ wụ nịnị ha nị.”

Anihiburu 5:12

O si tù ka ẹwụ nịnị ọ̀ kụkụụ zụ̀ aza ịsa. Ama áa nyị ka à rẹ varẹma vaa zụ̀ wụ nịnị ịsa ịpaapa ini oze ịrẹyị Ohomorihi. O si tù ka wa yaanịị rị ịsa obooro nịnị, ama áa nyị ka à yịị sị ịrẹvaa kà wụ nịnị.

1 Anịtẹsaronika 4:9

Ẹ yị kụkụ nyị ka ma rẹẹ chẹrẹ iwee tụ́ụ hi wu nịnị ka wee sì ịrẹyị ẹngụ nịnị. Ohomorihi ọ raà sị zụ̀ ẹwụ nịnị ụvọta ka wee sì ịrẹyị ẹngụ nịnị.

Anẹhwẹsọsị 1:7

Ozi anị ọnọọ ô che anya anị sẹ́ ẹtẹ, di o sú yị ịvị ayị nị. Agụvị ayamva Ohomorihi ana ahịka ọ́ọ banyị ẹtẹẹtẹrẹ, ọ vavọọ sị yà nị.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

Ayịsaya 11:9

Ịnị ụmẹ ọnọọ, ịrẹsụ Ịzayọnị ana vị ataba Ohomorihi, ẹ yị vaa nyị ịsị ẹ vaa mẹ̀ ọza ịsa odivi. Òkū mẹ̀ vị enyeenyi avọọ, avọọ avaba ẹhẹ mẹ̀ vaa yẹ ịsa oni Ohomorihi sì nị.

2 Anịkọrịntị 2:10

Ọza ọnị ụ wàa vagu ịnị ịsa odivi ọnị ọ mẹ nịnị, ẹma rẹ sị vagu ọza ọnọọ. Àa nyị ka ma vagu ọza, dị mị vagu ọọ nị, agụvị awụ nịnị mị vavọọ sị mẹ ọ́vịdị Ikirisiti nị.

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Ayịsaya 33:24

Nyị ọza ana ra ẹnị ẹngụ kụkụụ vanaa zị. Ebira odivi ana aza ana ra hi ịzọọ ẹ̀ẹ mẹ vị ọnị Ohomorihi vaa vagu wa ịnị anị.

Ayịsaya 30:26

Ẹnẹyịmavara ana vịdị tụ̀ aza anị ụnava rẹ vaa mẹ ụnava ẹnịnịị yị wa. Ịhị àa mẹ ụnava ẹnịnịị yị wa aanị, ụhwẹ vị ana vaa zẹtẹ anka ọyị avọọ. Dị ọyị ọnị há hu ọ mẹ̀ vịdịị há ụpẹ ịhịmba. Ọyị ana vaa há ẹkụhị ọnya vị ana vaa sị mẹ anka èe rere kụ́ ọyịha ọnị ọ vịdị há ẹkụhị ịhịmba vabẹ avọọ. Avọọ ọ mẹ̀ vaa yà nị ịhị Ẹnẹyịmavara aa mẹ ụnava ọnị ọ vịdị tụ̀ aza anị, dị aa kụ́ wa ẹngụụ nịya nị.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

1 Ịsamụwẹrị 2:12

Ezi Eri vị ana aa mẹ̀ ebira odivi. Ẹnịnị ẹ yị hị́ ịrẹyị Ẹnẹyịmavara ịrẹyị.

Ịjọọnụ 17:6

“Ma raà sị wụ zụ̀ aza ọnị ụ sị hụụnị ẹhẹ yị mị. Ẹwa nyị wa, dị ụ sị wa yị mị nị. Ẹ raà sị ụvọ za ịrẹyị awụ.

Iruuku 1:77

dị ụ wa rẹ na sị zụ̀ aza anị ka ọ vaa dọ waa há, agụvị ka ọ vaa vagu wa ịnị ịvị ẹnịnị.

Anihiburu 8:11

Ẹ yị nyị ọza ẹnịnị ana kụkụ vaa kà a yị ọnọhụva anị, à vị anẹkụra anị ka ọ̀ yẹ Ananyị yị, agụvị ka avaba ẹnịnị vaa yẹ ọnị hụụnị ozweyi na ngụ ịnị ọzọkụ ẹnịnị.

Ayịsaya 38:17

Ayodu amị ọ vara ẹngwọọrọ. Dọ ụhwẹ amị ha hụụnị usu. Jị eyi vee hụụnị ịnị avaba ebira odivi ọnị mẹ mẹ̀.

Ijeremaya 32:40

Ẹnẹyịmavara kà, oto ọnị ọnị vee woo yị wa ẹ́ yị vaa nyị ẹzẹtẹ. Ọnị vị ana vaa mẹ ọyịzaa yị wa pooro, ọnị vaa mẹ ka ẹnịnị ee hí angwa nị, dị à sị ẹnịnị kụkụ va ịrẹma anị.

Ihoseya 2:20

Ộ kà ọnị vaa sị ọ mẹ ose anị ịnị ịzẹyịza, dị ọ yẹ ọnị anka ọva anị.

Ahẹ Ụgama 25:7

Ẹnẹyịmavara, navọ wa sị ayị hụụnị ịvị irenyi-irenyi ọnị maa mẹ̀ m mẹ̀ hụrẹ vi ozweyi Navọ wa vayị amị agụvị ka mâ yẹ ka vi ụụ̄ sì ịrẹyị ọza nị Ịsa ozoza ụ rẹẹ̄ mẹẹ yị ọza nị.

Ayịsaya 29:24

Aza ana vịdị aa mẹ ụra vaa yẹ ịrẹyị. Aza ana vịdị aa rị ihuhu vaa jẹ ka aa zụ̀ ẹnị ịsa.

Ayịsaya 33:6

Ẹngụ avaba aza vaa vọ di o hunẹnẹ ịnị ụmẹ awụ. Wàa sị ụbanyị yị Ẹnẹyịmavara, ọ vaa mẹ ka ọ̀ dọ wụ há, dị ọ rẹ mẹ ka wa yẹ ịrẹyị nịnị ẹtẹẹtẹrẹ. Ogu avaba ẹnẹẹ vaa vịị yị wụ nị.

Ayịsaya 52:6

Agụvị avọọ, ịnị ụmẹ anaa vẹ, ụ vaa yẹ nịnị ka ẹma vị Ohomorihi, dị ụ rẹ yẹ nịnị mâ kà ịrẹyịị wụ nịnị.

Ijeremaya 9:23

Ẹnẹyịmavara kà, asị ọyẹrẹyị nịnị sị ịrẹyọyẹ ẹnịnị wo oto. Asị aza ana nyị ụkata sị ụkata ẹnịnị wo oto. Dị a sị opisa nịnị sị ogu ẹnịnị wo oto.

Imika 7:19

Mâ yẹ ka ụ vaa vayị ayị, dị ụ mẹ ka asị ịvị huna ayị Ụ vaa kụ́ ịvị ayị na và hị́ adagu, idi u hí ayị anị