Ijeremaya 31:17 - IWE ỌNỊNỊ

¹⁷ Ọ kà waa nyị ọyịtureyi ụhwọọ, ezi ewu vaa vàa vẹ eehi.

Ijeremaya 31:17 Referans Kwoze

Arụwẹ 3:21

Ama ọnị mẹ tamayị ịsa ọnyara ọnọnị, dị ọnị ka ọnị ọ nyị ọyịtureyi nị.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ihoseya 2:15

Ọ kà ọnị aa sị ụbazị ịvayịnị anị ẹnẹẹ varẹma yọ, dị ọnị vara inozi ana vị aha akanya aha eyọtụra. Ọ vaa sị ẹngụ anị yị ọnị ịzọọ anka ộ mẹ mẹ̀ ịnị ozweyi ọ maa hụrị Ijipiti.

Arụwẹ 3:26

Óo zoza ka yaa sị ayọnẹtẹ jẹẹ zi Ẹnẹyịmavara kà ọ̀ va dọ yị ha.

Arụwẹ 3:18

Agụvị avọọ ọnị ka, áanị ộ ta, avaba ịsị ọnị aa tụra eyi ịnị ụvọ Ẹnẹyịmavara ộ ta o.

Imatiwu 24:22

Ẹ̀ yị vị Ohomorihi nyị hụụnị ẹkụhị ẹnẹẹ, ẹ yị hyakụ nyị ọza ikonya ana aa há. Ama agụvị aza oni Ohomorihi sị nyị, ộ nyị hụụnị ẹkụhị ẹnẹẹ.

Ezikẹẹrị 37:25

Ẹnịnị vaa rá ịnị ẹtẹ ọnị ọnị sị yị ozi ahụ anị Ijekọvụ, ịzị ohiku ẹnịnị vịdị ra. Ịzọọ ẹnịnị vanaa rá pooro zịna nị. Ezi ẹnịnị ẹnịrị ụnanka ẹnịnị vị ana vaa rá ịzọọ. Ohinọyị ọnya anka ozi ahụ anị Idevidi ọ vaa vị ohinọyị ẹnịnị pooro zịna nị.

Ayịsaya 6:13

Àa daka nyị ịzị aza gụ ẹẹwụ tụ̀ dị ahịka ọza ịnya ọ vọ nị, ọza ịnya ọnọọ vị ọnị ọ vaa sị hụrẹ oze. Ama aza chee ana vọ aanị vị ana vaa sị mẹẹ anka igugu ọchị ọbanyị ene è yi me sú avọọ. Aza Ohomorihi vị ana vaa sị mẹẹ anka igugu ọnọọ àaa ha avọọ.

Ezikẹẹrị 39:28

Aza anị vaa yẹ́ ịjị ọnọọ ka ọnị ọ vị Ẹnẹyịmavara, Ohomorihi ẹnịnị nị, ka ọnị ộ mẹ̀ ka à za wa ọrịhị ne hi aha ọsa, ama ọnị ọ rẹ raa kụ́ wa gụ booro aanị, dị ọnị kụ́ wa vavẹ ịnị ẹtẹ ẹnịnị ụvọta nị. Ọnị ẹ́ yị hụrẹ ọza ọnyọọnyị ẹnịnị ụvọ tụ ẹkụra ọnịvị ẹnịnị.

Arụwẹ 3:29

Navọ ya wụ̀ chire ịnị ịrẹsụ ọkahi, ka ẹyịyara ẹ vaa nyị ọyịtureyi.

Ezikẹẹrị 37:21

Ọnị ọ̀ ka ẹ yị wa ka, ọnị, Ẹnẹyịmavara Ananyị ụkata hu vaa kụ́ aza anị hụrị ẹkụra-ẹkụra ẹnẹ ẹnịnị nọ. Ọnị vaa kụ waa gụ, dị ọnị kụ́ wa vavẹ ịnị ẹtẹ ẹnịnị ụvọta.

Ịzakaraya 9:12

Waa vaa vẹ aha ọyịtẹ̀ awụ nịnị, wa nyị eyọtụra. Ẹnẹyịmavara kà booro aanị, ọnị vaa sì wa atọ ịsa ana jị wa ha oze ẹẹva.