Ijeremaya 31:15 - IWE ỌNỊNỊ

¹⁵ Ẹnẹyịmavara kà, ọnị ộ wụ́ a maa jị òrèrè ọngwọọngụ ẹtẹ Iraama. Irechẹrị aa jị òrèrè agụvị ka e yi kuku re ezi anị. Â sị ọ ayị nẹtẹ pooro ô yii.

Ijeremaya 31:15 Referans Kwoze

Ijeremaya 40:1

Ijeremaya ka, Ẹnẹyịmavara ộ kà ịrẹyị yị ọnị Inebuzaradani mẹ raa hụrẹ ọnị ụvọ ẹtẹ Ịraama. Ọ kà vị́ a vịdị tụ ọnị ẹba na ngụ ịzọọ beri aza ana vọ ana kụ hụrị Ijerusarẹmị ọnịrị Ijuda nị. Dị a kụ ẹnị ne hi Ịbabịrọnị anka ọrịhị avọọ nị.

Ahẹ Ụgama 77:2

Ẹ́ngụkata mé tù mị, Ẹnẹyịmavara mi nowu na za nị. Avaba ịrahụ vị ọnị mị kụ̀rà ụvọ tụ́ ẹba, dị maa da ịpẹ, mẹ yị kà ka ụvọ amị ộ kata, me yi rị re ịsị a vọrọ ka ọ̀ mẹ ayị amị hunẹnẹ.

Oyinyima 35:19

Irechẹrị ô wusu, di e ne e oze ana a zịị nọ Ehwirati nị. Ịzọọ aa hị́ Ịbẹtịrẹhẹmị booro aanị nị.

Ijeremaya 10:20

Ẹ ka, ajẹngụ ẹnịnị e ku wu. Orupa anị ẹ kụ jị va ha. A raa kụ ezi ẹnịnị. Ẹ yị nyị ọza ana vọ ana vọrọ ka ò pe ẹnị kụ ajẹngụ ẹnịnị jẹẹ, dị pe ẹnị sị ịta jị ọ.

Ayịsaya 22:4

Navọ mị maa jị òrèrè aza amị ana a wụ. Asị ụ kà mị ka me kú irenu.

Oyinyima 42:13

Di e re tụ́ ohi dị ẹ ka, “Nda, ẹyị ẹwụrẹva áda ayị ma nị. Ada ayị vị ana ra ịnị ẹtẹ Ikanaani. Ajịmọ ayịị yà pè ada ayị tụ́ eehi. Ọza ịnyara ayị kụkụ yà ịzọọ.”

Oyinyima 37:35

Avaba ezi anọrụ anị ọnịrị ezi anẹẹ anị ệ sị vụrị ka ẹnị è ji ọ ùnè, ama ọ yị zẹẹ ka oni ò kú irenu. Ọ kà, “Aanị ọnị maa jị òrèrè ozi anị pooro di ọnị ò ne tù o ini eku nị.” Avọọ ada Ijosẹẹhụ mè jị òrèrè anị nị.

Arụwẹ 5:7

Ohiku ayị nịnị ẹ mẹ̀ ebira odivi ama ẹnịnị ẹ yị kụkụ ya ịzọọ, dị ẹyị vaa rị ụya anị aanị nị.

Oyinyima 42:36

Di Ijekọvụ ada ẹnịnị va hị́ wa dị ọ ka, “Ẹ kụ́ ọnị ezi dọ wụ. Ọ kà Ijosẹẹhụ ọ yị kụkụ ya ịzọọ, Isimiyọnị ọnị ọ yị rẹ kụkụ yà ịzọọ, e ree sì ka ẹnị ẹ̀ va sị Ịbẹnjamịnị. Ọ kà Ịrẹsụ anị ịnya avaba ẹsẹnị maanị vẹ nị.”

Ezikẹẹrị 2:10

Ọza ọnọọ ộ ngwara iwe ọgọdọ ọnọnị, dị ọnị ré ka â chẹrẹ ịsa hị́ ọ eyi ẹnyị, eyi ọsa nị. Orere anaa jị oku oo sụ̀, ịrẹyị anaa kà ayị ọza oo du, ọnịrị ịrẹyị o du wu kù kẹnẹ a vavọọ chẹrẹ hi avaba anị nị.

Ahẹ Ụgama 37:36

Ama ịnị ụmẹ chee, áanị ọ ta, ọza o yi kuku re e Mê vene sì ọ ka ịzị ọ yà ama ọza o yi kuku re e.

Ijoovu 7:21

Sị ẹ vẹ dị ụ wẹ yị vagu ịvị ọnị mẹ yị mị, dị ụ wa sị ebira ọhịmị amị kwooze? Ẹ yị nyị aa jẹẹ aanị dị a sị mị ne chire ẹtẹ; u kuku vee sì mị, ịjị ọnọọ mi si hu.

1 Ịsamụwẹrị 7:17

Ọ̀ọ sị ọ zị gẹ ẹtẹ dị ọ va varẹma nọ Iraama ịzị e ve eehi anị. Òo re tù ịzọọ dị ọ rẹ mẹ̀ ọkarẹyị yị Anisirẹrị nịnị. Ịsamụwẹrị ô hi ụta tụ́ Iraama ịzị ọ yàa mẹ ịsọvọọ yị Ẹnẹyịmavara.

Ijosuwa 18:25

Ịrẹha ẹkụra ẹsa ana ya ịnị ẹtẹ ọnọọ ẹ vị Igibiyọnị, Iraama, Ịbẹẹrọtị,

Oyinyima 5:24

Enọkị ọnịrị Ohomorihi ệ rị, dị ọza ò yi vene re e nị, agụvị ka Ohomorihi ọ raà sị ọ si hu.

Ọdọvịdị 4:5

Ọọ̄ yaatẹ iruvo ọsọchị ọnya aanị ana ya ịnị akakana ẹkụra Iraama ọnịrị Ibeteri ịrẹsụ ataba Ehwireemi, dị aza eē vee họ̀ use ajuwe hụụnị ụvọ anị.

Ayịsaya 10:29

Anirama aa dá ẹgahị ángwa m èe hí wa. Anigibiya ana vị ẹkụra Ịsọọrụ ene kú zwe.