Ijeremaya 30:8 - IWE ỌNỊNỊ

⁸ Ẹnẹyịmavara Ochẹtẹẹngụ ka, ịhị ẹkụhị ọnọọ oo tu, ọnị vee che ọkẹẹkẹrẹ ana a sị tụ aza anị ọbẹ dị ọnị ngwara ẹba ana a sị sụ́ wa. Ẹnịnị ẹ́ yị kụkụ vaa vị ọrịhị yị anẹkụra ọsa.

Ijeremaya 30:8 Referans Kwoze

Ezikẹẹrị 34:27

Ọchị ene hi ịnị aarẹ vaa tụ ẹtụtụ, ịsị ịnị aarẹ vaa mẹ ẹtẹẹtẹrẹ, dị ọzọza ra hị́ ẹtẹ anị ẹngwọọrọ-ẹngwọọrọ. Ịjị ọnị ọọ ree che ọchị ana a sị tụ wa ọkẹẹkẹrẹ, dị ọnị raa dọ wa hụrị ụvọ aza ana za wa ọrịhị nị, ẹnịnị vaa yẹ ka ọnị ọ vị Ẹnẹyịmavara nị.

Ịnahụmị 1:13

Ọnị vaa hụrẹ ọkẹẹkẹrẹ, dị ọnị jị ịchẹkẹchẹkẹ Ánasiriya hụrẹ wa ẹngụ dị ẹ nyị ẹngụ ẹnịnị.

Ijeremaya 27:2

ọnị ọ̀ sị́ obo ana a sị ịtụmpaha mẹ ọnịrị ọchị ana gọdọ dị ọ bụrụ mẹ ọkẹẹkẹrẹ, dị ọnị ọ̀ sị tụ ọbẹ nị.

Ayịsaya 9:4

Aza ana vịdị aa mẹ ẹchakaa yị wa, wa kụ́ aza ẹnẹẹ gara ha. Wa raà tụ̀ ọkẹẹkẹrẹ ana a vịdị sị tụ́ wa, dị a sịị sị ụyaa rị wa. Wa raà nyị ẹbẹẹba anẹkụra ọnọọ ana mẹ̀ ẹvaya, dị ẹ yaa kụ ogu ẹnịnị Wâ mẹ ka ẹ̀ nyị ehuna anka a mẹ̀ nyị ehuna Animidiya ịyẹẹyẹ avọọ.

Ijeremaya 28:10

Dị Ịhananịya sị ọkẹẹkẹrẹ ọnị Ijeremaya sị tụ ọrọkọ dị o chee piri-piri nị.

Ijeremaya 28:13

Ọnị ọ̀ na kà a yị Ịhananịya ka: Ẹnẹyịmavara kà, ọ sị ọkẹẹkẹrẹ ana a sị ọchị mẹ che va ha, ama ọnị vaa sị ana a sị enyusẹ mẹ dọ ọ ịrẹsụ.

Ijeremaya 27:7

Avaba anẹkụra vị ana vaa kụụ hẹkẹ e. Ẹnịnị vaa kụụ hẹkẹ ezi anị ọnịrị aazị anị pooro nee tu ụmẹ ọnị ẹkụra anị ọnị rẹ vaa sị sẹ̀ ẹdụ. Dị anẹkụra anị ẹnị rẹ vaa kụụ hẹkẹ anẹkụra ọrụrụ-ọrụrụ ana nyị ụkata ẹtẹẹtẹrẹ ẹnịrị ohinọyị ẹbanyị-ẹbanyị nịnị.

Ijeremaya 25:14

Ọ kà ọnị vee si Ịbabịrọnị ụta avaba ịsị ẹ mẹ. Anẹkụra ọrụrụ-ọrụrụ ẹnịrị ohinọyị ẹbanyị-ẹbanyị vaa za wa ọrịhị.

Ijeremaya 2:20

Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.

Ayịsaya 14:25

Ọ kà Anasiriya ene hi Ijuda ịnị ẹtẹ anị vị ọnị ọnị vaa kwọrọọ ha. Ọ kà vị ọnị vaa kụ́ ahụụ hi wa ịrẹsụ ịrẹsụ ataba anị nị. Ọ rẹ ka ọnị vaa tụ̀ ọkẹẹkẹrẹ ẹnịnị hụụnị ọrọkọ aza anị, dị ọnị dọ ẹnya ene e kune tụra aza anị va ha.

Ayịsaya 10:27

Ịjị ụmẹ ọnọọ òo si tù, ọ ka ọnị vaa dọ wụ nịnị tịtẹ hụụnị ụvọ Anasiriya, dị ọnị tụ̀ ọkẹẹkẹrẹ ẹnịnịị hụrẹ wụ ọrọkọ. Ọ kà avaba ẹnya ene e kune tụra wụ nịnị vị ọnị ọnị aa dọ vaa ha.

Ijeremaya 28:4

Ọ kà Ẹnẹyịmavara kà ọnị vaa sị Ijehoyakimi ozi Ijehoyakimi, ohinọyị Anijudaa vaa vẹ, beri avaba Anijuda ana a dụ ne hi Ịbabịrọnị. Ẹnẹyịmavara kà, ịzẹyịza, ọnị vee che ọkẹẹkẹrẹ ohinọyị Anibabironiya vaaha.

Ahẹ Ụgama 107:14

Ohomorihi ọ tụ̀ wa hụụnị etohozi chatakuu eni e hi ịnị anị, dị ọ jị ẹba ana a sị tụ́ wa và ha nị.

Ezikẹẹrị 30:18

Ẹnẹyịmavara kà ịrahụ vaa za ẹkụra ana aā hị́ Itehahwinehesi ịjị ọnị ọ raa gara ụkata Anijipiti nịnị ha; dị ọnị mẹ ka ụkata ene e yee sii wuu zi avọọ ọ́ ta nị. Ọ kà eguhi vaa da ku ẹtẹ Ijipiti, dị a za avaba ene hi ẹkụra-ẹkụra anị ọrịhị.

Ayịsaya 14:1

Ama Ẹnẹyịmavara ọnị vaa vayị ezi Ijekọvụ ana vị aza anị. Ọ rẹ vanaa kụ́ waa vẹ ka ẹ̀ va ra ịnị ẹtẹ ẹnịnị. Azọga va naa ra pè wa ịzọọ.

Ayịsaya 14:3

Ịhị Ẹnẹyịmavara ọ̀ọ raà sị wụ hụụnị ụyọrị ọnịrị ẹngụkata ene vịdị tù wu ụ mé vị ọrịhị,