Ijeremaya 30:7 - IWE ỌNỊNỊ

⁷ Ẹnẹyịmavara kà ẹkụhị odivi aa vẹ. Ẹ́ yị nyị ẹkụhị ana vaa wụra juwe anị: Ọ kà ụmẹ ọnị aza anị vaa sị rị ụya ọ vaa vị nị, ama ẹnịnị vaa ha.

Ijeremaya 30:7 Referans Kwoze

Ịdanịyẹrị 12:1

Ụmẹ aa vẹ anaa vaa nyị ẹngụkata ana ahịka ẹ yị vịdị vavọọ nyị da á mẹ hụrẹ nyị ẹkụra anaā hị́ Isirẹrị. Ụmẹ ọnọọ Ịmayịkẹẹrị ana vị anggẹẹrị ana sị eyi pe Anisirẹrị nịnị vaa kwẹẹtẹ. Ịjị ụmẹ ọnọọ òo tu, Ohomorihi vaa dọ avaba Anisirẹrị ọnị ịrẹha ẹnịnị hi ịnị iwe anịị ha.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Ịdanịyẹrị 9:12

Dị ọnị kà a yị Ohomorihi ẹnịnị ka, ịsị ộ ka ọnị vaa mẹ ẹnịrị ọdọvịdị ẹnịnị ộ sị ọ mẹ. Ẹ́ẹ yị nyị anẹkụra ọsa ịrẹsụ ẹtẹ ọnị ọ maanị sị ụya rị da anka ọ mẹ sị ụya rị Anijerusarẹmị aanị.

Ijowẹrị 2:11

Dị Ẹnẹyịmavara ha iduma dọ ka ịrẹyị yi ọkụrẹkụ anị, dị ẹnịnị wụ́ chire e nị. Ẹkụhị ọnị Ẹnẹyịmavara vaa mẹ̀ ọkarẹyị vaa nyị ẹngụ anị. Ẹnẹ vaa ha?

Aniroomi 11:26

Ịjọnọọ dị Ohomorihi dọ avaba Anisirẹrị nịnị há. Â vịdị vavọọ chẹrẹẹ (ka Ohomorihi) ka, “Ọdọzaha ọnọọ vị ana vaa hụrẹ Ịzayọnịị vẹ. Ọ vaa kụ́ avaba ebira edivi-edivi hụụ ịda irima ezi Ijekọvụ.

Ịmaakị 13:19

agụvị ka ịhị ọnọọ, ụya ene vee chí hi ẹtẹ, ẹ̀ yị vịdị vavọọ nyị ụya da, Óhomorihi mẹ̀ hụrẹ mẹ ẹhẹ pooro ve tù ọyaanị; a mā rẹ vana vavọọ nyị ị́rẹma anị.

Ihoseya 1:11

Anijuda ọnịrị Anisirẹrị nịnị vaa vabẹ, dị ẹ nyị ọdọvịdị ọnyara yị ẹngụ ẹnịnị. Dị ẹ varẹma dọ ẹtẹ ẹnịnị agụvị ka ẹkụhị Ijezirẹẹrị vaa nyị ẹngụ anị.

Arụwẹ 1:12

Ẹ yaa hị́ avaba aza anaa parahu ẹ maa jị òrèrè. Ẹ ka, “Ọzọza o re ịsị Ẹnẹyịmavara sị ẹnị mẹ̀. Ẹ yị nyị ọza ana maanị rị ẹngụ ụya ọnị ẹnị rị aanị da”. Ẹnẹyịmavara vị ana sị ọyịkụ-ọyịkụ sị sị ụya rị ẹnị.

Ijeremaya 30:10

Ọ kà, ẹwụ nịnị aza anị, Anisirẹrị, asị ụ hí angwa nịnị; asị ayị hụrẹ ụ nịnị ịnẹ. Ẹnẹyịmavara kà ọnị vaa dọ ẹwụrị ezi ẹwụ nịnị ha hụrị aha ẹnẹẹnẹ ịzị a za awụ nịnị ọrịhị hi avọọ. Ụ vanaa nyị ẹngwọọrọ, dị ọnị ee sere ụ nịnị. É ma vana nyị ọza ana vaa mẹ angwaa hi wu nịnị.

Ahẹ Ụgama 34:19

Aza ana aa mẹ̀ ebira ana vọrọ ini eyi Ohomorihi ẹ nyẹngụ nyị ẹngụkata irenyi-irenyi ama Ẹnẹyịmavara vị ana aa tụ̀ wa hụụnị avaba anị.

Ẹtore 6:17

Ệ kà avọọ, agụvị ka ẹkụhị ọbanyị ana aa sịị kụ́ ayị, o si tù; ẹnẹ va zụụ jẹẹ?

Odeyi 2:20

Ọyị vee hozi, dị ụhwẹ ee ví anka anya avọọ, dị ẹkụhị ọnọọ ò ve tù oni Ohomorihi Ananyị yị vaa sị vaa mẹ̀ ịsa ọbanyị ọnị ọza vee re.

Ijowẹrị 2:31

Dị ọyị vene hozi, dị ụhwẹ ee vi anka anya tụ́ ẹbẹẹba. Ịvọpa ẹnẹnị aa sị zụ̀ ka ẹkụhị ọbanyị ọnị Ẹnẹyịmavara vee si du ayị hi aza anị aa gụrị ẹtẹ

Arụwẹ 4:6

Ụya ana aa sị rị aza amị, óo divi huni ụya ọnị Anisodọmị nịnị rị. Isodọmị ọ vị ẹkụra ọnị Ohomorihi vú ẹtẹ avaavo nị.

Arụwẹ 2:13

Hoo! Anijerusarẹmị ana a maanị sì ịrẹyị anị. Sị mị nyẹngụ kà? Sị mị zụ sị ayị awụ nịnị nẹtẹ aanị? Ẹ yị nyị ọza ana maanị rị ẹngụ ụya ọnọnị da o. Ịrẹyị odivi ene tu wụ aanị ọ sị dẹngụ baaba. Ẹ yị nyị eyọtụra vụrụ-vụrụ?

Ahẹ Ụgama 25:22

Ohomorihi, aarịhịnị navọ wa dọ Anisirẹrị tụ́ hụụnị avaba akanya ẹnị ẹ nyị.

Oyinyima 32:7

Di Ijekọvụ ee hí angwa ẹtẹẹtẹrẹ, dị ayị anị sị vazi nị. Dị ọ gà aza anị ọnịrị ịsụpa anị hi oze ẹẹva nị.

Ayịsaya 20:6

Ịnị ụmẹ ọnọọ aza ana ra hi ụtọ oku Ihwirisitiya vaa dà ẹngụ igege dị ẹ ka wéē re ịsị e tù aza ẹnị ẹyị rẹ sị ayị tụra. Ẹnị ẹyị vịdị zwe ne tù ka ẹ̀ dọ yị tụ́ hụụnị ụvọ ohinọyị Anasiriya nọ! Ẹyáá kụkụ zụ há aanị?

Ijeremaya 2:27

Ụhị ọ vaa nyị ẹwụ nịnị ana a kà ọchị ọ va ada awụ nịnị, dị ịrẹta vị ọnyị awụ nịnị nị. Ọ kà aanị ọ mẹ vaa yaa wụ nịnị nị, agụvị ka wa sị ịrẹma và ka ọnị nịnị, we yị và eyi ka ọnị nịnị. Ama ịjị ẹngụkata ọọ ka wụ nịnị vẹ dị ụ ka ọnị ọ̀ kwẹẹtẹ dị ọnị ọ̀ dọ wụ nịnị tụ.

Ijeremaya 2:28

Ama ịzị ori ọnị ụ mẹ yị ẹngụ awụ nịnị hi? Jẹẹ ẹ̀ kwẹẹtẹ kẹ, ẹnịnị ẹẹ zụ dọ wu nịnị tụ ịnị ụmẹ ẹngụkata awụ nịnị; ka ẹwụ nịnị Anijuda, ẹkụra awụ nịnị mẹ rụrụ, avọọ ori awụ nịnị mẹ rụrụ nị.

Ijeremaya 14:8

Ẹ ka, ọnị ọ vị ọyịtureyi Anisirẹrị nịnị nị, ọnị ọọ dọ ẹnị ha hụụnị ẹngụkata nị. Sị ẹ vẹ dị ọnị kụkụ sị mẹ anka ọzọga anaa jịnẹ dị ọ ha ka ọnị sụ̀ venẹẹhẹ avọọ yị ẹnị?

Ijowẹrị 1:2

Batọ ẹwụ nịnị azọkụ; Ẹwụ nịnị ene hi Ijuda ọzọza ọ sị ụtọ pe ẹtẹ. Áá maanị nyị ịrẹyị ana vịdị mẹ̀ da ịnị ụmẹ awụ nịnị, a vị ịnị ụmẹ ohiku awụ nịnị?

Ijowẹrị 1:15

Ẹkụhị ọnị Ẹnẹyịmavara vee sii du ayị hi wa aa gụrị ẹtẹ. Ịhị ọnị Ohomorihi Ochẹtẹẹngụ vee vu wa ẹtẹ vaa daa divi kẹnẹ.

Ịzakaraya 14:7

Ẹkụhị irenyi ọ vaa vị nị, ẹ yị nyị ọọdụ, nyị ịrahụ ẹtẹ vi ene ve hweyi pooro kẹnẹ, Ẹnẹyịmavara ọ yẹ ẹkụhị ọnọọ nị.

Imika 4:9

Anijerusarẹmị, sị ẹ vẹ dị ụ maanị aa tụ̀ orere boro-boro? Sị ẹ vẹ dị wee nowu anka ọza ana aa barẹẹ avọọ? Vị waaa nyị ohinọyị nịnị nị. Mâ yẹ ka e zụ pe wu nịnị juwe ộ!

Ihabaku 3:16

Ịjị Ihabaku wụ́ avaba ịsa ẹnẹnị, dị ayị hụrẹ ẹ ịnẹ, dị ẹgahị ngụ ọ ẹngụ nị. Di o ne ku hẹẹ ee zi ịhị Ohomorihi vaa sị ụya rị ọnịvị ẹnịnị ana kụ́ ọ ka ẹnị ụhwẹ aanị nị.